عقد من الزمان...أغرب من الخيال

تنويه بعض المعلومات:
١- تم منع سفري من قبل الشيخ في المحكمه لمده سنتين ابتداء من وقت خروجي من السجن .
٢- بعد معامله شاقه ومتعبه استغرقت اكثر من سنه تم رد اعتباري من قبل وزاره الداخليه لحسن السيره والسلوك ولانها السابقه الاولى.
٣- تم تكوين قاعده معلومات والتعرف على عده اطراف في المغرب ومن عده مدن من خلال برامج التواصل الاجتماعي.
٤- وجود وقائع واحداث قبل السفر أجبرتني على تمسكي بالسفر الى المغرب.
٥- بسبب اني ماعمري سافرت لوحدي وكانت المغرب اول سفره لي وحيدا وقعت احداث وقصص لم تكن في الحسبان.
٦ : تم صرف النظر من جميع اصدقائي عن المغرب وذلك لاسباب التاليه:
١- الخوف الشديد من التعلق في المغرب وبحكم انه معظم الشباب على وشك الزواج.
٢- رفض بعض اهالي اصدقائي السفر الى المغرب.
٣- عدم توفر الميزانيه المطلوبه للسفر للبعض مما دعى البعض في تغيير الوجهه.
تنويه :
أتصال من مدينه الرياض الى مطار الملك فهد الدولي قلب مجريات السفره كامله

وعد الشمال ؟؟

لا

متابع معاك محمد ..
و للان مع كثرت الضروف اللي تمر فيها صار صعب اني اخمن ايش بيصير
و هذا معطي القصه روعه اكثر

بأنتظار بداية قصة الزعطه

كل ماقلت يبي يجي شي زين انحس الراجال وش الوضع
الله يستر من اللي جاي ماسك قلبي كل مادخل هههههه

الجزء العاشر:
رابع ايام عيد الفطر السعيد شديت الرحال الى شمال المملكه لبدء مباشره مهمام وظيفتي الجديده أستقبال جميل جدا من ادارتي رتبت اموري في الشمال والحين الحمد لله أستقريت من كل شئ بديت اسال احد زملائي في العمل عن نظام الاجازه في الحكومه وأخبرني أنه يحق لي كل شهر ثلاثه اي استحق اجازه في السنه 36 يوم ويحق لي اخذ اجازه اضطراريه خمسه ايام في اي وقت ابتداء من مباشرتي للعمل.
رجعت السكن وجلست افكر واقلبها يمين يسار صعب مافيني اصبر وبنفس الوقت ابي اجلس اكثر فتره ممكنه في المغرب وش الحل ومع مرور الايام اقتربت اجازه عيد الاضحى المبارك وهنا كانت البدايه نعم أنها البدايه الى المغرب:
كان باقي على اجازه عيد الاضحى المبارك 15 يوم تقريبا وادخل على مديري المباشر وقدمت خمسه ايام اضطراري وكان بينهم ويكند وشبكتها مع اجازه العيد طلع عندي رصيد اجازه تقريبا عشرين يوم وافق المدير وعطاني الضوء الاخضر وهنا اول خطوه انجزتها بعدها حجزت على الدمام لعده اسباب:
١/اسلم على الاهل قبل لااسافر لاني راح اكون في العيد موجود في المغرب.
٢/ بشتري سياره من احدى الوكالات على طريق الدمام - الخبر السريع وذلك لعدم توفر الوكاله في شمال المملكه.
٣/ السلام والاجتماع مع اصدقائي قبل السفر.

اول ماوقع المدير وعطاني الضوء الاخضر على طول احجز تذكره الى الدمام وجلست كم يوم بالشمال وسافرت الى الدمام أول ماوصلت رحت البيت وسلمت على الاهل وعطيتهم خبر اني مسافر المغرب بعد كم يوم حاول الوالد يعدل من رائي عشان اغير الوجهه ولكن للاسف طبعا هو عارف اني رايح رايح جلس يكلمني بضحك ومزح ونصحني اروح اليونان واني بننبسط قلتله السفرات الجايه ان شاء الله مع ابتسامه قالي الله يستر عليك ويوفقك وارتحت اول ليله ثاني يوم الصبح اروح البنك سحبت مبلغ وعلى الوكاله على طول اشتريت السياره وخلصت امور المبايعه رجعت البيت ريحت شوي وبعدها قابلت كذا شخص عزيز علي سلام وسوالف وضحك ويسالوني غريبه جاي ماكملت شهرين قلتلهم رايح المغرب من جدك تتكلم محمد اقولهم اي والله باذن الله قالولي مع مين طيب قلت لهم لوحدي ضحكوا الشباب قالوا والله سويتها يامحمد بالتوفيق لك وانبسط قد ماتقدر واذا ناقصك اي شي لايردك الا لسانك وتوداعنا.
بعدها اطير لمكتب المويد في الخبر وبعد شده محاولات ولسبب ذهابي في موسم وعدم توافر مقاعد واسعار مرتفعه تم الحجز بسعر خمسه الالف ريال على الخطوط القطريه والرحله بتكون من بكره الساعه العاشره مساءا .
مابقى وقت للسفر والله واطير بعدها واتسوق من شنط وملابس واحذيه تكرمون وساعات وعطورات واغراض شخصيه من الصيدليه بمبلغ 8000 ريال تقريبا.
بعدها على اخر الليل قابلت صديقي ابو مشعل وسلمنا على بعض وتوادعنا ورحت البيت ورتبت شنطتي وسكرتها وقلت بكره ابي اكون فاضي بس اخليها للحلاقه .
بعض المعلومات عن معارفي في المغرب ولي علاقه فيهم ممتازه:
١ / أميمه :فتاه حسناء من أغادير قصتها عجيبه وحزينه تخلوا عنها اقرب الناس لها وهي الاقرب لي.
٢/ حكيمه: فتاه لعوب وماكره من طنجه تتقن العب على الاوتار الحساسه.
٣/حنان:فتاه هادئه ومرحه من كازا عجزت افهمها.
الجزء القادم :
الطريق الى المغرب وبدايه الرحله...، واتصال من الرياض يغير خط سير الرحله

اول اقول عبدالعزيز يبالغ
الان مع نهاية الجزء بديت احس

العديد من الاسئلـه
من اللي اتصل
راح تتاجل الرحله
راح تقل المده بالمغرب
كريمه جات الرياض باستقدام

لعبت بمخي ولد الدمام

منتظر

اسعدني تواجدك مشرفنا العزيز سي أشرف فعلا مريت بظروف صعبه

تحياتي لك ابو فالح