الجزء الحادي عشر:
اليوم الأول :-
2016/9/3
(الاستعداد للسفر الى الديار المغربيه)
بعد ماخلصت كل اموري من ناحيه الاهل والوظيفه والسياره ومقابله الاصدقاء كنت على اتم الاستعداد وفي قمه حماسي لبدء فصول رحلتي الى المغرب التي انتظرتها مده عقد من الزمن لاكتشاف مايخبه لي القدر فكنت اقول في نفسي ولمعرفه مدى تعلقي بهذه البلد هي وحده من الثنتين لاثالث لهما:
ياأني أتعلق في المغرب لدرجه ألادمان أو أكره البلد وأكون نادم أني زرتها لكثره الاحاديث عنها وتعلقي الشديد بها فدعيت الايام القادمه هي التي تحكم وتفصل في الاجابه عن السؤال.
بعض الملاحظات قبل السفر :
١/ بعد ماشريت السياره وتمت المبايعه ولعدم وجودي وقت أستلام السياره في السعوديه تم عمل وكاله لاستلام اخي السياره نيابه عني وليتم شحنها الى شمال المملكه.
٢/ عدم أخبار بمن تجمعني بهم علاقه داخل المغرب بذهابي الى المغرب بسبب عدم تحديد وجهتي الرئيسيه.
٣/تم حجز التذكره بمبلغ 5000ريال سعودي على الخطوط القطريه من تاريخ 2016/9/3 الى 2016/9/14 وخط سير الرحله الذهاب ( الدمام- الدوحه-كازا) والعوده(كازا- الدوحه- الدمام) ونظرا لقله المده وعدم صبري في تأجيل الرحله لوقت أخر فكان السؤال ماذا ستفعل يامحمد بهذه المده؟ وكانت الأجابه لا مجال لتضييع الوقت وأستغلال كل دقيقه في المغرب قدر المكان.
٤/تم أخذ ملابس وأغرض شخصيه بمبلغ 8000 ريال سعودي وكانت على مستوى راقي وكافيه جدا .
٥/تم أخذ مبلغ عشرين ألف ريال سعودي كاش والحمد لله في بطايق الصراف مبلغ بمعنى لو أحتجت راح أسحب من البطاقه السعوديه.
٦/من رصيد أجازتي خليت كم يوم لقبل السفر وكم يوم بعد السفر لترتيب اموري واحتسابا للصدمه بعد السفر ورغبتي في عدم مباشره العمل بعد العوده من المغرب مباشره.
البدايه:-
صحيت من النوم الظهر لقيت عده مكالمات تفوق (30) مكالمه من أصدقائي لمعرفتهم أن اليوم هو يوم سفري صليت تغديت جلست اتصل على واحد واحد فيهم البعض يسلم والبعض يودع والبعض يحسد والبعض تمنى وجوده معي والبعض يضحك دش سريع بدلت اخذت معاي عده الحلاقه وتوجهت الى ستاربكس في كورنيش الدمام لمقابله اثنين من اصدقائي بعد اصرار منهم جلسنا سوالف وضحك لمده ساعه بعدها ودعت صديقي ابو فارس وصديقي عبدالرحمن اقسم انه لن يتركني الا في مطار الملك فهد الدولي رحت مع عبدالرحمن صديقي الى الحلاق حلقت وضبطت وبعدها على البيت مباشره قالي عبدالرحمن خلص امورك وانا بروح مكان قريب من عندك دقايق وارجع دخلت البيت ونا مستعجل كان وقتها الساعه تشير الى السادسه مساء ولم يتبق الا ساعات معدوده على الاقلاع وادخل البيت على طول أتروش وأبدل ملابسي واشيك على الشنطه امورها تمام واشيك على المبالغ الماليه والجواز والتذاكر وشاحن الجوال كل شي في السليم واشيل الشنطه واحطها بالصاله واسلم على الوالد والوالده وجميع الاهل وتوادعنا وانا طالع من البيت يمسكني الوالد من يدي قالي مو تجيني بعدين تقولي حبيتها وابي اتزوجها ترى بكيفك انسى الموضوع ضحكت انا وهو ضحك حبيت راسه ويده وعطيته نظره الوداع الى اللقاء ياوالدي العزيز.
طلعت من البيت وركبت مع عبدالرحمن في سيارته يوصلني المطار ونا في قمه سعادتي وسوالف وضحك وبسط طبعا عبدالرحمن راح المغرب مره الى اغادير وعنده معارف هناك بعض من الحوار الذي دار بيني وبين عبدالرحمن:-
عبدالرحمن: محمد وين بتجلس في المغرب
انا: لسى ماقررت
عبدالرحمن: شف يامحمد اذا تبي تروح اغادير انا اضبط امورك وبتنبسط هناك
انا:يمكن تكون ضمن الخطه
عبدالرحمن: اذا قررت اتصل فيني ومالك الا اضبط امورك
انا: تسلم والله ياابو محمد مانستغني عنك
انتهى الحوار
وصلت المطار نزلت الشنطه واغراضي سلمنا على بعض وتوادعنا مع ابتسامه جميله من عبدالرحمن
دخلت المطار وانا ناسيه عشر سنين مادخلته ونسيت حتى اجراءات السفر رحت كاونتر الخطوط القطريه شحنت الشنطه واخذت البوردنق خلصت من التفتيش والجوازات وعلى بوابه الرحله كان باقي تقريبا حول الساعتين وعليها جلست بهذا الوقت مابين التدخين والتفكير واجراء اتصالات في المغرب ضبطت امور السكن في كذا مدينه ليتبقى لدي حريه الاختيار في تحديد الوجهه ونسقت مع شخص لديه تاجير سيارات لاستاجر منه فلم يتبقى الا وصولي الى المغرب.
بعد اخذي لسيجارتين في غرفه التدخين ونزولي الى المقاعد امام بوابه الرحله استعداد للسفر جلست افكر واقول معقوله يامحمد جلست تخطط سنين وين بتروح واي مدينه ويوم جاء وقت السفر تلخبط كل شي وطار ومع التفكير ولم يتبقى الا ساعه على موعد الاقلاع جاني اتصال من مدينه الرياض من صديق عزيز وغالي جدا يشتغل في الاستخبارات السعوديه تفاجات من اتصاله بهذا الوقت ليخبرني بالتالي من بعد السلام:
ابو يوسف: وينك يامحمد
انا:في مطار الدمام
ابو يوسف: وش عندك مسافر
انا: لا بلعب كيرم اي اكيد مسافر
ابويوسف:هههههه وين رايح
انا:المغرب
ابويوسف:لا لا مو معقوله ولا تعلمني
انا: خايف عليك
ابو يوسف: من ايش
انا: انك تدمن عليها واكون السبب في ضياع مستقبلك
ابو يوسف:ههههههه ماتبطل حركاتك
انا :هههههه
ابو يوسف : اسمع دامك رايح المغرب انا بضبطك
انا: كيف
ابو يوسف: لما كنت في كندا تعرفت على صديقه مغربيه وعندها بنت خالتها في المغرب بتعجبك
انا: وكيف عرفت انها بتعجبني
ابو يوسف: اتواصل انا معها من فتره لفتره وبما اني انا وانت نفس الاجواء فاانا اضمنها لك بتمشيك في المغرب وتعرفك عليها واذا ماعجبك جوها انسحب بهدوء
انا :يصير خير
ابو يوسف: عطني جوابك الحين
انا: من وين هي
ابو يوسف : الرباط بكلمها الحين عنك وبرسلك رقمها اتصل عليها وتفاهم معها
انا: اوكي
يتبع