اول مرة اسافر اغادير نصايحكم تهمني..

السلام عليكم
طبعاً هذي اول مشاركة لي في هذا المنتدى
بس كنت قبل من المتابعين وقررت الحين
اشارك فيه واسمع نصايحكم،،

السفرة هذي هي الثانية لي للمغرب
الاولى كانت لمراكش لمدة اسبوعين
وقررنا ذا المرة نشطف اغادير قبل مراكش
لأن صراحة سمعنا كلام حلو عنها

الحجز طبعاً بعد شهرين تقريباً من الحين
انا وواحد صاحبي ودفعنا فلوس الحجز
ع الخطوط السعودية تقريباً ب ٢٩٠٠

والسواق واتفقنا مع سواقنا الاول
بس قالنا بوديكم من كزا ل اغادير
ب ٢٦٠٠ درهم احس فيه زرفة في السالفة
هل هذا هو السعر المتعارف عليه فعلاً؟

جلستنا ف اغادير ع حسب جو البسطة هناك
من ٣ ايام الى ٥ ايام وبعدها ع مراكش

ابي مشورتكم ونصايحكم في اغادير خاصة ذ الحاجات
*السكن وش الافضل شقة ولا فندق
بخصوص انا نبي مكان ناخذ راحتنا فيه
من ناحية الصوت والضيوف والسعر الكويس

*المطاعم والكافيهات الكويسة ومحدثكم
مايقدر يعيش بدون شيشة يعني نبي
مقاهي شيشة جميلة وشيشهم حلوة

* اماكن السهر واوقاتهم مع الاسعار

وبالاخير ترا نصيحه تهمني خاصه اني
اول مرة اروح لذي الديرة

ومشكورين مقدماً

2600 سلامات صاحي ذا !!!!
في رحله الصباح الساعه 10 من كازا لا اغادير لو كانت رحلتك الصبح اطلع عليها افضل لك وارخص من هالسعر الي حاطه بكثير
اول مره اشوف سعر تاكسي اغلى من طياره

احجز بالمارينا افضل لكم.
وافتح حساب بنك الوفاء افضل لك ولا تشيل كاس اكثر من احتياجك اليومي

مشكور اخوي وائل
بس المشكلة وصولنا الساعة ٨ الليل

طيب هل في قطار من كازا ل اغادير

وشقق المارينا هل هي كويسة ونظيفة
وكيف اقدر احجز فيها؟

خش موقع الملكيه شوف في رحلات بالليل او لا اذا في احجز وانت مرتاح

قطار مدري بس الظاهر اي الناس تمدح فيها انا ماقد سكنت صراحه روح المؤيد بجده او محمد عاطي تلقى ارقامهم بواحد من المواضيع هنا

الف شكر اخوي وائل

٢٦٠٠ قيمة اجار سيارة لمدة ٩ ايام

القطارمن كازا لمراكش بعدين تركب باص ( ستيام ) لاكادير

رحلة متعبه ما انصحك فيها

اطلع طيارة والافضل استأجر سياره وعيش

:D

السفر في الباص متعب جدا احسن شي طياره ولا كراء سياره

مشكور اخوي فهوودي

ايه شيكت ع الحجوزات الطيران بيصير افضل

هههههه شكله نظام باص خط البلدة