عقد من الزمان...أغرب من الخيال
الجزء الثاني عشر:
اليوم الثاني:-
3016/9/4
أول ماأعلن كابتن الطائره عن أستعداد الركاب للهبوط في مطار محمد الخامس وربط الاحزمه تم الهبوط بنجاح
كنت في قمه السعاده وفرحان فتحت ابواب الطائره لنزول الركاب وكانت الطائره مزدحمه انتظرت الين ماخفت الزحمه واخذت الشنطه ومشيت حتى وصلت الى سلم الطائره وقفت وأخذت نفس طويل كنت محتاج هواء واكسجين كازا ليرد لي بعض من النشاط وكان واقف الباص تحت نزلت وركبت الباص وكان عبدالعزيز بقربي اخذنا نتجاذب اطراف الحديث وكنا في فرحه وسعاده لاتوصف قالي عبدالعزيز انا اعرف لهم شرطتهم خلنا مع بعض عشان نطلع بسرعه وقف الباص ونزلت اول مادخلت وشفت الزحمه عند الجوازات لا مو معقوله وش هالزحمه اذا بوقف مو اقل من ساعه ونا مهدود حيلي وكنا جنب بعض وقالي عبدالعزيز تعال ورحنا عند الجوازات الدبلوماسيه وكان عبدالعزيز قدامي قلتله تراك غلطان هنا الدبلوماسيين طلع من جيبه مبلغ مايعادل الميه ريال سعودي وحطها داخل جوازه وقالي الحين احنا دبلوماسيين ضحكت قالي لاتتكلم معاه انا برتب الامور مر عليه عبدالعزيز الاول خلص الاجراءات وبعدها اعطيه جوازي بدون اي كلمه ختم الجواز ومشيت وكان عبدالعزيز ينتظر مشيت معاه وقلتله وش صار قالي عطيته جوازي وقلتله انا مع اللي وراي وبس قلتله جميل بعدها مرينا على عسكري يتاكد من الختم في الجواز وعديناه رحنا نشوف الشناط مالقيناها وكنت مره تعبان جاني عامل من اللي يشيلوا الشنط وشفته قلتله طلع لي الشنطه بسرعه وخليها تعدي الجمارك بدون فلسفه واخذناها وعلى التفتيش وهنا بدات اللكاعه حقتهم طبعا عندي شنطه فيها ملابس واغراض وشنطه فيها المفرحات قام وفتحها وش هذا ماهذا مالي خلق اتكلم معاه مره جلس العامل يتكلم معاه مدري وش قاله ومشانا بعد ماعدينا عطيته ميه ريال ومشيت ادري انه المفروض مااسوي هالشى بس مجبور والله لاني تعبان مافيني انلطع وطلعنا بعدها لبنك وفاء وحولت المبلغ اللي كان معاي حولت 18000 الف ريال سعودي وفتحت حساب عندهم حطيت بالصرافه حقتهم 30000 الف درهم مغربي والباقي اخذته كاش وكان عندي في المحفظه الف ريال سعودي خليتها وبعدها نروح اتصالات المغرب ونطلع شريحتين لي ولعبدالعزيز بحدود800 درهم تقريبا ومن هنا بدات الافلام طبعا صاحب السياره ينتظرني ونسيمه مااعرف وينها وعبدالعزيز يبي يروح مراكش اتصلت على نسيمه قالت انا جايه بالطريق نص ساعه واكون عندك في الفتره هذي دار بينا نقاش انا وعبدالعزيز بعض من الحوار:
عبدالعزيز: وش قررت محمد وين بتروح
انا: انتظر وحده نص ساعه وبتجيني
عبدالعزيز: اذا بتروح مراكش تعال معاي اوصلك دام اني رايح
انا: بس ابي انتظرها واشوف وش وضعها وبعدها نطلع
عبدالعزيز: تعرف البنت شفتها من قبل
انا: لا ماشفتها واعرفها عن طريق خويي
عبدالعزيز: من جدك يامحمد اسحب عليها بتشوف اطلق منها في مراكش
انا: لا صعبه اسحب عليها عطيتها كلمه
عبدالعزيز: طيب
طبعا انا هنا خلاص تاكدت وتيقنت ان مراكش هي الوجهه الاولى لي بس انتظر نسيمه تجي واقولها
واكلمها واعطيها احدى الخيارين:
١/ ياانها تجي معاي مراكش
٣/ في حاله انها رفضت بعطيها قيمه السكن اللي دفعته واسلم عليها واودعها.
