عقد من الزمان...أغرب من الخيال

كلامك صحيح اخوي تقبل تحياتي الحاره

الشر مايجيك اخوي واسعدتني بكلامك الرائع وتواجدك شرفني مرورك وتقبل تحياتي

أجزاء مشوقة يا بو حميد، ناطرين الجديييييد بس لا تأخر علينا

بأنتظار مزيد من الدراما والابداع واصل يا بطل لك متابعين كثر يتلهفون لروايتك لا تطول علينا

الجزء الثامن:
بعد تخرجي من الجامعه وحصولي على شهاده بكالوريس في هندسه التخطيط الحضري والاقليمي جاء وقت البحث عن الوظيفه والحمد لله بعد استلام وثيقه تخرجي بعدها بااربع ايام تم قبولي في احدى شركات القطاع الخاص المتخصصه في المقاولات وكان مده العقد سنه ميلاديه كامله تم توقيع العقد وباشرت في العمل وكنت مرات لما اكون لوحدي استرجع الماضي مو بيدي غصب عني لان الماضي هذا كان جزء من حياتي لما اكون في غرفتي وعلى السرير اخر الليل قبل لانام اذكر علي صديقي واقول ياترى وينه الحين واذكر كريمه الفتاه التي تعلقت بها من عشره اعوام واذكر كلمتها لي مادمت اني عايشه ماراح تنساني واذكر اللحظات المريره في السجن مجرد ذكريات متداخله مع بعضها وارهقتني مابين انها مولمه ومابين الذكريات الجميله اللي عشتها مع علي وكريمه يلا يامحمد نام الحين ذبحك التفكير؟!
طبعا انا احب السفر جدا وانقطعت عنه تقريبا حول العشر سنين ومريت بظروف صعبه اتعبتني فكريا ونفسيا ومعنويا وجسديا احتاج للراحه والاسترخاء واطلق العنان لنفسي كنت وقتها مااشوف قدامي الا العلم الاحمر والنجمه الخضراء علم المغرب اجلس يوميا مع الشباب اللي يقول نروح الفلبين واللي يقول تركيا واللي يقول مصر وكذا وكذا عده دول وانا ماابي الا المغرب لدرجه كل اصحابي يعرفوا اني عاشق متيم للمغرب وانا لم ازرها الشي الوحيد اللي كان يصبرني ويخليني انتظر الين مااضبط اموري ويزيد لهفتي وشوقي تعرفون وش هو؟!
منتدى مزاعيط المغرب نعم هو كنت في اليوم ادخله تقريبا كل ربع ساعه ماخليت تقرير الا وقريته مافي رد الا وشفته مافي اي موضوع جديد الا مر علي تعلقت بالمنتدى لدرجه كبيره صار جزء اساسي من حياتي اليوميه لعشقي للمغرب .
حتى من كثر مااتكلم مع اصدقائي عن الاماكن في المغرب والمدن يستغربوا يقولوا كيف تعرف هذي الاماكن وانت باقي ماسافرت للمغرب اجل لو سافرت وش بتسوي اقولهم اني مشترك في منتدى وفيه معظم المعلومات عن المغرب.
بدايه التخطيط والامور الاساسيه قبل السفر:
طبعا الحمد لله على كل حال الشهاده وجبتها باامر الله والوظيفه وتوظفت باقي الحين اسافر المغرب!!
اصعب مهمه واجهتها هي اقناع الاهل طبعا الوالد عنده فكره سئيه جدا عن المغرب بحال معظم الشعب والوالد الله يحفظه كان هو الاساس اذا اقنعته الامور بتكون طيبه فبديت افكر كيف اجيه من اي طريق اخذتها وحده وحده بالتدريج عشان مايتفاجا فمرات لما نكون جالسين على السفره نتغدا اقول محتاج اسافر ابي اغير جو وكان يقولي سافر اذا جاتك اجازه الخطوه الاولى وعديتها بديت بالخطوه الثانيه بديت اتكلم عن المغرب بشكل عام عن ان فيها سياحه واخذت المركز الاول بالسياحه وفيها اماكن طبيعيه وجميله ويجيني الرد المفاجى من الوالد ومحتوى الحوار:
الوالد: اشوفك تتكلم عن المغرب هذي الايام
انا: اي ياابوي البلد حلوه وجميله
الوالد:وكيف عرفت انها حلوه وانت مازرتها
انا:اقرى عنها واعرف كم شخص سافر لها ومدحها كثير
الوالد: وش تبي توصله مع نظره استغراب
انا : ابي اسافر للمغرب اروح اغير جو
الوالد: وخليت كل دول العالم السياحيه والحلوه وتبي تروح المغرب مع تعصب في الكلام المغرب فيها وفيها وفيها وكذا
انا: ابوي الخراب موجود في كل مكان حتى عندنا هنا اللي يبي هذا الشي يعرف كيف يجيبه مو شرط ان نسمع كلام سي من ناس ونحكم على بلد كامل
الوالد: مع هزه راس الله يهديك بس
انتهى الحوار
تقريبا بحكم معرفتي لشخصيتي الوالد في قبول مبدئي واقناع دخلت على الخط الثاني اللي هي الوالده الله يحفظها وكان الحوار:
انا:امي احتمال اسافر قريب
امي:وين بتسافر
انا:المغرب
امي:نظره متفاجئه وش عندك في المغرب
انا : بروح اتمشى واغير جو
امي: تبيهم يسحروك وتجيني مسحور
انا: لا ان شاء الله ياامي هذي الامور مافيها بس الناس يبالغوا شوي بالكلام
امي: طيب وسكتت... سافر وروح الله يحفظك وانتبه على نفسك زين
انا:حبيتها على راسها ومشيت.
تنويه :
كلمت الاهل عن اني اروح المغرب قبل مده من سفري عشان اقيس النبض ومدى تقبلهم للموضوع واخذ احتياطي في حال عدم موافقتهم بذلك
الجزء القادم:
قرارت مفاجئه في العمل غير مجرى التخطيط؟!

