تم الحجز الى مراكش ^_______^

المشاركة الأصلية كتبت بواسطة نويت

أول شي ـ رحلة موفقة يارب ـ

ثاني شي ـ صح لسـانك ـ

ثالث شي : إليك الإجابة عن استفساراتك !!

السـكن / عندك ثلاث خيارات ـ إذا تبي مجمعات ( الدرقاوي + الروز قاردن + منوار النخيل ـ+ بابليون )
وإذا تبي شقق ــ عندك حي قيليز ـ حي رسمي ومافيه أي خصوصية مثل المجمعات ..
الخيار الأخير ـ الفنادق طبعاً ..

الأسعار ـ إذا إنتوا شخصين ـ من 1500 درهم إلى 2200 درهم ـ على حسب المكان والفخامة
طبعاً الشقق اللي بـ قيليز من 400 إلى 900 كذلك على حسب الفخامة .

اماكن السهر : الديـوان + والدبليو + وكاش + 555 .. وكلها كويسـة خصوصاً الدبليو ـ جوّهـ رهيب

أسعار السهر : الديوان ـ فيه طاولات بـ 1500 وفيه 2500 وفيه بـ 3500 على حسب الموقع

الدبليو ــ فيه طاولات بـ 2000 وبـ 2500 وبـ 3500 ..... إلى مالا نهاية ـ

الأماكن السياحية : أوريكا اللي فيها الشلالات ـ جبال الثلج في أوكيمدن بس الحين
أتوقع معاد فيه ثلج جيتها قبل شهرين وكان الثلج على آخرهـ ..

ساحة الفنا : صراحة مو ذاك الزود ـ الشحاذين فيها مثل شعر راسك وينشبون فيك نشبة غير طبيعية .

حدائق : ماجوريل ـ حدائق حلوهـ وفيها شرحة صدر .

وآخر شي ــ المقاهي اللي بـ قيليز ـ

بالنسبة لأسعار التاكسي ما أعرف عنها شي ـ لأن حن استأجرنا سيارة ..

التحذيرات : لا تاخذ مبالغ كبيرة في جيبك . وحاول تطنش أي كلمة هوائية من غريب ـ

إنتبه من استغلال الدرك وخلك محافظ ورابط حزامك .

بالنسبة للأمور الثانية ـ ما لاحظت شي ـ المغرب بلد جميل وأهله شعب طيب

مع تمنايتي لك بسفرهـ سعيدهـ .. وأتمنى ‘إني أفدتك حتى لو بالقليل ..