ضيف على طاولة المزاعيط ..

المشاركة الأصلية كتبت بواسطة بيضاوية

عزيزتي مزاجية بعيدا عن مزاجيتك وطبعك ولاننا نحب نطلع بخلاصة من تجارب السفر اللي بجعبتك خاصة داخل المغرب ....ماهي المدن اللي تنصحين فيها ....المناطق اللي ممكن الواحد يحس فيها بالأمان والمتعة ؟ماهو السلوك اللي ممكن يستفزك من السائح وتنصحين زوارنا عن الابتعاد عنه .....هل السفر داخل المغرب ممكن يغنيك عن السفر خارجه؟هل السفر يعني لك فنادق خمس نجوم او ممكن تكتفين بالقليل مقابل الراحة النفسية وتغيير الجو؟ ماهو الشيء اللذي كنت ستعملين على تغييره لو كنت مسؤولة بالسياحة ؟ ماهو الشيء اللذي تحبدين بالمنتدى والشيء اللذي تستهجنينه؟.....سامحيني على الإطالة لكني احس انك تمتلكين الكثير في جعبتك واحببت ان تظهرينه

المشاركة الأصلية كتبت بواسطة مزاجية

هلا بالزين يالله حيها منوره الطاوله باسئلتك المفيده ويارب تكون عندي اجابات تليق بسمو اسئلتك ياغاليتي


المدن اللي انصح فيها اننا نطلع من روتين التجمعات اللي تخلق الطمع والاستغلال اللي يتعرض له السايح المغرب ماهو مراكش وأغادير والدار البيضاء المغرب غني بمدنه الكثيره اللي كل وحده تختلف عن الاخرى كجو وطبيعه وكمناخ وكعادات افرح من كل قلبي لما اشوف تقارير ناس راحت سطات شفشاون مكناس وغيرها عموما انصح باي مدينه جديده على المسافر

الأمان والمتعه موجودين برأيي بكل مكان وكل المدن لو احترمت البلد وقوانينه وعاداته واهله انت بأمان ومتعه

السلوك اللي يستفزني فعلا السُكْر لما اشوف سائح سكران ولايدري وين ربي حاطه ويفقد شخصيته وهيبته ويشوه صورة بلده ويجعل الآخرين يأخذون فكره ان كل أهالي دوله بنفس وضعيته انا ماني شيخ عشان اقول ابتعدو عنه لكن اقول كل شي بالمعقول حلو الزرع لو سقيته اكثر من اللازم يموت
صراحه السفر داخل المغرب ابد مايغنيني افضل السفر برا اول شي لان مغربنا الحبيب أسعاره بدت تضرب بالعالي ونفس المزانيه ممكن اسافر دوله ثانيه اكتشفها وبدون تعقيدات ولاقوانين متضاربه ولافيها شي منطقي بالنسبه للسياحه

ماهوب دايم السفر يعنيلي فندق ٥نجوم ممكن أتأقلم مع اي وضع ومكان اذا الراحه النفسيه والامان متوفرين

لو مسؤوله بالسياحه بتكون قوانيني واضحه جدا طالما انا فاتحه مراقص وااسمح ببيع الشراب ومقاهي الشيشه وكل انواع المخدرات بصدر امر بعدم توقيف اي احد بالليل او سؤاله من اللي معك لأَنِّي انا اللي وفرت لهم كل الأجواء ماينفع اجي اخر الليل وأقول ممنوع و و و
لو لي سلطه امنع ان اي بنت تطلع بالليل يتعرض اها احد لان من باب أولى اوفر لها شغل واقفل عنها كل أماكن الخراب بعدين احاسبها لاطلعت او التجأت للغلط وإذا فعلا بمشي القانون بمشيه عالكل مو السائح الخليجي له قوانين خاصه والسائح الأجنبي فالها وماحد يقوله وين وايح او شتسوي

بالنسبه للمنتدى حال واحوال سعات قريبه وأحيانا بعيده فما عدت أبالي كثير، اللي يشدني او يهمني اقراه أرد اولا حسب المكتوب

اتمنى أكون جاوبت على كل أسئلتك وسامحيني تراني اجاوب ببساطه مااعرف اكتب حجات حلوه ومنمقه زيكم وشاكرتلك تواجدك اللي زادني شرف

المشاركة الأصلية كتبت بواسطة فطوم مراكش ١

اتمنى يكون الضيف اسم ع بالي ....
منشان اسأله
وش ساويت لك ؟ وش مشكلتي معك ؟ ياللي كل مرة جاي احد يقول قالو فيك وفيك ......

