عقد من الزمان...أغرب من الخيال

الجزء الواحد وعشرون:
اليوم الحادي عشر:-
2016/9/13
بعد قضاء سهره من أجمل السهرات في ليالي كازا الساحره صحينا من النوم تقريبا الساعه 2 ظهرا لقيت الخدامه منظفهً الشقه وجالسه بالصاله قلت لها تسوي قهوه بعدها اتصلت على السواق يجيني قالي طيب بعدها كلمت المندوبه تجي تاخذ باقي ايجار الشقه خذيت بعدها شور عشان اصحصح وابدا يومي لبست بدله انيقه وتعطرت رحت الصاله جلست اتقهوى انا وحكيمه سوالف وضحك قلت لها بنطلع بعد شوي نتغدا راحت تروشت بدلت تجهزنا جاء السواق بعدها جلس معانا وبعد السواق جت المندوبه وجلسنا كلنا بالصاله انا والسواق وحكيمه والمندوبه والخدامه حاسبت المندوبه 2400 درهم باقي اليومين كلمت الشغاله تروح تاخذ راحتها وقلت لهم بسلم الشقه على الساعه 10 الصباح ودعوني وراحوا على امل اللقاء غدا صباحا بعد مشاورات وين نتغدا اتفقنا يكون غدانا في مطعم تروبيكانا نزلنا انا والسواق وحكيمه تحت وقفنا لحكيمه تاكسي وعلى تروبيكانا ركبت مع السواق وصلت شاطى عين دياب وكان الجو جميل جدا نزلت عند المطعم وانتظرت حكيمه وصلت بعدي بدقيقتين دخلنا المطعم اخترنا طاوله مقابله للشاطى موقعها روعه جاء الجرسون طلبنا مقبلات ومشكلات بحريه وعصائر اكلنا اللهم لك الحمد على النعمه وكنا مستمتعين جدا بالاجواء الرائعه كان رشاش مطر والجو غيم بعد ماخلصنا مشينا شوي واخترنا احد المقاهي جلسنا وطلبنا ايس كريم تشكيله متنوعه وكان لذيذ بكل ماتحمله الكلمه فااجتمع الطعم اللذيذ والجو الجميل والوجه الحسن فكنت في قمه سعادتي واحنا بالمقهى كان جنبي بالطاوله رجل مغربي في بدايه الاربعين من عمره وكان يشوفني بنظرات غريبه ووضعه مشبوه وطول في نظراته قلت الله يستر منه بس ماعطيته اي اهميه وقلت بستمتع لاخر لحظه ولا كاني اشوف احد بعد ماانبسطنا واخذنا كفايتنا اتصلت على السواق يجي وكان المخطط بعدها نروح مروكو مول وصل السواق وقفت لحكيمه تاكسي وقلتله مروكو مول بعدها ركبت مع السواق وصلنا المجمع مع بعض قلت للسواق بتصل عليك اول مااخلص قالي اوكي دخلنا المجمع انا وحكيمه تجولنا فيه بعدها دخلت احدى المحلات اخذت لحكيمه هديه شكرتني عليها بعدها اتصل على السواق يجي طلعنا من المجمع انتظرنا السواق اول ماوصل وقفنا تاكسي لحكيمه وخليناه يلحقنا للشقه وصلنا الشقه انا وحكيمه والسواق عطيت السواق فلوس يجيب بعض الاغراض راح جلست بالصاله انا وحكيمه سوالف وضحك ومزح بعدها تجيني رساله من نسيمه وبعض من محتواها:
لن اسالك لماذا لم ترد على اتصالاتي ورسائلي ولا مع من كنت ولكن ارغب في رؤيتك وتوديعك قبل رحيلك اتمنى ان لاترفض طلبي.
رديت عليها انا :
الوداع بالنسبه لي الرحيل الابدي ولانه صعب و لااقدر على تحمله ولانني متيقن باذن الله سوف اراك مره اخرى سااقول لك الى القاء .
انتهى
بعدها اخذت دش اصحصح وانعنش. لبست بدلت تعطرت رحت الصاله كلمات غزليه من حكيمه بعددها استاذنت حكيمه تروح تتروش جاء السواق وانا ارتب الطاوله عطيته فلوس يجيب عشاء بعد ساعتين قالي طيب رتبت الطاوله من عصيرات وحلويات ومكسرات وبطاطس شغلت الليزر والسماعات بعدها جت حكيمه بديت مزمزه وضحك وبسط ورقص كنا مستمتعين جدا بعدها وصل العشاء قلت للسواق يكون عندي 10 الصبح راح بعدها كملنا السهره الى الساعه 2 الصبح بعدها نومه وكانت ليله متميزه وجميله جدا تخللها كثير من المواقف.
الجزء القادم:
١: االاستعداد للسفر الى المملكه العربيه السعوديه
٢: من صادفت بالطائره ؟!

منور مستر روقان
تحياتي لمرورك الكريم

قسيت على نسيمه كثير , رغم بعض مواقفها معك إلا إنها قعدت معك فترة
ولا أخذت منك فلوس أكثر من اللازم وإنت اللي أصريت عليها بالفلوس ..

أشوف إنك كنت قاسي معها بالحيل .. والله تأثرت منها .

