مسافر اول مره >> كازا ولا اغادير؟

::

ان شاء الله مافيها ارهاق وانا في بالي اغادير صراحه من فتره ،، خصوصا اني اعشق النهار والطلعات في النهار والبحر واعتقد ان اغادير توفر لي هالميزه وايضا حجم المدينه الصغير

تعبت خذ لك سياره وقارمن والامور سهالات بس تعال انت بتروح اغادير ليش سياره اطلع طياره وريح دماغك

اهلا عبود
ممتاز جدا وهـذا المطلوب ما ابغى استخدم السياره هناك
ياسلام عليك شكرا على معلوماتك مشاء الله كل ردودك فوائد اسجلها عندي

هلا والله عبود

يامال العافيه والله تسلم ياالحبيب اخجلتني بكرمك ولطفك

والله انا في كل مكان اسافر احب اسوق ،، بس المغرب مدري متخوف شوي من موضوع السواقه فيها.( مع اني سواقتي نظاميه وما احب اسرع ابد )



خيار الطياره للاغادير صحيح مريح بس انا حاب اسافر برا من كازا لاغادير حب استطلاع واستكشاف فقط

بتضيع عليك يومك وتنكد علي نفسك تستاجر سياره من كازا لا اغادير وانت ماتحتاج سياره باغادير مصاريف زايده فقط.

غير التاكس حق الطريق والرادار

وانت بكيفك انا نصحتك

اسمعني ياقلبي .. كازا هذي مدينة مافيها اللي انت متخيله من فله ووو الخ... ومراكش ماراح تصلح لك لأنها مدينة قروبات وغالية عليك وانت لحالك .. كذا بقى أغادير انصحك فيها وبشدة واذا انا مكانك بيكون جدولي مثل كذا :-

السكن/ فندق المارينا شقة غرفة وصالة عن طريق مكتب المؤيد لأنك بتروح وقت موسم والوعود ماتأكل عيش احجز من المؤيد وخذ الايصال معك ... وتعمدت اكتب فندق لأن فيه سماسرة يأجرونك الشقق اللي خلف المارينا وتراهم نصابين خذ مني وبتدعيلي .. طبعاً سبب اختياري هذا السكن مع انه فوق الجيد جيداً ان كل شيء تبيه بيكون تحتك من ميني ماركت وصيدلية وكوفي شوب ومطاعم ومحلات مثل لاكوست زارا ألدو .. وماراح تحتاج لاسيارة ولاتاكسي وبتوفر فلوسك لشيء ثاني .. وعندك سكاي هذا ديسكو بالليل وبار بالنهار وشيشة وفله

المواصلات/ خلك على التاكسي 30 درهم للمشوار قبل 12 .. و 50 درهم للمشوار بعد 12 بالليل ..

المطاعم/
خليجي .. مطعم القلعة (المؤيد) .. مطعم إسماعيل
لبناني .. زهرة لبنان
مغربي/ بصراحة ماقد جربت بس يمدحون النهضة
وفيه مطعم هندي جنب اللبناني
وفيه مطعم باستا جنب ألدو
وفيه مطاعم شبه 5 ستار عاد هذي انت وحضك

السهر/
سكاي .. الطاولة 1600 درهم للب..ل.. وتقدر تخليها طلبات بـ1200 درهم .. من الساعة 12:30 الى الساعة 4:00

الخيمة .. طاولة طلبات 1000 درهم لكن اتوقع ارخص لانك لحالك

شهرزاد .. ديسكو وسعر الطاولة 1500 درهم والتكت 200 درهم من الساعة 4:00 الى الساعة 6:00

اتلانتك .. الطاولة ٢٠٠٠ درهم .. التكت اظن ٢٠٠ درهم من الساعة 4:00 الى الساعة 7:00 الصباح

مخيطو مقفل ويشتغلون عليه بيفتحونه مدري وش بيصير النظام

الباقي كبريهات وغالبيتها مغاربه وانصحك خلك مع الخليجيين وتلقى الطاولة من 1100 درهم الى 1500 بالكثير بس جوّها لك عليه


لاتروح لاكازا ولا غيره حاول تلغي رحلة مراكش او تعدلها وتحجز العودة من اغادير .. واذا تبي تسأل عن شيء تحت امرك


اهم شيء لاتتعامل مع سماسرة ابداً عشان ماتكره الدولة بسبب اشخاص محتالين مايمثلون الا انفسهم وتراهم كثير

الطريق من مطار كازا لأغادير 4 ساعات بالضبط .. انا آخر اجازة لي قبل اسبوعين رجعت خط من اغادير لمطار كازا وحاسبها بالملي طبعاً غير وقفات الاستراحة وكذا حنا ماوقفنا ابدددد

يابعد قلبي والله ياعبودي


شكرًا كفيت ووفيت

يعني اعتمد كل الايام في المارينا


بالنسبه لأماكن السهر انا ماعندي مشكله اخذ طاوله بس شكلي ماراح يكون غريب وانا لوحدي ع الطاوله ؟


بالنسبه لوضع أماكن السهر لازم يكون اغاني عربيه ؟

انا حاجز من مراكش على القطريه للدوحه وبعدين للرياض

ع حسب علمي مافي طيران مباشر من اغادير الى اي دوله بالخليج لازم توقف في كازا او الرباط

علشان كذا شفت افضل حل احجز من مراكش على القطريه

بالنسبه للسماسرة باذن الله مو بحاجتهم


الف شكر عبود

هلا عبودي

تنصحني اجل اخذ سياره من كازا الى اغادير

كم تكلف أجار السياره وهل ممكن تسليمها في اغادير ؟

وكيف وضع الطريق بين كازا وأغادير


يعطيك العافيه