خلال وقت انتظاري لنسيمه قابلت اللي ياجر السياره وطلعنا للمواقف وانواع الافلام جاب لي كم سياره ماعجبتني بعدها جاب لي سياره كيا صغيره شفتها قلتله اوكي والمحادثه بيني وبين صاحب الايجار
انا: كم سعرها
هو: كم يوم
انا: مبدئيا 11 يوم
هو:تبيها مع سواق ولا بدون
انا: اكيد مع سواق
هو : السياره 350درهم + 200 درهم اجره السائق والبنزين عليك
انا اوكي
هو: عطني جوازك او اثباتك او نحجز مبلغ من البطاقه تامين للسياره
انا: انسى الفكره لا جواز بعطيك ولا اثبات ولا حجز بطاقه
هو: لازم ويفتح لي شنطه عنده ويطلع لي جوازات واثباتات لاشخاص من عده دول الخليج
قالي هذا لازم
انا: قلتله شف ياعزيزي مو انا بستاجر سياره مع سواقها وانا ماراح اسوق
هو: اي
انا: الموضوع بسيط ومايحتاج نطوله سجل العقد بااسم السائق وانا مالي علاقه لان السياره من الاساس بتكون معاه طول الوقت وانا ماراح اسوقها
هو: بعد تفكير وشد وجذب وافق قالي تدفع يطلع المجموع 550 درهم للسياره مع السائق تدفعها كامله الحين لكامل المده .
انا: قلتله لا بعطيك قيمه ايجار السياره الحين كامله والسائق احاسبه كل يوم بيومه
هو: مايصير كذا انا تساهلت معاك
انا: هذا اخر كلام عندي عجبك كان بها ماعجبك الله مكثرهم اصحاب الايجارات
هو: انت عنيد
انا: مو اعند منك
هو: خلاص اوكي
طبعا خلال مناقشتي مع صاحب الايجار السياره اتصل على نسيمه وينك وهي تقول انها بالطريق بتوصل المحطه الثاني وتركب القطار مدري الباص وبتجي طبعا انا هنا طلعتلي قرون وش جوها هي تعرف اني بوصل الساعه1:30 يعني المفروض تكون جاهزه ومستعده فقلت كم يبيلك وقت قالت ساعه الا ربع فقلت الحين برد الصاع صاعين طبعا انا وقتها مواصل اكثر من يوم كامل ومرمطه من مطار لمطار وتعبان :
أنا؛ نسيمه انا رايح مراكش الحين
نسيمه: كيف رايح مراكش ونا جايه بالطريق
انا: معليش انا تعبان ونتي تاخرتي علي وعارفه بموعد وصولي
نسيمه : القطار راح مدري الباص مالحقت عليه وبعدين انا دفعت ايجار الشقه ثلاث ايام 3600 درهم
انا: وتطلع لي شياطين بدينا بحركات الي مالها داعي من البدايه قلت لها انا قلتلك تدفعي ايجار يوم مو ثلاث ايام
نسيمه: لا انت قلت ثلاث ايام
انا: اللهم طولك ياروح ماابي اكثر معها كلام قلت لها بتجين مراكش
نسيمه: اخاف اجي وماترد علي
انا: لاتخافي وتطمني تعالي
نسيمه: طيب بجيك
انا: روحي بيتكم وجيبي ملابس واغراض تكفيك لمده طويله
هي: تضحك طيب بس ماراح اكون موجوده في مراكش الا الفجر لان برجع البيت واخذ اغراضي ومابتكون في رحلات
انا : اوكي خذي راحتك انا بنتظارك وبينا تلفون
انتهى الحوار
وقتها انا كنت جالس مع صاحب ايجار السياره وعبدالعزيز قلت لايجار السياره وينه السواق ابي اشوفه وياشرلي عليه قالي هذا هو واطالع فيها واشوف في يده زقاره !!!! انصدمت قلتله من جدك انت ولا تمزح جايبلي سواق !!! قدام الناس ولاهمه احد قالي كون هاني هذي المغرب كل شي عادي قلتله بلا هاني بلا مراعي شفلي سواق ثاني ويتصل على واحد وعشر دقايق يجي وشفته ودار النقاش بيني وبين السواق:
انا: وش اسمك
السواق: محمد
انا : هلا بك كم عمرك محمد
السواق: 24 سنه
انا: تحشش انت
السواق: عمري ماحششت
انا : اوكي
طبعا ارتحتله كثير السواق واشوف في صاحب الايجار قلتله اوكي يالله انجز العقد بااسم السواق خلصنا الامور حاسبته لكامل المده ركبنا السياره انا وعبدالعزيز والسواق وعلى اقرب محطه و نطلع بعض المشروبات من ريد بول وسناكات نمزز عليها بالخط وعلى مراكش وديني.
يتب
التعديل الأخير تم بواسطة عين دار ; 2016-10-01 الساعة 12:46 AM
2016-09-30, 05:35 PM
المواضيع المتشابهه للموضوع: عقد من الزمان...أغرب من الخيال
العرض المتطور
الدرهم المغربي مقابل عملات الخليج