اول مرة اسافر اغادير نصايحكم تهمني..

السلام عليكم
طبعاً هذي اول مشاركة لي في هذا المنتدى
بس كنت قبل من المتابعين وقررت الحين
اشارك فيه واسمع نصايحكم،،

السفرة هذي هي الثانية لي للمغرب
الاولى كانت لمراكش لمدة اسبوعين
وقررنا ذا المرة نشطف اغادير قبل مراكش
لأن صراحة سمعنا كلام حلو عنها

الحجز طبعاً بعد شهرين تقريباً من الحين
انا وواحد صاحبي ودفعنا فلوس الحجز
ع الخطوط السعودية تقريباً ب ٢٩٠٠

والسواق واتفقنا مع سواقنا الاول
بس قالنا بوديكم من كزا ل اغادير
ب ٢٦٠٠ درهم احس فيه زرفة في السالفة
هل هذا هو السعر المتعارف عليه فعلاً؟

جلستنا ف اغادير ع حسب جو البسطة هناك
من ٣ ايام الى ٥ ايام وبعدها ع مراكش

ابي مشورتكم ونصايحكم في اغادير خاصة ذ الحاجات
*السكن وش الافضل شقة ولا فندق
بخصوص انا نبي مكان ناخذ راحتنا فيه
من ناحية الصوت والضيوف والسعر الكويس

*المطاعم والكافيهات الكويسة ومحدثكم
مايقدر يعيش بدون شيشة يعني نبي
مقاهي شيشة جميلة وشيشهم حلوة

* اماكن السهر واوقاتهم مع الاسعار

وبالاخير ترا نصيحه تهمني خاصه اني
اول مرة اروح لذي الديرة

ومشكورين مقدماً