خطوات سفرك للمغرب (للزوار الجدد) من الألف إلى الياء

عبودي $ · 2016-06-25T22:30:39+00:00

السلام عليكم ورحمة الله وبركاته .. صلوا على نبينا محمد الموضوع واضح من عنوانه .. لكن احب ألفت إنتباهكم ان اللي راح تقراه تحت انا ماني مجبور اكتبه وانت منت مجبور على التقيد فيه او التعليق عليه .. وأشكر لك مرورك [emoji257] نصائح للزائر الجديد للمغرب بختصرها لك بعدة نقاط:- --------------------------------------- 1- بمجرد انك عزمت الذهاب للمغرب ادخل موقع ويقو وابحث عن الرحلة بيطلع لك من الأرخص للأغلى او اذا كنت متعامل مع مكتب سياحي براحتك وماتحتاج لاڤيزا ولاغيره الا اذا بتجلس اكثر من 3 شهور 2- احجز السكن عن طريق مكتب سياحي معتمد على سبيل المثال مكتب المؤيد انا ما اعرف احد متخصص بالمغرب مثلهم خصوصاً ان تعامل ابو مؤيد رائع وراقي وابتعد عن السماسرة والعروض اللي تجيك بالخاص .. المؤيد مجرد مثال للي يشتغلون بالمغرب لايجيني احد يقول هذا تسويق .. وفي حال انك تبي سمسار اول شيء وثق حجزك بفوتشر للرجوع له عند الحاجة و انتبه من نقطتين وأضمنها قبل تحجز اللي هي مافيه مشكلة بالصوت ومافيه مشكلة بدخول الطيور لأن بعض الأماكن لها اشتراطات معينة 3- وانت تجمع اغراضك بالشنطة انصحك تأكد ان معك بنادول وفيتامين C وانصحك كل يوم أول ماتصحى حط لك فيتامين سي فوار بعلبة مويا واشربها على الريق تعوض اللي فقدته امس ولاتنسى أدواتك الشخصية للحلاقة والحمام والجسم وغيرها 4- انصحك لاتاخذ معك اي بطاقة غير الرخصة لأن بياناتك مكتوبه بالعربي والإنجليزي وبطاقة الصراف اللي بتستخدمها بس واترك اغراضك بديرتك لكن انتبه اذا ناوي تسحب من بنك المطار بالسعودية لازم تاخذ معك هويتك الوطنية مايقبلون الجواز نهائياً 5- خذ معاك فلوسك السعودية او الخليجية بشكل عام (كاش) و السبب بفقرة (9) 6- أول ماتوصل طبعاً مطار كازا بتكون عبيت نموذج الدولة اللي بيعطونك اياه بالطيارة قبل الهبوط اكتب بياناتك بالإنجليزي من واقع الجواز ولا انصح بكتابة المهنة يُكتفى بذكر طالب Student المهم بتواجه اول شيء الجوازات انتظر يجي دورك واذا وصلت عند الشباك خلك واقف على الخط الأحمر واعمل نفسك ميت وانت مو مجبور تعطيه درهم واحد لأن هذي وظيفته حتى لو لمّح لك اتحداه مايختم لك دخول هو بس يبي يفرد عضلاته والا مابيده شيء 7- اذا تعديت الجوازات بيجيك سلم كهربائي وعنده شرطي بياخذ جوازك عشان يشوف ختم الدخول وبيعطيك اياه طبعاً اسحب عليه ولاتعطيه شيء وترى المطار حطوا فيه كاميرات مُتحركة يبون يسيطرون على ظاهرة الرشوة واُشهد الله على ذلك 8- انزل مع السلم الكهربائي بتلقى قدامك بالضبط الصرافين لاتصرف من عندهم بس شف كم سعر الريال