عقد من الزمان...أغرب من الخيال

أسعدني مرورك تواجدك

يشرفني تواجدك هنا

نعم كلامك سليم وممكن حتى عشر ايام

نويت يانويت متاكد انك قريت التقرير من بدايه

قريت إن معكم مليونين .. حتى هالكلام ـ غير منطق إنكم تصرفون هالمبلغ في يومين

وـآلله لو إنكم يزيد الراجحي بقول عـآدي تهون .

قريت جزء من التقرير او انك ماقريت بين السطور جاري التكمله

في انتظار الجزء الجديد اخوي محمد

تقبل مروري

الجزء الخامس:
بعد انقضاء الليلتين الجميلتين والعوده الى السعوديه ولشده اعجابي بالحسناء كريمه والاجواء الجميله من جهه وأنبساط صديقي من جهه أخرى قررنا الزياره في اليوم التالي ولكن توجد مشكله هنا؟!
الاهل نعم اهلي الوالد والوالده كانوا هم شغلي الشاغل اول طلعتين قلت لهم اني في الاستراحه ومشت الحين لازم ادور حل وافكر وبعد عناء التفكير استمر مسلسل الكذب مره اقولهم بنام عند صاحبي ومره اقولهم في الاستراحه ومره اقولهم رايح مدينه ثانيه وعلى هالمنوال .... والنتيجه؟
نجحت الخطه
كان ذهابنا الى تلك الدوله الخليجيه شبه يومي وكنا مبسوطين اخر بسط كل شي متوفر عندنا واهمها الماده مراهقين مشاغبين وبيدهم مبلغ ليس بالقليل فكنا في قمه الطياشان وتقريبا نفس الروتين سهر وبسط ونرجع الين مابدات دراستي هنا الكارثه وقتها تقريبا استمرينا على هالوضع شهر ونص ولما بدات الدراسه الجامعيه صار النظام ثاني بحكم ان لي سكن مستقل يبعدني عن تساولات الاهل ولاستحاله الابتعاد عن الاجواء الجميله فبادرت بذهني الخطه الشيطانيه!
كنت اطلع من البيت على الساعه العاشره مساء واقول للاهل بروح الجامعه ارسم بحكم دراستي الهندسيه ولاني انا اصحى من نفسي الصبح للجامعه ماكنت شايل هم تساولات الاهل عني في الصباح فكنت اسافر بالليل واسهر وانام وعلى بعد الظهر ارجع السعوديه وادخل البيت واطلع اسلم على الاهل على اساس ان توني جيت من الجامعه فمرات اقولهم اني بروح الجامعه ومرات اعطيها وضعيه النايم مشى الفيلم على الاهل واستمر هذا الوضع تقريبا في فتره الدراسه شهرين ونص يعني المده كامله كانت تقريبا اربعه شهور .
ملاحظه:
تم حرماني في جميع المواد وذلك بسبب عدم حضوري للجامعه وتدهور وضعي الدراسي بشكل رهيب وكنت وقتها غير مبالي اطلاقا وشعاري كان البسط ثم الفله ثم الوناسه فقط لاغير.
أخر الايام لما كنت مع الحسناء كريمه واخر موقف حضرته معها كنت في الغرفه مسدوح على السرير وهي واقفه قدامي وتشوفني بنظره عجيبه لدرجه اني تفاجات وقالت لي بالحرف الواحد :
وحق الله العظيم مادام أني عايشه في الدنيا عمري مااخليك تنساني.
تنبيه:
تم صرف مبلغ مليونين ريال سعودي خلال فتره اربعه شهور فقط.
تم تدهور دراستي الجامعيه
تم أكتشافي في اخر الايام من قبل الاهل في التغير في تصرفاتي وحركاتي وصرت اغلب الوقت ساكت مااتكلم الا قليل جدا.
أنتهت زيارتنا من الدوله الخليجيه وانقضاء اجمل الاوقات برفقه الفتاه الحسناء الشريره ولم يتم الوداع بينا وأنقطعت العلاقه وقتها نهائيا ولكن؟!
الجزء القادم:
أتصال من ضابط في المباحث العامه يغير مجرى القصه !

تراجيديا متكررة لكثير من طلاب الجامعة

التغيير لايكون الا بأحد امرين
قناعة بالخطأ
او صدمة

في انتظار الصدمة القادمة

تقبل مروري

صدمة حضارية وفي وقت المراهقه ؟؟
هذي المشكلة .....

واصل يا محمد الدمام شوقتني لمعرفة التفاصيل القادمه ...

__________________

الحياة ليست عدو لنا بل صديق مشاكس