زيارتي لمراكش او اكادير او طنجه للشخص الواحد

سبع ايام و وحداني.
انصحك اغادير. واذا تبي اكثر من مكان. اقدر تروح مراكش بعدها
بالنسبه للسكن عندك وايد ناس في المنتدى حاطين اعلانات بخصوص مراكش و انا ارشح ابو سلمان مع اني ما تعاملت معاه بس اشووف الاغلبيه يمدحونه
و اغادير السكن شبه معرووف. صحارى واماديل ومارينا
بالنسبه للتنقلات اغادير ما يحتاج سياره لانها صغيره بس تقدر تاجر سياره و انت تسوق احسن. هذا من وجهة نظري يعني تاخذها من المطار و ترجعها للمطار احسن من تحطلك سوااق و السيارات انصح في ابو سيرين عند الشمري كار وهذا انا مجربه الصراحه
مثل ما قلت اغادير ما راح تحتاج السياره وايد بس مراكش راح تحتاجها اذا بتروح مراكش
بالنسبه للاماكن ما اقدر احدد شنو تبي بالضبط الا اذا عرفت جوك شنو. لانه الاماكن وايد الصراحه و تستحق الزياره. بس سفرتك قصيره فما اعتقد بتكفي كل الاماكن اذا نوعك تطلع الصبح و تبي سهرات بليل. بس شووف شنو تبي اي نصيحه و انشالله احنا و الشباب كلهم معااك