عندهم واسحب عليهم هذولا وبذمتي ليوم الدين نصابين مطيحين سعر الصرف المهم رح للسير اللي عليه شنط رحلتكم طبعاً بيجتمع عليك مليون واحد معهم عربيات عشان يخدمك وتعطيه برضو اسسسحب عليهم وخذ شنطتك بنفسك عشان تتفحصها لأن فيه ضعاف نفوس يفتحون الشنطة وهم جايبينها من الطيارة والشيء الثمين والقريب بيسرقونه 8- بعد ماتشوف سعر الصرف وانت تنتظر الشنطة اذا تبي تدخن رح الله يكرمكم للحمام بيخلونك تدخن بس لازم تعطي عاملات النظافة 20 أو 50 درهم لأنهم يشوفون انهم مزبنينك ومن حقهم [emoji23] 9- بعد ماتاخذ لك زقاره خذ شنطتك وبتوصل لجهاز تفتيش الشنط عند الشرطة برضو لاتبخشش احد اسسسحب عليهم اول ماتتعداهم بتلقى على يسارك يمكن 5 محلات لصرف العملة وكشك لشركة اتصالات المغرب وعلى يمينك 3 محلات لصرف العملة وشركة اتصالات اينوي وجنبه كوفي + منطقة تدخين .. وجهة نظري بعد تجربة شركات الاتصالات اينوي افضل بكثير وعندهم عروض جداً حلوة .. نرجع للعملة ترى كل محل له سعر شف الأعلى سعر وحوّل من عنده .. وتذكر فقرة (8) بعد ماتحول عشان تعرف الفرق .. وانتبه تحول فلوسك من سوق سوداء يمكن يغشونك بعملة مُزيفة كذا انا اضمن لك بتتنقع هناك لذلك انتبه 10- واذا انت دافع السكن ومرتاح منه انصحك اذا ميزانيتك مثلاً 20 ألف ريال حوّل 15 ألف بس واترك الباقي من السعودي معك اذا احتجتها فيه محلات صرف داخل المدينة وسعرهم حلو لأن عملتهم بالشراء اغلى من البيع اذا جيت تحوّل الباقي هذا اذا بقى اعرف ربعنا يديهم مشقوقة 11- بعد ماتحول فلوسك للدرهم رح لشركة اينوي للاتصالات او اتصالات المغرب بكيفك وطلع رقم وشغله وتأكد انه يرسل ويستقبل والنت شغال .. بعض الأحيان يصير فيه مشكلة بالشرائح وبرضو الاجازة قبل الاخيرة صارت معي 12- بعد ماتخلص من النقطة 11 هنا انت بتصير في غابة بتصير مشاكل وطقاق بسبب حضرة جنابك اغلبهم يبي يخدمك عشان يستغلك والبعض يبي يسترزق وبيصير طحن بينهم .. واذا بتطلع من مطار كازا لمراكش مع سواق بيوصلك بـ1500 درهم واذا اغادير 2500 درهم مع العلم ان سعر تذكرة الطيران 1300 درهم تقريباً لأغادير!!! يعني اقل من السعرين اللي قبل !!! واذا عندك رحلة داخلية لمراكش مثلاً رح قص البوردنق واشحن شنطتك بنفسك لأن المشوار فيك فيك اللي بيخدمك وبياخذ منك هو بس بيسحب الشنطة وحتى الطابور حق البوردنق وشحن الشحن ماراح يخدمك فيه بتنتظر مثلك مثل غيرك لأن محد بيقص البوردنق لك الا بوجود جوازك يعني وجودك !!! بعد ماتشحن الشنطة لوجهتك اللي بتروح لها بالمغرب بيجي على يمينك بوابة مكتوب عليها رحلات داخلية 13- ادخل مع البوابة هذي بتلقى قدامك شرطيين عند جهاز التفتيش دخل شنطتك بالجهاز وخله يفتشك ولاتبخششه اسسسسحب