تقرير شامل لإجازتي بالمغرب الخامسه طعش والأخيرة

المطلب هنا ان الواحد يتكلم بكل حياديه ويترك عنه نعت اخوانه ممن هم اقل خبره في الحياه يألقاب غير لائقه ..

صاحب الموضوع أو حتى المعززين له .. كل منهم ما تعلم من فراغ .. والله يصلح الجميع ويزيد وعيهم

كلامك جميل يا توريست

__________________
وتستمر الحيااااااه

انا تعبت من الرد والتوضيح .. وطفشت من كثر المشاكل اللي تصير بالمواضيع .. لدرجة ولله الحمد بدأت اكتشف عقليات مريضة لكنها جديدة علي .. وهذا آخر توضيح اكتبه ..

هي 3 نقاط لا اكثر ولا اقل

1- سبب كتابة التقرير واضح وليس هناك تجريح لأحد كل اللي كتبته بصيغة المجهول واللي يهمني هو لُب الموضوع .. وعندي تقريرين قبل هذا تطرقت فيها لكل شيء يفيد اللي بيسافر والأشياء اللي واجهتني بهذيك الفترة

2- أغلب اللي استفزهم الموضوع هم من العينات اللي اقصدهم بتقريري (وجهة نظري ومقتنع فيها تماماً) وبالنسبة للنعت بكلمة خروف الخبرة مالها اي علاقة لا من قريب ولا من بعيد بالتحويلات المالية وشراء هدايا والفشخرة بأماكن السهر والهيااااااااط .. بعضنا يحب يكابر ويتفلسف ومايبي يعترف بوجود مشكلة .. وكأننا شعب الله المختار!!!

3- ولله الحمد والشكر يكفي ان فكرتي وصلت .. اعجبك الموضوع او ما اعجبك هذا شيء راجع لك لكن لاتتهجم بالرد وتدس السم بالعسل .. نقرأ مابين السطور ونفهم لكن نشتري عقولنا ونعديها .. عمر الحيادية ماكانت انتقام او تهجم بالرد .. الحيادية انك تكون مُنصف وحجتك قوية وتتكلم بعقلك وبالمنطق لا بماتهوى ..

ولازال بعض الخليجيين يدّعي المثالية وكأنه ملاك على هيئة بشر .. مع العلم اذا اعترفنا بوجود مشكلة هذا اول طريق لإيجاد حلول لها ،،،

تحياتي للجميع ،،،،

نصيحه لك ...

حاول انك توجز في الكلام ولا تكثر توضيحات وتبريرات .. اذا مقتنع من ان فكرتك وصلت، ماعليك من احد ..

مع ان عندي القناعه الكامله انك تقول ما لا تفعل وتشخصن الامور وترخي اذنك

تراها نصيحه ولك ان ترميها من فوق برج الساعه

__________________
تصادق مع الذئاب ... على أن يكون فأسك مستعداً

بما ان عندك القناعة بأني اقول مالا أفعل واشخصن الأمور .. اظن ان النصيحة لاتقدم ولا تأخر استناداً على قناعتك الكاملة


وحق الرد مكفول لي ولكل من يوجه له الكلام .. ناهيك عن ان الصفحة صفحتي والموضوع يتبع لي

تحياتي

مكفول يا كايدهم ..

عل وعسا تراجع نفسك والله يهدي الجميع

__________________
تصادق مع الذئاب ... على أن يكون فأسك مستعداً

انطلاقاً من مبدأ من لايشكر الناس لايشكره الله

اولاً .. اشكر القائمين على المنتدى الجميل .. وشهادتي فيهم مجروحة خصوصاً اخوي سهم المنايا جهوده بالنسبة لي جبّاره ويُشكر عليها ..

ثانياً .. اعتذر منكم شخص شخص عن اي اساءة او تجريح بدَر مني .. ويشهد علي الله في نهار رمضان انها غير مقصودة ..

ثالثاً وأخيراً .. انا قررت اترك المنتدى واقفل حسابي تماماً لأسباب كثير تخص المنتدى لكن أهمها بالنسبة لي .. بصراحة كسبت رجال امثال ..
بلاك نايت - وائل - الحضرمي - خالد - ميلاني - أديب - ابو نايف - ليث جدة - ابو يوسف الشمري - كتلوني - هادي - بيضاوي

وكسبت اخوات امثال .. خوخه - سمو - بيضاوية - بنت مراكش

ولا ابي أخسرهم ابداً وافتخر واتشرف فيهم ولهم مني كل احترام وتقدير وصدقوني لو برجع والله رجعتي عشان اتطمن عليكم انتم بس .. فضلكم علي كبير وما انساه ماحييت ..

عندي طلب صغير ويمكن يزعل علي صاحب الشأن .. صاحبنا وحبيبنا الغالي ابو نايف 888 ولد اخوه صار عليه حادث ودخل غيبوبه وتوفى دماغياً ارجو رجاء انكم تخصونه بالدعاء خصوصاً وقت الإفطار ان الله يقومه بالسلامة فالله قادر ان يجمع العظام وهي رميم وقادر على ان يشفي ولد اخو ابو نايف .. أسأل الله العظيم رب العرش العظيم ان يشفيه ويمتعه بالصحة والعافية

اكرر اعتذاري للجميع والله يحفظكم ويرعاكم

انا لله وانا اليه راجعون أسأل الله العظيم رب العرش العظيم ان يشفيه ويمتعه بالصحة والعافية و الله يصبركم يا ابو نايف 888

بخصوص ترك المنتدى اخوي عبودي
اتمنى تراجع حساباتك و لا تستعجل

واشكرك على تواجدك و روحك الجميلة

__________________

الله يشفيه ويقومه بالسلامه


بالنسبه لتركك المنتدى هذا شي خاص فيك لكن اختلاف الراي لايفسد للود قضيه واتمنى تعيد النظر بتخاذ قرارك وكلنا اخوه تحت سقف واحد نرتقي ونسهر ونتعب لكي نوصل مايحتاجه غيرنا من اخبار ومن نقاشات والاجمل التعارف وفرض شخصيتك على كل من حولك بالمنتدى ويكونون جزء من حياتك ومن يومياتك الريئسيه فاتمنى التراجع عن الانسحاب ولنعمل المستحيل حتى نكون يد وحده وبالاول والاخير احترم شخصك وقرارك والله يكتب اللي فيه خير لنا ولك

__________________
حبيبي من يعزك بالهوى ماتقدر تذله , ترا قربك يزيدك بالغلا وأن عفتني غالي

بيض الله وجهك عبودي فكرتك واضحة وهدفك واضح ..

ابونايف ..

الله يشافي مريضكم ويرفع عنه ويقومة بالسلامة

عبودي
امسح من الخاص ياهووووووووو