مسافر في 2 اغسطس والعودة 9 اغسطس ابغى نصائحكم وارائكم لا هنتوووو ،،،

بكره العصر راح اسوي لك جدول لـ كازا و مراكش بـ اذن الله

جعل والديك في الجنة
انتظرك

اذا مالك بالسهر والطيور نصيحه استأجر سياره ومراح تضيع قوقل ماب معك لانك توفر على نفسك كثير السواقين نصابين يمتحن اهلك كل شوي عطني ١٠٠ درهم اعبي فيول فالنصيحه استاجر سياره وشفلك سياره اقتصاديه

1- حجز سيارتك من قبل السفر و تكون اقتصاديه و رخيصه و اعطيتك الرابط و ابيك تقول لنا تجربتك معاهم لجل اعرف ازكيهم بعد كذا و اخذ من عندهم او لا
2- توجه لعين ذياب و احجز ليله حسب رغبتك من المعلنين او عن طريق البكنق و استفسر قبد تدفع المبلغ ايش اللي لك وايش اللي عليك .. و يفضل الحجز قبل توصل ايضاً
3- ايش تسوي في كازا :
ــ روح سكنك حط اغراضك و خذ لك شور منعش اتوقع بتخلص ع 8 مساء
ــ ما افضل انك تنام اخرج ع كرنيش عين ذياب و تمشى فيه فيه كذا محل شيشه هناك انا اروح احيان مذهله بجوار تروبيكانا اتوقع اسال و ما راح تضيع تنزل له مع درج المكان مو صاخب و يعتبر هادي فيه جلسه خارجيه وداخليه
ــ ما راح تلحق موروكو مول فخليه لرجعتك لكازا
ــ الصباح اصحى و روح تمشى ع الكورنيش لان الجو بيكون خيالي و راح ترتاح لان كل المنغصات ممكن و مو اكيد تكون بالليل بس اقصد الشحاتين
ــ افطر و اتجه ع باب مراكش شوق شعبي و اصرف من هناك اسعارهم حلوه و لا تلتفت لاي احد لان الكل راح يطلب منك تزور محله
ــ اركب سيارتك و توجه لمراكش

4- مراكش :
ــ روح لسكنك اللي تكون حاجزه ريح شوي و توجه للحمام المغربي اللي اعطيتك رابطه و قول لهم انا مزعوط و بلغني ايش يصير معاك و معاملتهم .. خلص ارجع سكنك و بدل ملابسك و اتجه لشارع قليز ( الكافيهات ) لين المغرب و لا تنسى صلاتك صلي و اتجه لـ جامع الفناء فلوسك احرص عليها هناك بينط لك اكثر من شخص اللي معاه قرد واللي معاه كوبرا و اللي منظره غريب تفرج و انت ماشي و لا تتكلم و لا تعطيه وجه بيجري وراك بيطفش و يرجع .. تعشى هناك و ارجع سكنك
ــ اليوم الثاني : بس تصحى اخرج و اسال عن اقرب جامعه و دور اقرب مقهى حولها و استمتع
خلصت فطورك توجه لـ اوريكا و تمنى 10 او قبل الصباح تكون محرك بس توصل دور لك مطعم و احجز عنده وجبه طاجين لانه ممكن ترجع يكون كل شي مخلص قبل تصعد ريح و اشرب لك اتاي و استمتع بالمناظر اللي راح تصور لين تتعب .. انصح تدور لك مرشد تطلع معاه الجبل صعود لشلالات و اتوقع انها 7 و اتفق معاه ع السعر وراح تستمتع بس الصعود متعب وخذ لك لبس رياضي مريح و ابعد عن الجينز ..
ارجع لمطعمك تغدا و اختم بـ اتاي وو توجه لمراكش
اذا حاب ترجع جليز بعد ما يجي ماك ع يسارك وانت واقف في الاشاره كمل سيده بيجيك بعد ماك بقليل ع اليسار محل ايسكريم فخم و ايسكريمه فخم جلسات روعه و تاكد راح ترجع لهم ثاني
بتكون مرهق ارجع السكن و نام


برجع اكمل لك باقي الجدول

نتمنى لك رحله موفقة

..صَبٍَـ{الْــٓوِرٍَد}ـــاأ آآحْ..
طلبتك يالذيب اخوك مقطوع دخان في المغرب
اذا ماعليك امر تجيب لي معك واقابلك بمطار كازا