عليه .. طبعاً اول مايفتحون بوابة الرحلة بيجون يركبونك سيارة مرسيدس عائلية حقت رجال الاعمال والدرجة الاولى برضو اسسسسحب عليهم واركب بالباص المتعارف عليه لانهم بيسوون لك كذا عشان تدفع بخشيش وانت اساساً كذا كذا رايح للطيارة تدفع ليش؟!! 14- اول ماتهبط بمطار وجهتك برضو فيه جوازات وماراح يختم على جوازك لأنك خاتم عليه بكازا بيشوف جوازك بس ويناظر وجهك المليح وبيعطيك ابتسامة بخششني برضو اسسسحب عليه .. بعد ماتتعداه خذ شنطتك من السير اللي قدامك على طول وعاد الله يعينك على سواقين التكاسي بيفلمون فيك بس اذا انت بأغادير المشوار من المطار للمارينا 200 درهم واذا مررره مررره 250 درهم اما مراكش فلهم تسعيرة عند باب المطار لكن نسيتها والله 15- اذا وصلت وجهتك احرص على ان كل اغراضك الثمينة بالسيفتي بوكس ونصيحة لوجه الله حتى الذبان الأزرق لايدري كم ميزانيتك صدقني بتتفشخر بـ الكم ألف اللي معك بترجع لنا تصيح ترى بعضهم على الله ثم عليك كسائح (من 16 - 30 سبق كتابتها وتم وضعها للأعضاء الجدد) 16- لاتثق بأحد ابداً مهما كان ولكن صاحبهم فقط 17- لحد يعرف عنك اي شيء من خصوصياتك .. فلوسك ، وظيفتك ، راتبك ، وضعك بشكل عام .. يكفتى بالاسم وسوالف عامة 18- خلص امورك بنفسك ولاتعتمد على احد نهائياً 19- لاتتناقش انت واخوياك بأموركم المادية قدام اي احد غريب خصوصاً طيوركم 20- اذا بتستأجر سيارة بيعاملونك بعض ممن ينتسبون للشرطة والدرك حسب نوع السيارة رنج ومرسيدس وبهرجه بيوقفونك لأتفه الأسباب او بدون سبب وبتدفع الاكرامية (رشوة) بكل مشوار وإذا بتاخذ لك سيارة صغيره عاديه قليل جداً اللي بيوقفونك 21- الشعب المغربي أوادم مثلك مثلهم لذلك لاتسوي لي فيها انك جاي بفلوسك معناته ملكت الدنيا لا يبوووي احترم نفسك يحترمونك تقل ادبك تحمل اللي يجيك ولاتجي تتبكبك عندنا 22- مراكش اذا مافيه موسم انتبه لاتدفع عربون الا اذا شفت السكن بعينك لكن مثل اجازة العيد الجاية إلى عيد الأضحى احمد ربك إذا لقيت لو كوخ تنام فيه ولازلت عند رأيي المغرب ماتصلح وقت موسم ابداً .. ولازال لدبي رونقها 23- المتسولين بتعطي واحد بيجونك عشرة لذلك خلك على نظام لا أسمع لا أرى لا أتكلم وبتمشي امورك 24- وهذا أهم شيء .. يررررحم أم أم أمكم لاتعيشون جو الحب والغرام وتشغلونا مرتين يتضاربون ٢ قدامي ويوم سألت البوديقارد قال هذولا دايم كذا ويحبون بعض .. هذا استهبال ياعيال بالعقل وحده طالعه معك من ديسكو انت بعقلك انها بتحبك..؟!! .. اذا هم اصلاً عارفين انك ماجيت لسواد عيونهم انت جاي لأهداف براسك وعشان كذا يعاملونك مثل مايشوفون منك .. وانتبه تعطي طيرك رقمك السعودي ترى انت اللي بتكره حياتك بالسعودية وتبي ترجع للمغرب عشان