البخشيش او الإكرامية

انت عجزتي تفهمي السنتيم وانا عجزت احفظ الفرانك هههههههه استحي اقول للناس الكبار بالعمر او فشي مكان تجاري اني ما اعرف احسب بالفرانك ههههههه

افااااا تبين تعطيني سنتيمات ؟؟ خلاص خلي بخشيشك عندك يا بخيله ... بزيد عليكي ف ضريبة الاكل ههههههه

__________________
كلآم الناس بالنسبة لي ،، مكآلمة لم يتم الرد عليهآ ..!!!

كلامك ملئ بالمغالطات في امريكا البخشيش ليس اجباريا ولا تجبر عليه مطلقا لكن من باب الذوق تدفع البخشيش لان امريكا وخاصة المطاعم ما عندهم شي اسمه رسم خدمه نهائيا
مغالطه اخري واذا كان مطعم راقي وتدفع البخشيش بصوره مستقله عن الحساب ممكن يطلب منك انك تترك المحل فورا والله العظيم هذي صارت قدامي في مطعم مورانو لندن حب انه يلاطف البنت اللي في الاستقبال وقدم لها ورقه نقديه مع انهم كانوا عائله طلب منهم المغادره وبالحرف الواحد قال لهم احنا لنا طبقه معينه من الضيوف
كيف يعني تدفعه اول ما توصل والبخشيش المتعارف عليه 10-20% من قيمة الفاتوره يعني راح تخمن كم تصرف
هذي عاد اكبر نقطه احب تشرحها لي كيف يساهم البخشيش في نمو اقتصاد الدول وشرح مفصل اذا ما عليك امر
شي آخر شدخل البخشيش في قواعد الاتكيت اتحداك من جميع مصادر المعامله الراقيه والذوق او ما يعرف فن الاتيكيت مرجع واحد ذاكر لك شي عن البخشيش

__________________
ان تكون مجنونا في ارض الجنون خير من ان تكون العاقل الاوحد

اي شخص يخدمني مزيان واشوف انه يدور على راحتي اقسم بالله اعطيه من غير منة وماعندي مشكلة اذا تعمدت اعطيه دبل السعر لان في اشخاص يحرجونك في اخلاقهم وخدمتهم ولا فيها منة ويجبرك بسبب تعاملة انك ترجع لنفس المكان الابتسامه والاحترام عندي اهم من المال

ب اختصار عزة النفس زينه

ي كثر ما رحت ل دول فقيره لكن اهلها عزة نفوسهم تمنعهم من مد ايديهم رغم الحاجه

ب اختصار رجاله وعزة نفس وحتى وان عطيتهم ما يضعفون

والله إني ضعيف جدا أمام الأولاد الصغار اللي يبيعون الورد وأشياء زي كذا وكنت يوميا العصر بمراكش إذا قابلت أطفال يبيعون ورد أشتري الورد اللي معاه وأعطيه 3أضعاف السعر وبعد مايروح أوزع الورد على الماره بالشارع أقسم بالله الفرحه اللي بعيونه لما أشتري الورد تجعلني أسعد شخص بالعالم ..وكنت أحس بصراحه إنه أفضل عمل أسويه بحياتي

اهم شي ما تكون زعلان
انت عشت في امريكا ؟؟
المهم في امريكا تشوف ورقه صغيرة توضع في معظم المطاعم وتقول Tipping is not a city in China وهذا يعني بأن ..البقشيش ليس مدينة في الصين.. وهذا يكفي ليعلمك بأن البقشيش إجباري وليس اختياريا

وانا قلت مو كل الدول نفس الشي وتختلف في طلب البقشيش ايضا !! وفي الدول العربيه مستحبه في لبنان ومصر والمغرب .. ولا كل المطاعم ولا كل الفنادق

اما انك تدفع اول ما توصل هذا شي راجع لك .. راح تعرف من قائمة الطعام وتسأل عن الطبق الرئيسى واذا الاسعار مو مكتوب تخليها تالي .. مو مشكله
والصالون راح تخليها تالي عادي
بالفنادق مثلا خدمة الغرف تعطيهم قبل
اما في نايت كلوب اكيد بتعرف سعر الطاوله
‏to insure proper service
للحصول على خدمة افضل
TIPS

اما الشرح المفصل كيف ان البقشيش يساهم في نمو الاقتصاد اسمح لي انا مو استاذ بالجامعه .. اللي اعرفه ان أمريكا ترتكز بصفة رئيسية في نمو اقتصادها على البقشيش الذي يشكل نحو 26 مليار دولار سنويًا.. وامريكا حاصله على المرتبه الاولى في السياحه وهذه دراسه و سمعتها من رجال اعمال عندهم لهم خبره بالاقتصاد .. البقشيش يزيد من انتاج البلد ومن الدخل الحقيقي للعامل ..بختصار .. والكلام هذا ما راح تسمعه في المدرسة !!

اما الاتيكيت هو السلوك بالغ التهذيب أو احترام الذات و احترام الآخرين و حسن التعامل معهم أو آداب في الخصال الحميدة أو السلوك المقبول اجتماعيا ما هو قرآن منزل على البشرية

و احدى المواقف التي حصلت لي في بالمغرب .. اي مكان توقف فيه السياره يوجد به سمسار او حارس يكري الموقف
طبعا يأخذ من درهمين الي خمس دراهم !!
كنت في السياره مع صديق لي سمعته يفاصل مع الحارس على درهمين زياده !!!! هههه وحلفت عليه الا يعطيه 100 درهم لانه بس جادل معاه بس
قلت له الله ما كثر الخرده عندنا في السياره .. ثاني مره ادفع من 10 وفوق لا تجادل المحتاج والمسكين .. اغلب الناس هذه فقيره لا شهاده لا مستقبل وانت تدفع بالالاف خلال ساعه وحدة

انا كتبت على عجاله لاني في الطياره حاليا .. واسمح لي يا غالي

قال تعالى ( وفي اموالهم حق للسائل والمحروم ) سورة الذاريات الايه ١٩

وقال تعالى ( والذين في اموالهم حق معلوم ( ٢٤ ) للسائل والمحروم ( ٢٥ ) سورة المعارج


السائل - هو الشخص المجهول الذي لايدرى عن حاله او كان معروف الفقر والحاجه فانه يعطى من الزكاه ويعطى من غيرها من الصدقات و منافسه في الخير ومسارعه الى اعمال البر


تعقيبي !! مهما اتيحت لك الفرصه لاعطاء اي شخص من هالناس باي مكان بالعالم وانت قادر لاتبخل عليه لو باي مبلغ ولايهمك ردت فعله بالرضا او العبوس - اجعلها بينك وبين ربك - وبنيه الصدقه لوجه الله

وش يعني ١٠٠ درهم او ١٠٠٠ درهم تدفعها بمدة سفرتك كلها لوجه الله !!

وانت صارف كثرها اربعين مره للسياحه !!!

وشكرا لكم ولحد ينشبلي بليز


تصبحون على خير

الموضوع هذا احلى مافيه انه كل واحد من الاعضاء يعبر عن رأيه من وجهة نظره هو ويستدل باستشهادات تضيف معلومات قد يجهلها الباقيين، بدون اي خلاف او تعصب ...

بصراحه بغض النظر عن اني مؤيده او معارضه للبخشيش الا اني استمتعت بنقاشاتكم كلكم ...

وبالنهايه اختلاف الراي لايفسد للود قضيه ... ممكن نختلف بس ما نتخالف

__________________
كلآم الناس بالنسبة لي ،، مكآلمة لم يتم الرد عليهآ ..!!!