صح كلامك اخوي مع انه نهائيا مافيني هالقسوه اجبرت اسوي كذا عشانها وعشاني لاسباب كثيره وابعد من كذا بتعرفونها في الاجزاء القادمه

تحياتي لك ولمرورك الكريم

سلمت يدك ياذوق ..والقسوه مطلوبه بعض الاحيان وهي في صالح الطرفين ..تحياتي لك وللجميع

حياك ربي وبياك اخوي
فعلا صدقت القسوه مطلوبه بعض الاحيان لمصلحه الطرفين
اشكرك لكلامك الرائع ومتابعتك الدائمه
تحياتي لشخصك الكريم

تنويه لجميع قراء التقرير:-
باذن الله تعالي سوف انهي تقريري اليوم بنزل عده اجزاء من اخر ليله لي بالمغرب الى عودتي الى وطني العزيز مع شرح لعده امور تخص الرحله كامله.

تحياتي واشواقي الحاره لاداره المنتدى الاعزاء والاعضاء المتمزين والزوار الكرام.

اخوكم المحب/ محمد

الجزء الثاني وعشرون:
اليوم الثاني عشر:-
2016/9/14
بعد قضاء اخر سهره من سهرات كازا الرائعه وخلودنا للنوم صحيت الساعه 9 صباحا لقيت الخادمه موجوده قلت لها تسوي قهوه اتصلت بعدها على السواق قالي نص ساعه واكون عندك اخذت دش دافى ومنعش بعدها لبست بدله شبهه رسميه تعطرت صحت حكيمه بعدي اخذت دش رحت الصاله تقهويت وحليت جاء بعدها السواق جلس بالصاله دخلت غرفه النوم رتبت بعض الاغراض شيكت على كل شي من جواز وتذاكر ومبالغ ماليه كل شي عال العال اتصلت على المندوبه اسلم الشقه قالت اعطي المفتاح للخادمه شكرتها على حسن تعاملها وشكرتني وتمنت لي العوده مره اخرى دخلت غرفه النوم انا وحكيمه عطيتها مبلغ ورفضت رفض قاطع وبعد اصرار مني شديد وافقت بااخذ جزء من المبلغ حضنتها وعطيتها قبله على جبينها وودعتها عطيت الخادمه مبلغ اكرمتها به وودعتها نزلنا اغراضنا تحت عند العماره ودعت حكيمه وكانت اخر نظراتنا وكان وداع حار وقفنا تاكسي لحكيمه ركبت متجهه الى المحطه ثم الى طنجه ركبت انا والسائق باستعداد الذهاب الى المطار وقفنا بااحدى المحطات بالطريق طلبنا فطور مغربي متنوع افطرنا وشكرت الله على النعمه والاكل اللذيذ توجهنا بعدها الى المطار وقفنا بالمواقف نزلت انا والسائق خلصنا بعض الاجراءات رجعنا بعدها جلسنا بااحدى المقاهي الخارجيه تقهوينا وسوالف وضحك وشكرته على حسن معاملته وادبه وتمنى لي عودتي بالقرب وقت اكرمته بمبلغ جيد رفض بحكم انه اللي عمله معاي مثل الاخ ولكني اصريت وبالنهايه قبل به توادعنا بالاحضان ونظرت نظره اخيره الى سماء كازا وقلت هل ستكون لي عوده ؟! تركت الاجابه لايامي القادمه كي تجيب .
وذهبت اكمل بعض الاجراءات انتظرت الى حين موعد اقلاع الطائره ومثل ماكنت فرحان ومبسوط بذهابي الى المغرب رجعت وانا مستمتع وسعيد بعودتي الى ارض الوطن وصلت الطائره ركبنا تفاجانا بهبوط الطائره في مراكش لصعود بعض الركاب وبعدها الى الدوحه اثناء صعود الركاب الى الطائره شفت عبدالعزيز من بعيد وابتسمت قلت يامحاسن الصدف وصلنا الدوحه اجراءات سريعه تقابلت مع عبدالعزيز واخوياه وسلام وضحك وبسط وتكلمنا عن رحلتنا بشكل عام رحنا تعشينا وكان ترانزيت سبع ساعات بعدها ودعوني للذهاب لانه حان موعد اقلاع طائرتهم الى الكويت ودعتهم على امل اللقاء في وقت اخر قرب موعد رحلتي ليعلنوا انه سوف تتاخر الطائره اربع ساعات كملت تسوقي في الدوحه الين ماوصلت الطائره ركبنا .
وصلنا الدمام على الظهر تقريبا يوم الخميس بتاريخ 2016/9/15 بعدها بساعه وصلت بيتنا سلمت على الوالد واخوي الصغير كانوا باقي الاهل مسافرين اوربا جلس الوالد يقولي كيف المغرب وهل عجبتك وش شفت فيها علمته على الاماكن بشكل عام بس بدون نسيمه وحكيمه وليالي مراكش الصاخبه وسهرات كازا المجنونه وبالليل قابلت الشباب في فندف النوفتيل على طريق الخبر وسلام وضحك وبسط وكلمتهم على المغرب بشكل عام رحت البيت نمت صحيت الجمعه صليت تغديت قابلت كذا شخص عزيز علي وكانت رحلتي يوم السبت الصباح الى شمال المملكه رتبت اموري سلمت على الوالد وصلني اخوي المطار سلمت عليه اقلعت الطائره الى الرياض ترانزيت وصلت شقتي في شمال المملكه الظهر.
وكذا انتهت رحلتي الجميله الى بلاد المغرب الساحر
انتهى
الجزء القادم:-
معلومات كامله عن الرحله

تقول القسوة مطلوبة وانت واضح انك حنوون

__________________
سأظل أتنفس الأمل والتفاؤل وأضيء الكون بابتسامتي رغم كل شيء

صقر باين عليه حنون بس القسوه مطلوبه في بعض المواقف الحساسه