المشاركة الأصلية كتبت بواسطة abomajed16

اسعد الله صباحك ي للا
لو تكرمتي عندي كم شؤال اتمنى الرد بكل شفافيه لو تكرمتي

صباحك كل شي جميل بالحياه يالغالي ومنور طال عمرك

1. ماذا ستكتبين لنا لتعبرين عن حياتك التي عشتيها الى الان في كلمات قليله ؟

حياتي فيها من السلبي وماخلت الحمدلله من الإيجابي وراضيه عنها بكلا الحالتين

2. اذا اردت ان تبكي الان , فعلى من تبكي؟

ابكي صراحه على سوريا واهلها وعلى كل وطن يعاني ويفقد الاستقرار والامان ابكي على بعض القوانين بدولتي الحبيبه اللي فعلا تألم
ابكي على قله حيلتي احيانا بامور فعلا توجعن
من ستختار ليمسح دموعك ؟
تعلمت اسمح دموعي بنفسي لان ماحد يدوم غير وجه الله
3.من يسكن قلبك؟
قلبي كبير ويسع ناس كثير صراحه اهلي أولادي أصدقائي
4.اي الدول تتمنى ان تزوريها ؟
شرق اسيآ. الإمارات .اثيوبيا. مصر مع أني زرتها لكن لها مكانه خاصه عندي. المدينه المنوره مع أني زرتها وكررت الزيارات لكن تبقى المكان الوحيد على وجه الارض اللي الاقي فيه نفسي وراحتي وسكينتي
5-هل لديك الجرأه ان تقولي عمرك أمامنا وعملك الحالي؟
عمري جدا سعيده فيه وأحبه وله نكهه خاصه
٣٧ سنه وقربت ادخل ٣٨ والروعه ان عندي حفيدتين
وعملي غير مستقر ممكن اليوم اشتغل بالعقار وبكره بطبخ وأسبوع بالتجميل وهكذا يعني امشي مع الوقت والظروف

6-"ياورد مين علمك تجرح"لمن توجهين هذه العبارة؟؟

اوجهها لأي إنسان يكون بالبداية جميل ولكن بعد وقت اذا حصل فراق لأي ظرف يبتدي التشهير ويبان وجه اخر كله اشواك وينسى انه بوقت ما كان اجمل الورود (( سواء أنثى او رجل ))


7-مارائيك بالسياحه القديمه ايام الزمن الجميل
ورجالها والجديده ورجالها ؟

والله كانت اقل مشاكل اذكر لما كنت اسافر مع اهلي ماحد يوقفنا ويسئلنا وكان كل شي معقول وبالمتناول لكل الطبقات

الحين السفر جدا مكلف وأكره شي عندي حاليا حتى لو مسافره مع اخواني لازم ننسئل من ذي وهاتي بطاقتك وسين وجيم شي فعلا يزعج

يازين الزمن الجميل بكل شي ورجال زمان رجال فعلا ناس تَحترِم وتُحتَرَم الحين بعض صغار السن تشوه الرجوله لكن برضو ماعمم الخير باقي موجود

8-كلمه توجهيها لزوار المغرب ؟


فقط المغرب بلد جميل رغم اي شي مايعجبك فيه والمغرب عزيزي السائح ليس فقط مرقص وكأس وبنت المغرب شي ارقى بكثير وأجمل حاول تكتشفه ولاتنسى ابد انك سفير لبلدك ومجرد تصرف طائش منك او تصرف عقلاني قد يبني صوره سلبيه او اجابيه عن دولتك للآخرين فكن قد المسؤوليه



9-مدن جميله بالمغرب محرومين منها السياح بينما تستحق الزياره ؟
والله يابو ماجد كل المدن جميله ولها سحرها ورونقها وعاداتها وتقاليدها وتستحق الزياره لكن الزياره للسياحه الراقيه من طنجه للقويره




10- الهدؤ والرومانسيه والروقان باي مدينه بالمغرب؟
أشوفها بأفران الحقيقة



11-وجهي رساله لاحد الاعضاء او الاخوات الاعضاء تحذيريه ؟

رساله حب للجميع بدون استثناء ورساله خاصه جدا (ل س.ك ) أشكرك على كل شي جميل يامنبع الرقي
12-بيت شعر يروق لك ؟
اذا لك شف فو شوفي تراني على شوفتك صحيت الأماني زرعت الشوق كله بانتظارك وأخذت وأخذت الانتظار وجيت عاني نسيت الناس لكن مانسيتك عجزت أنساك لو ثواني

تحياتي لك واسف جدا ع الاطاله

المشاركة الأصلية كتبت بواسطة صقر الجنوب

اهلا وسهلا اختنا العزيزه مزاجيه ...وانتي من الناس المميزين بتعبيراتك العفوبه ولهجتك الجميله والعزيزه على قلوبنا ..