وعليكم السلام
انا طلعت ممكن اربع مرات من القصيم الى كازا بالقطريه وكنت اخذ رحله اربع الفجر لانها كانت مريحه والترانزيت بالدوحه ساعه وحده بس واكثر طيران اتوقع منتظم بالمواعيد هو القطريه والخدمه في الطياره حلووه واحسن شي تاصل كازا الساعه ١٢ الظهر وفيه رحله ثانيه من القصيم العصر لكن الترانزيت طويل وانا اكره الترانزيت الطويل عشان كذا اخذها من قاصرها والقطريه اسرع رحله من القصيم للمغرب للقصمان وكذلك التركيه بس التركيه دايم اغلى منها اما السعوديه راح تطلعك على الرياض او جده والترانزيت مره طويل وقلق هذا ان لقيت حجز بعد فيها
اتوقع اذا ما كنت حاجز طيران في ذى الوقت راح تتوهق لانه السعر غالي رايح يكون بالزاف وهذا ان لقيت حجز فهو كويس لان اغلب العالم حاجزه من شهرين والطيران فل بحكم الصيف
السكن اذا كنتو اثنين انصحك بالروز او النخيل وراح يعجبكم وموجود ارقامهم في بنرات الاعلان في الصفحه الرئسيه للموقع
اذا كنتو تحبو الهدوء فانصحكم في منتجع برستيجيا حلو وفيه غرفتين وصاله وهم بعد اعلانهم في البنر وكاله النعمه
وافضل صرف انك تصرف في المطار بعد ما تاخذ شنطتك وتطلع من البوابه تلقى الصرافين على يسارك وافضلهم بريد بنك ووفاء كاش
رحله ممتعه
2016-06-10, 10:07 AM
المواضيع المتشابهه للموضوع: 9 ايام لمراكش
العرض المتطور
الدرهم المغربي مقابل عملات الخليج