الزعطة مراكيشية

بريستيجيه · 2016-10-19T17:06:04+00:00

السلام عليكم ورحمة الله وبركاته في البداية اوجهه شكري وتقديري لكافة الأعضاء اللي ساعدوني وساندوني سواء في الإجابة على استفساراتي في العام او عن طريق الخاص ( الرسائل الخاصة )وكانوا بعد فضل الله سبحانه وتعالى سبب نجاح رحلتي الثانية للمغرب الحبيب واخص بالذكر: اشرف ( بوح) , coolmindDude , mmmsultan, خوخه ,بيضاوية ,سمو المغربية, [B][COLOR="Red"]تنويه [/COLOR][/B]: بحاول ادرج بعض الفيدوات اللي تم التقطها بالمغرب عن طريق السناب جات وان شاء الله تنجح المحاولة. ابدأ التقرير كيف بدأت فكرة التخطيط للسفرة الثانية؟ في يوم الاحد الموافق 2\10\2016 الساعه 8 مساء طلعنا من العمل بعد يوم طوووويل وشاق ومتعب وكريه , مداومه فيه 12 ساعه ( تحضيرات لمعرض في ابوظبي) ركبنا السياره انا وصاحبتي,وسالتها هااا وين نتعشى؟؟ قالت لي: ما اعرف كيفيج اختاري ومالي خلق افكر تعبانه وجوعانه قلت لها : والله خاطري في اكل مغربي شرايج؟ قالت : اوكي بس أي مطعم جلست افكر شوي قلت لها عندنا مطعم الماظ almaz ومتواجد في مول الجاليريا , بس اخر ترجب لي فيه كانت تعيسة! كنت طالبه طاجن دجاج, وصلني الطاجن على صورة طاسه ( مله ) فيها مرق وقطع دجاج جانبي عبارة عن شيش طاوق وكسكس !! فقلت لهم انا طالبه طاجن مب كسكس؟ والطبق اللي جدامي مب طاجن هذا شيش طاوق وهو اكله لبنانية؟؟ ردت علي الناذله : ان المطعم مطعم مغربي لبناني وهو مطعم مغربي حديث عشان جذي مغير من صورة الطبق التقليدية قلت لصاحبتي مب مستعده اروح اكرر نفس التجربة...فكرت شوي وتذكرت ان تم افتتاح مطعم مغربي جديد في ابوظبي اسمه ايثران Ithran ومتواجد في سوق قرية البري قريب من فندق الشانغريلا قالت صاحبتي : يللا توكلنا على الله نروح نجربه وصلنا المطعم , وكان روعه من اثاث وديكور واهم شي ان محد فيه بس احنا وهذي بعض الصور للمطعم [url=https://www.up.mza3et.com/][img]https://www.up.mza3et.com/uploads/1476894736861.jpg[/img][/url] [url=https://www.up.mza3et.com/][img]https://www.up.mza3et.com/uploads/147689473692.jpg[/img][/url] [url=https://www.up.mza3et.com/][img]https://www.up.mza3et.com/uploads/1476894736913.jpg[/img][/url] [url=https://www.up.mza3et.com/][img]https://www.up.mza3et.com/uploads/1476894829581.jpg[/img][/url] [url=https://www.up.mza3et.com/][img]https://www.up.mza3et.com/uploads/147689482962.jpg[/img][/url] [url=https://www.up.mza3et.com/][img]https://www.up.mza3et.com/uploads/1476894829643.jpg[/img][/url] فيديو [url=https://anmmmr.esy.es/do.php?id=147]2016-09-29_20-35-20 تحميل ● مركز رفع ملفات mp4[/url] الترحيب كان اكثر من رائع انا طلب حريرة وطنجيه مراكشيه , وصاحبتي طلبت بسطيله بالدجاج ضيافة المطعم [url=https://www.up.mza3et.com/][img]https://www.up.mza3et.com/uploads/1476895760631.jpg[/img][/url] وقضينا وقتنا بالسوالف وتصوير المطعم وكانت بداية السالفهــ: صاحبتي: في خاطري طلب بس ما اعرف اشلون أقوله لج انا : امري؟؟؟ صاحبتي : لا لازم اصيغه بطريقة صحيحه عشان توافقين انا : همممممممم صاحبتي: تعرفين الشهرين اللي طافوا اشكثر انضغنا في الشغل, والمفروض يخلص العمل الساعه 3 واحنا نطلع على 8 او 9 المسا انا : صح كلامج , وهالاسبوع بيكون ضغطه اكبر , بنخلص الشغل الساعه 11 الليل ويوم ثاني دوام الساعه 8 الصبح صابحتي: انا تعبت من هالضغط , ونفسيتي زفت انا: اطالع بدون تعليق صاحبتي : شرايج ناخذ إجازة الأسبوع الجاي ولمدة أسبوع واحد بس انا: بس احنا باخر السنه, ولازم نخلص كل المشاريع اللي عندنا صاحبتي: أسبوع ما بياثر انا: خلاص , ابشري انا اجازتي اعتبري ان مديري موافق عليها, بس انتي النحاسة اللي عندج, مديرج بيوافق؟؟! صاحبتي: بكرا الصبح برد عليج خبر وفي هذه الاثناء وصل طبق الحريرة الخاص فيني [url=https://www.up.mza3et.com/][img]https://www.up.mza3et.com/uploads/1476895374891.jpg[/img][/url] فيديو [url=https://anmmmr.esy.es/do.php?id=145]2016-09-29_19-51-56 تحميل ● مركز رفع ملفات mp4[/url] صاحبتي: انزين بعده ما خلص الطلب انا : ضحكت وقلت لها امري صاحبتي : شرايج نسافر ونغير جو؟؟؟ انا : اوكي ليش لا, سنة 2016 ما سافرنا فيها, ودامها أسبوع شرايج على الكويت ولا مسقط؟؟ او نقسمها بين هالدولتين صاحبتي: لا ما ابغي اروح دول الخليج, خليها لي ما يبرد الجو انا : انزين وين حابه نسافر؟؟ صاحبتي: بخاطري اروح مراكش انا : وجهي عليه جميع علامات الاستفهام قلت لها بس مدة السفر 8 ساعات واسبوع جدا قليله صاحبتي : اذا بنسافر ما بروح الا المغرب انا: انزين شرايج نروح المالديف 4 أيام استرخاء وبحر صاحبتي: لا ما ابي انا: انزين مصر اقرب او سيشل صاحبتي : لا لا لا , ابغي مراكش , تولهت على هالديره انا: شكله السحر فيج قوي مفعوله ههههه صاحبتي : الزعطه بزياده بالزاااف انا : خلاص توكلي على الله , واهم شي تجيبين لي الموافقه على إجازتك بكرا الصبح لان مافي وقت وصل الأكل , وصاحبتي مكيفة ومستانسه [url=https://www.up.mza3et.com/][img]https://www.up.mza3et.com/uploads/1476895760652.jpg[/img][/url] تقييم الاكل: البسطيله : لا انا ولا صاحبتي حبينا الطبق دجاج مع شكر ( سكر ) فكان الطعم جدا غريب علينا, وانا بطبعي ما احب اخلط بالنكهات الدجاج تعودت عليه مالح , فلازم اكله مالح وللأسف ما اكلنا شي منه الطنجيه المراكشيه كانت اكثر من رائعه, اللحم لذيذ وطري ويذوب في الفم واختتمنا المائده بآآآتاي مغربي [url=https://anmmmr.esy.es/do.php?id=146]2016-09-29_20-30-25 تحميل ● مركز رفع ملفات mp4[/url] بعد الاستمتاع والروقان , والتخطيط لسفره للمغرب طلبت الحساب, حاسبت ومشينا ملاحظة: المطعم جدا راقي, لذلك أسعاره غاليه يقدم المطعم شيشة لاصحاب الكييف وفي الشتا , في عندهم مثل التيراس, يفتحون كافة النوافذ المطعم يطل على البحر, فاتوقع بتكون جلساته بالجو الحلو روقااان وروعه ممكن تتطلعون على صور اكثر للمطعم وأسعار الاكل على هالرابط [url]https://www.zomato.com/dhabi/itran-al-maqtaa[/url] انتظروني في الجزء الثاني

