المزاعيط على snapchat

في نقطة حبيت اضيفها حق اللي يقول حنفي زاد الاثارة والتشويق حق المنتدى والسناب و زاد التفاعل معاه .. عفوا بس هل انتو ماشين على مبدأ خالف تعرف؟ لانك لو تمشي في الشارع عريان على سبيل المثال ايضا راح تلفت الانظار اكيد بيتحول الموضوع لاكشن.

انا انتقادي على سوء اختيار الكلمات من قبل صاحب التغطية وسكوت الادارة عنه هو الطامة الكبرى .. ياخي يا ليت لو يقول الديسكو هذا سيء او غير جيد او لا انصح فيه
اما الاخ ماخذها كانه ينتقم من الاشخاص؟؟ المطرب الكلب و فلان الملعون .. ناهيك عن الطقاع على قولته، بالنهاية كل اناء بما فيه ينضح

يا الغالي عضو غطي و ابدي رايه في بعض الامور تابعنا سير الامور فيه مؤيد و معارض
العضو ما تعدي الخطوط الحمرء في الطرح تكلم عن امور اي عاقل يشوفها سلبيه وممكن
اسلوبه كان ساخر بس كل شخص و اسلوبه .... الي الان انا مندهش ليش العضو حنفي
لقي كل هالزخم و الاهتمام .. و التآيد من الاغلبيه .. الا اذا كان فعلا نجح ..
العضو اعطي كل وقته في تغطيه وهذا يشكر عليه
سير رحلته مطاعم اماكن سهر شوارع معالم كان طرحه مفيد و شفنا ان استمراره ايجابيه
و في النهايه مافيه شخص كامل لكل شخص سلبيات وهو في النهايه له ايجابيات و سلبيات
اتمني عدم اظهار ان الاداره متواطئه مع اي شخص لان هذا غير صحيح وكما اعطي حنفي
مجال اعطي الاعضاء اللي قبله مجال و كل شخص قدم طرح حسب روئيته بدون تدخلنا
في هذا الامر
انا شخصيا اتفق معه في بعض امور و في بعض امور لا بس هذا ما يعطينا الحق اننا نوجه
الاعضاء حسب اهوائنا ....

انا ماني ضد وجهة نظره او آراءه اكيد اي واحد حر فيها .. لكن الاعتراض كان على بعض الكلمات اللي يرددها اخونا وكان من الممكن طرح مواضيعه بأسلوبه الساخر لكن في اطار الكلمات المحترمة وينقل لنا تجربته الشخصية من غير شتم ولعن والسخرية من اشكال الناس او التقليل من شأنهم، رغم اني اتفق معه تماما في عدة نقاط تكلم فيها. يعني تخيل العصر يسولف عن اهمية الاحترام في نقاط التفتيش وبعدها بكم ساعة تلقاه طايح له سب في مطرب السهرة لان جوه مخيس على قولته ههههههه.

وانا ما اتهمت الادارة بالتواطىء ولكم الحشيمة والكرامة والله، بس ما كان ودي اشوف الادارة ساكتة لان حساب السناب كان ماشي صح وانا اعتبر نفسي متابع جيد له لكن الاخ حنفي شطح في الفترة الاخيرة الله يهديه هههههه واخذ خط مغاير لما كان عليه الحساب.

مع خالص التحية

تم لفت انتباه العضو عن النقاط اللي تكلمت فيها و قدم اعتذار

سيتم اغلاق الموضوع حتي تغطيه اخري شكرا لكم