اسعدني تواجدك ومرورك تقبل تحياتي الحاره

تحياتي لك جاري التكمله

قصة جميله ومؤثره جداً
اهلك فيهم كمية حنان كافيه ولا لو غيرهم طالع من السجن ومخدرات وسببها السفريات اقلها يقطع جوازك

بس عندي سؤال من فترة خروجك من السجن الى سفرك للمغرب كم سنه ؟؟

الجزء التاسع:
بعد أخذ الموافقه المبدئيه من الاهل بديت أكثف دخولي للمنتدى لمعرفه ماهو كل جديد ولتحديد وجهتي أنها ستكون في اي مدينه ولشده حماسي مرات اقول بخليها اغادير ومرات مراكش واغادير ومرات كازا ومراكش ومرات الرباط ومرات طنجه كنت متحمس كثير عارفين اللي يبي يزور البلد كامل بس مو عارف من وين ابدا وكل يوم ارتب لي جدول وارجع اغيره كان شغلي الشاغل اني احدد وجهتي الرئيسيه لكي تنجح سفرتي من كثر الحماس اللي فيني وبديت انسق مع الشباب المقربين جدا مني وهم اربعه الكل قال بنرتب امورنا ونعطيك خبر قلت لهم انا في انتظاركم.
فجاه بعد ذهابي في احدى الايام الى العمل وبعد مرور سته اشهر من العمل الشاق طبعا شغل المقاولات متعب جدا جدا وكانت هنا المفاجاه الكبرى؟!
بسبب تدهور قطاع المقاولات ولعدم اخذ معظم المستحقات الماليه للمشاريع من الجهات المستفيده ولعدم وجود سيوله ماليه قررت اداره الشركه باارسال تعميم الى جميع المهندسين السعوديين انه عند انتهاء العقد لن يتم التجديد وسيتم الاستغناء عن خدماتهم مشكورين.
يالله وش صاير بالدنيا من وين اجيبها تقفل وراحت مشاريعك ومخططاتك وتفكيرك جلست شهور وانا اخطط كل شي راح كل ماافكر في المغرب تطلعلي مصيبه من كل جهه زعلت زعل شديد وكنت وقتها ابي استقر في وظيفه معينه وبعدها اسافر وبحكم انه المغرب بلد فيه مصرف فكنت احتاج لسيوله ماليه وانا معتمد على نفسي طبعا حالتنا الماديه الحمد لله ممتازه بس صعب اني اخذ مبلغ من اي شخص عشان اسافر المبلغ لازم يكون مني من حر مالي تحطمت وقتها من قرار الشركه بعدها قلت الشكوى لله اللي مكتوب بيصير خلال فتره الانذار رحت وقدمت على الحكومه وكان وقتها باقي على انتهاء عقدى تقريبا حول الخمسه شهور طبعا استبعدت القطاع الخاص بسبب عدم الاستقرار الوظيفي يالله الايام تمر ومابقى شي وينتهي العقد والى الحين ماصار شي فجاه؟!
باقي على انتهاء العقد شهرين واحمد الله واشكره تم قبولي في وظيفه حكوميه حساسه في أحدى مدن شمال المملكه وان تكون مباشرتي للعمل بعد اجازه عيد الفطر مباشره.
رحت على طول الشركه وقدمت استقالتي وجلست باقي المده ارتب اموري استعداد لذهابي الى مدينه اخرى لم ازوها من قبل.
الجزء القادم:
بدايه العمل والاستعداد للسفر

اللهم لك الحمد والشكر عندي اهل والله كنز متفهمين ومقدرين وبطبعنا متماسكين كلنا مع بعض
تقريبا الفتره سنتين وكم شهر