بريستيجيه

مزعوط برونزي

المشاركات: 526

تاريخ التسجيل: Jan 2014

2016-10-20, 06:02 PM

المشاركه #1

استكمل التقرير
بيكون التقرير مختلف عن السابق, بحيث بذكر لكم الأشياء المهمه فقط بدون ذكر شنو اللي سويته اليوم او بكرا

يوم الأثنين, عطتني صاحبتي الموافقة على اجازتها
وبديت ارتب لهذي الاجازه
ونظرا لضيق الوقت عندي, فقررت اسويه نفس الجدول اللي كنت معتمدته في شهر ديسمبر
وجدول ديسمبر ملحوق اعدل عليه بعد ما ارد من السفرة

السفر
يوم الجمعه الموافق 7\10\2016
الطيران : الاتحاد الناقل الرسمي لدولة الامارات
وقت الإقلاع من مطار ابوظبي الساعه : 2:45 صباحاً , مع تأخير متعود من الاتحاد ب 45 دقيقة
وقت الوصول الى مطار محمد الخامس ( كازابلنكا ) 8:35 صباحا في نفس اليوم
مدة الرحله : 8 ساعات
سعر التذكرة الواحده : 2610 درهم

الفنادق

التاريخ : من 7 أكتوبر إلى 8 أكتوبر 2016
اسم الفندق: منتجع مازاكان بيتش اند غولف
Mazagan Beach & Golf Resort
نوع الغرفة: ديلوكس مع منظر مطل على حمام السباحه
الفطور الصباحي: شامل
الانترنت اللاسلكي ( الوافاي ) : شامل
قيمة الغرفة شامله الضريبه 10% = 180 يورو وغير شامل الضريبة وهي 5 يورو للشخص الواحد لليوم الواحد
يعني المجموع : 190 يورو = 2079 درهم مغربي

الموقع الرسمي للمنتجع
5-Star Beach Resort in Morocco | Mazagan Beach & Golf Resort

الصــور

البوابة الرئيسية

الممرر الى البوابة الداخليه للمنتجع

منظر للبوابه

للوبي

الغرفة

الحمام اعزكم الله

المنظر من بلكونه الغرفة

مطعم الإفطار والعشاء

__________________

اتمنى من الاعضاء الكرام زياره تقريري الثالث

عندما يجتمع الجمال في حضرة الفخامه

https://www.mza3et.com/morocco35703.html#post863401

بريستيجيه

مزعوط برونزي

المشاركات: 526

تاريخ التسجيل: Jan 2014

2016-10-20, 06:18 PM

المشاركه #2

ناخذ لفه في المنتجع

بحيرات صناعية

منظر للبحيرة مع البحر

مركز الرياضات المائية

كوفي يبيع العصاير على البحر

منظر للمنتجع من ناحية البحر

البحــــر

من الفعاليات اللي ممكن تسويها بالمنتجع ركوب الجمل

مطعم pool side
اكله إيطالي ولذيذ

اعتذر عن التوقف في انزال الصور بسبب مشكلة تقنية في مركز تحميل الصور بالمنتدى

__________________

coolmindDude

الزعطة مراكيشية

المشاركات: 1,020

تاريخ التسجيل: Nov 2012

الدولة: Riyadh - Saudi Arabia

2016-10-20, 09:48 PM

المشاركه #3

اقتباس:

المشاركة الأصلية كتبت بواسطة بريستيجيه

مطعم pool side
اكله إيطالي ولذيذ
[/COLOR][/B]

المطعم الايطالي يديره شيف إيطالي محترف والبيتزا والباسطا اللي يطبخهم شي خيال

حمدلله على السلامة ومتضرين المزيد وإنطباعك عن دوكالة

__________________

بريستيجيه

مزعوط برونزي

المشاركات: 526

تاريخ التسجيل: Jan 2014

2016-10-21, 01:15 PM

المشاركه #4

اقتباس:

المشاركة الأصلية كتبت بواسطة coolmindDude

شكرا على المعلومه
وبالفعل الاكل لذيذ افضل عن فوتشون

الله يسلمك اخوي
وبخصوص دوكاله للاسف تجربتي اقتصرت على المنتجع فقط ما طلعت بره

شاكره لكــ المتابعه

__________________

mmmsultan

الزعطة مراكيشية

المشاركات: 2,030

تاريخ التسجيل: Nov 2013

الدولة: بين العاصمتين

2017-01-25, 05:46 PM

المشاركه #5

اقتباس:

المشاركة الأصلية كتبت بواسطة coolmindDude

وين هالغيبه..على شمسك غيوم يابو بدر

المواضيع المتشابهه للموضوع: الزعطة مراكيشية
الموضوع	آخر مشاركة
الزعطة العشوائيه	2024-12-23 12:12 PM
الزعطة بتاريخ 2022/3/10	2022-01-16 02:12 PM
الزعطة زغبية	2021-09-12 12:17 AM
الزعطة الثانية	2018-10-09 04:06 PM
ما هي أسباب الزعطة المغربية؟	2013-04-22 01:25 PM

عروض وحجز الفلل و الشقق

السيارات شركات تأجير السيارات

تقارير سياحية

الاستفسارات سؤال و جواب

الزعطة مراكيشية

روابط سريعه

الذين يشاهدون محتوى الموضوع الآن : 1 ( الأعضاء 0 والزوار 1)