مراكش اليوم 2016/10/17

خاسر · 2016-10-17T08:08:48+00:00

بسم الله الرحمن الرحيم اولا راح احاول قد مااقدر اختصر لكم.. ثانياً هذا تقرير عام يعني السلبي والايجابي راح اذكرة بدون لا احدد ان هذا شي سلبي او ايجابي الي يقرا راح يستخرج المفيد.. ثالثاً .. اشكر جميع من توجهة لهم من الاخوه الاعضاء لا اخذ النصيحه او المشوره وان لم انفذ مشورتهم لا احد يزعل مني تبقى نصيحتكم عزيزه على قلبي لكن فالنهايه الواحد يستخير والي يرتاح فيه راح يسوييه علماً قد تكون بعض الاستشارات بديل ثاني في حال اي وجود ظرف طارئ لا قدر الله .. راح ابدى بالمطار • حجز الطيران خطوط السعودية عند الحجز الالكتروني حددت نوع اكل خاص خالي من الزيوت وفعلا جابو لي اللي طلبته .. اشكرهم جدا وكان رائع وصحي .. رحلة ولله الحمد جميله وامنه وموفقه الحمدالله والشكر لك يارب طبعا سعر التذكرة ١٥٧٦ ريال تقريبا ذهاب وعوده للعلم لم تكن مزدحمه الطائرة واغلب المقاعد فارغه • وقت الوصول تقريبا لكازا تقريبا ٩ مساءا تعبئة الكرت كتبته عربي وانجليزي علشان لا يتفلسف علي ويقول زبطني اخويا والخ توجهة للكاونتر الجوازات ماحصل شي جلس يحقق وش اشتغل اختصرت له انا موظف في شركة قسم شؤون موظفين اخويا امر في مشكل او شي قال لي ابد وكل عاده يأخرك علشان تعطيه انا هنا تمثال وموسع صدر علية " مع الاسف لا يمثل هذا شخص الانفسه" لاننا نعلم لا احد يرضا من اخوتنا بالمغرب الذي يفعله البعض. وهنا اشدد لعن الله الراشي والمرتشي لذلك طالما انت فالسليم ماعليك منه بالنهايه راح يختم لك باذن الله ولا تفكر تعطيه اطلاقاً لانك راح تساعدهم على الحركة ذي .. وفعلا ختم لي بعدانتظار ومشيت وقفني المدقق بالخلف اللي بخلف الكاونترات وكان جدا محترم نظر الى الختم وقال لي تفضل .. • توجهة الى الاسفل ناظرت الاسعار مااعجبني سعر الصرف ذهبت لا استلم حقيبتي وتم استلامها بعدها ذهبت الى خارج صالة استلام الحقائب العالم تمشي من غير تفتيش يوم جيت بعدي وقفني قال من وين انت قلت سعودي قال ضع الحقائب بالسير الكشف قلت عملك هذا وحقك ووضعتهم وعديت دون تاخير • ذهبت ابحث عن بنوك صرف حتى وجدت البنك الي جنب وفاء كاش لون البنك برتقالي نسيت اسمه كان في سعودي وجلست اسولف معه وقال لي هنا احسن صرف من مراكش فقلت انتبه لنفسك لان كان معه مبلغ الله يستر عليه خلص وذهب سلمت للكاونتر مبلغ ٣٠٠٠ ريال سعودي سلم لي تقريبا ٧٢٠٠ وكسور درهم • ذهبت بعدها الى محل اتصالات المغرب حسب توصيه الاعضاء قلت له عندي شريحه من العام الماضي هل تشتغل " طبعا اعرف انها مفصوله" فقال لي هات انجرب جرب قال مفصوله قلت حلو قلت ابي ام ٤٠٠ درهم زبطها لي وكان الرجل محترم ووسيع صدر جداً جداً وخلوق ولم يدعني اخرج حتى تاكد من ان جميع خدمات الشريحه تعمل شكرته بعدها اتصلت على السائق وهنا اقف لا اكمل لاحقا معكم باذن الله السائق والسكن وسوف اكتب تقريرهم قريباً لكم خالص تحياتي

ابونواف

مزعوط مميز

المشاركات: 262

تاريخ التسجيل: Jan 2011

الدولة: الرياض

العمر: 45

2016-10-17, 08:04 PM

المشاركه #11

بصراحه ياخاسر وانا اخوك كبرت الموضوع بالنسبه للي يراقبونك في المطار .. بالعكس في كل المطارات هالكداده ينشبون لك وفيهم اللزقه اللي مايفكك الين تطير فيه .. وبالنسبه لدواهم خلك واثق من مشيتك وخل ابتسامتك عرض طول للجميع وخل خطواتك اسرع شوي يعني تنقلك من مكان لمكان يكون اسرع وبالنسبه لفلوسك وعيون الكداده عليها خذها مني محدن ناقز في نحرك وسارقك قدام الملأ بمعنى اصرف وعد فلوسك وانا اخوك وخل عينك قويه ومحدن ماد يده ع جيبك ..
دمت بود..

طبعا" كلامي ذا من واقع تجربه لزياراتي للمغرب ..
دمت بود..

المواضيع المتشابهه للموضوع: مراكش اليوم 2016/10/17
الموضوع	آخر مشاركة
مراكش 2016	2016-10-16 10:50 AM
تساؤلات قبل رحلة مراكش 2016	2016-10-08 11:03 PM
مطلوب فيلا صغيره لشخصين بطنجه من 20/8/2016 الى 25/8/2016	2016-08-05 01:15 PM
تجارب رواد مراكش في السكن 2016	2016-06-16 07:20 AM
رحلتتي الى مراكش الحمراء بتاريخ 10-05-2016	2016-06-06 12:18 AM