الكلام الحلو ووو الخ ... ترى الوضع كله على بعضه اليوم بيدك وبكرة بيد ١٠ غيرك يعني انتبه ياروميو .. ولاتظن ولا للحظة ان الشيء بيدوم لك ياما ازواج وزوجات خانوا بعض!! 25- السهر والطيور وما إلى ذلك من الأشياء المتغيرة حسب الموسم لكن تذكر ان اللي بيدك اليوم بيصير بيد غيرك بكرة يعني لاتتفشخر وتدفع وتلوم الناس بكرة 26- بالنسبة للسهر ترى من مهام الفنان انه يجي على طاولتك ويسلم عليكم وياخذ اساميكم ويحررررج عليكم واذا انتم سعوديين غنى لك عاش سلمان يرقّص فيك شوي عشان تنقط يالفاقد .. وفيه عينة تكون سهرانه وراعية مكان ويرسلون لك تحية مع تنقيطه عشان انت تسوي لي فيها عزيز نفس وترد التحية وتنقط وانا اوعدكم اني كنت ولازلت وسأظل ادعي على ذا العينة اللي تفكك الجو 27- اذا اكلت بمطعم اطلب الفاتورة وتأكد من السعر لأنهم يحبون العينة اللي تسوي فيها كاش ويحاسب بفهاوة وسبق صار لي اكثر من موقف خصوصاً مطعم الباستا بالمارينا 28- انتبه من عروض اصحاب التكاسي خصوصاً بالمساج والحمام المغربي لأنه بيوديك لمحلات عادية جداً ويعطونه عمولة على كل شخص يجيبه 29- راح يُعرض عليك بالشارع كل شيء سواءً مسموح فيه أو ممنوع انت لاتطاوع الا نفسك واخوياك غير كذا اسسسسحب على الباقي 30- بالنسبة للمواصلات صدقوني استئجار سيارة ماله اي داعي خصوصاً بمراكش واغادير لأن سعر التاكسي بمراكش للخليجي فقط المشوار بـ50 درهم قبل الساعة 12 بالليل وبعد 12 الى نهاية السهرة 100 درهم للمشوار واغادير للخليجي فقط المشوار بـ30 درهم قبل الساعة 12 بالليل وبعد 12 بـ50 درهم إذا بتاخذ سيارة وحجزوا جوازك مع ان هذا ممنوع لكن احتياطاً خذ صورة مختومة من نفس المكتب 31- اذا انت جايب معاك شيشة بيشغلونك شرطة المطار على اساس انها ممنوعة ومدري ايش هنا انت بتضطر تدفع عشان تدخل الشيشة من المطار وتطلعها معك بالرجعة واقترح تعطيه 100 درهم تكفي انها تدخل لك شيشتك وهنا انت مجبور على الدفع 32- اتمنى انك تتصدق يومياً سواءً بالمال او بالذكر لتكفير ذنوب اليوم اللي قبل فلا تدري نفسٌ بأي أرضٍ تموت .. والله العظيم أثرها كبير وتطفئ غضب رب العالمين * كل ماتم ذكره لمن يرغب بإجازة بمصروف معقول جداً * ماسبق ذكره شامل للخليجيين فقط بشكل عام .. والقصد من التقرير للفائدة ولانستنقص من احد فلكل قاعدة شواذ .. * للمتطفلين/ انا بحياتي ماكتبت كم اصرف هناك وماراح اكتب لكن اللي ودي تفهمونه انا اول مره رحت للمغرب صرفت 5 أضعاف اللي اصرفه الآن بدون ما أحرم نفسي من شيء نهائياً .. وهذا سبب تركيزي على المواضيع هذي يارب تفهمون عربي ختاماً اشكر لكم مروركم .. واللي حاب يضيف نقاط ماعندي مانع بس اعيد واكرر نحترم الذوق العام [emoji257]

مزعوط خاطيير ١r

مزعوط جديد

المشاركات: 19

تاريخ التسجيل: Jan 2016

2016-06-26, 02:59 AM

المشاركه #11

ما خليت شيء يازعيم هذي خريطة طريق السفر للمغرب

تحياتي

مراكشية doc

مزعوط خبير

المشاركات: 5,724

تاريخ التسجيل: Nov 2015

2016-06-26, 03:25 AM

المشاركه #12

بصراحة تقرير واضح ....برااااااافو

The only one

موقوف

المشاركات: 4,041

تاريخ التسجيل: Apr 2015

2016-06-26, 03:28 AM

المشاركه #13

تعليق ع الفقره 24
بالنسبه للي بيحب بنت ليل
يستاهل ماجاه
وين أحب الليله وين

مسافر مسلفر

مزعوط مبتدء

المشاركات: 35

تاريخ التسجيل: Jun 2016

2016-06-26, 03:36 AM

المشاركه #14

كلام مفيد
بس حسيت اني داخل حرب يارجال

خطوات سفرك للمغرب (للزوار الجدد) من الألف إلى الياء

✨VERSACE✨

مزعوط نشيط

المشاركات: 123

تاريخ التسجيل: Feb 2016

2016-06-26, 03:53 AM

المشاركه #15

ماقصرت ياعبودي

✨VERSACE✨

مزعوط نشيط

المشاركات: 123

تاريخ التسجيل: Feb 2016

2016-06-26, 03:54 AM

المشاركه #16

اقتباس:

المشاركة الأصلية كتبت بواسطة مسافر مسلفر

كلام مفيد
بس حسيت اني داخل حرب يارجال

هذا اللي صاير هناك والواحد لازم يستفيد من سفراته ويعرف السلبيات والايجابيات يعني يعرف الكفت كامل علشان يرتاح في سفراته القادمه

hatemckck

مزعوط فضي

المشاركات: 919

تاريخ التسجيل: Jul 2012

2016-06-26, 05:02 AM

المشاركه #17

يعطيك العافيه

لو تلاحظون كلمة اسحب تكررت كثير

فعلا اسحب وطنش واعمل نفسك ميت

تنفع في المغرب وبقوووة

من دخولك المطار حتى رجوعك له

بس لا تسوي نفسك دلخ مرررة

فيه مواقف يبي لها حزم وصوت مسموع

مثل فاتورة المطعم

مثل سعر الطاولة بالسهر

مثل الشقة وقيمتها وشروطها

فعلا عبودي انت كتبت موضوع مفيد جدا

للمبتديء والمدمن

ودي وتقديري

bandar123

مزعوط جديد

المشاركات: 16

تاريخ التسجيل: Aug 2015

2016-06-26, 05:19 AM

المشاركه #18

درر يااعبودي تسلم على هالكلام الحلو

خوخة

مزعوط خبير

المشاركات: 4,128

تاريخ التسجيل: Feb 2015

2016-06-26, 05:46 AM

المشاركه #19

تقرير حلو ومفيد للكل زوار مغرب الله يعطيك صحة على هنصائح لي رح تفيد مزاعيط

صايدالريم

مزعوط مبتدء

المشاركات: 30

تاريخ التسجيل: Aug 2014

2016-06-26, 07:55 AM

المشاركه #20

حياك الله ياعبودي وأهلا بعودتك ...

وكفيت ووفيت موضوع شامل وإن شاء الله الكل يستفيد منه

صفحة 2 من 12

الأخيرة »

« الموضوع السابق | الموضوع التالي »

الذين يشاهدون محتوى الموضوع الآن : 1 ( الأعضاء 0 والزوار 1)

الانتقال السريع

المواضيع المتشابهه للموضوع: خطوات سفرك للمغرب (للزوار الجدد) من الألف إلى الياء
الموضوع	آخر مشاركة
كلمة بسيطة للزوار الجدد للمغرب الشقيق	2021-01-30 01:28 PM
سجل تاريخ سفرك للمغرب هنا	2018-04-03 04:07 AM
حقيقة ابتزاز الدرك للزوار	2016-05-08 05:07 PM
مراكش، مدينة الألف مكان ومكان للخروج	2014-05-18 10:47 PM
طلبات الحريم من الألف الى الياء	2011-03-16 06:43 PM

الساعة الآن 05:26 AM

عروض وحجز الفلل و الشقق

السيارات شركات تأجير السيارات

تقارير سياحية

الاستفسارات سؤال و جواب

خطوات سفرك للمغرب (للزوار الجدد) من الألف إلى الياء

روابط سريعه