نصائح عامة للمسافرين للمغرب

بخصوص السكن للمرة المليون النقطة وهذي مذكورة في كثير من المواضيع والمشاركات والنصائح من الأخوة الأعضاء

وهي لا تدفع درهم واحد قبل ما تشوفوا السكن المتفق عليه ولا تدفعوا كامل المبلغ , مثلاً في منتجع الروز قاردن وعند الاستقبال

مو تدفع وبعدين تشوف لا ثم لا ثم لا, عاين وافحص وصور بالكامير كامل السكن سواء شقة أو فيلا وهذا من حقك مثل ما هو من

حقهم تعوضهم عن اي شي يصير مثل حرق أو كسر, ثم إذا عجبك ارجع للاستقبال وادفع وقول لهم كل يومين أو ثلاثة دفعه وخصوصاً

الروز من النوع اللي يحجز جواز السفر (وهذا مخالف للقانون) لكن إذا عاجبك يا عزيزي المسافر فلا تكون لقمه سائغه لهم , أوكي

جواز السفر مقابل الدفعات في تسليم الايجار , ونفس الطريقة لو مستأجر من غيرهم هي طريقة واحده وتعامل واحد ما عدا جواز السفر

لا تعطيه لاحد مهما كان ومين ما كان. بالنسبة لي عمري والحمد الله ما سمحت لأحد يحجز جواز سفري وأكثر من الصورة ما اسمح

به مع الحرص على ان يكون نص توقيعي على صورة الجواز والنص الثاني خارج صورة الجواز حتى لا يستغل في كتابة ما هو ضدي

بين صورة الجواز وبين التوقيع وهذا اجراء قانوني ومن حقك. مو تخبص وتوقع في المحظور وتجي تشتكي بالمنتدى والقانون لا يحميك

لكونك ما تعرف تتصرف أو ما غيره.

__________________

شكرا اخوي عمر ع نصائحك

وكلها تهون عند موضوع رهن الجواز

مالقيت لها تفسير موضوع رهن الجواز الا للابتزاز فقط

كلام جداً منطقي وعقلاني وان شاء الله الشباب يستفيدون من هالكلام الجميل
الف شكر لك ي عمر ..

الآن بالنسبة لجواز السفر خذوها قاعدة ولا تكسروها مهما كانت الاسباب, لا ترهنوا جواز السفر لا عند مكتب ايجاز سيارات

ولا عند السكن, مين ما كان يكون ومهما كانت الاسباب لانه بكل بساطة وانت مسافر بنسبة كبيرة راح تكونوا معرضين للابتزاز

وبسهولة ولضيق الوقت, فيه اكثر من طريقة لضمان حق مكتب تأجير السيارات أو اللي يوفروا السكن, لكن مسألة رهن الجواز فهي

مخالفة للنظام والقانون, اللي يطلب رهن جواز السفر ما يتنازل عن الشرط هذا وبالمقابل لو المسافرين لو تمسكوا بعدم رهن جواز السفر

كان اختلفت المعاملة , لكن اللي يقبل يتحمل اللي يجيه, كمثال الروز انا عارف ان له شعبية عريضة عند شريحة كبيرة من الشباب

لعدد من الاسباب والادارة بصعوبة كبيرة ممكن تتنازل عن شرط رهن الجواز لكن الموضوع كله غلط في غلط بالتالي اللي يوافق براحته

حتى في مسألة تأجير السيارة ما اعرف كيف ممكن واحد يترك جواز سفره بكازا ويأخذ سيارة ويروح لمدينة مثل أكادير أو طنجة

ترا هذي مخاطره كبيرة جداً ولها عواقب كبيرة , السفر متعه والمغرب أجمل متعه لكن التعقل مطلوب

__________________

انا اللي فهمته ان المنتدى جالس يسعى انه مايكون طرف في المشاكل اللي تصير للأعضاء خصوصاً من ناحية السكن وفيه مواضيع كثير تشتكي من سوء التنسيق بين العضو والإدارة ومن هذا المنطلق انصح الاعضاء بالحجز عن طريق شركة المؤيد واضمن لك استعادة المبلغ في حال صار لك ظرف وبتمشي وصارت معي شخصياً مع ابو مؤيد الله يجزاه خير .. او الحجز عن طريق المنتجع نفسه .. بالنسبة للجواز انا لازلت مؤيد ان الجواز يصير عندهم وتقدر تاخذ صورة فقط لضمان عدم اضاعته او سرقته وبرضو خذ معك رخصتك السعودية بياناتك كاملة موجودة عربي انجليزي ويكتفى بذلك ..

سلامة فهمك يا فهيم ؟!!؟ اي تهرب من المشاكل اللي جاي تتكلم عنه ؟ مشاكل ناس تسافر ولا تعرف تتصرف وبعد ما الفاس تطيح

بالراس تجي تصايح هنا بالمنتدى ويقول الحقوني ! تصرفات تصدر أقل ما يقال عنها دلاخه وغباء وأنت تجي بكل سهولة وتقول

نتهرب ؟ الحين الحق علينا اللي نحاول نحذر من اغلب المشاكل اللي ممكن تواجهم لكن للاسف فيه اللي يرتكب غلطان فادحه.

ترا المنتدى مو حضانة اطفال وكل من صار له شي نجري نقلب الدنيا علشانه, اللي ما يعرف يسافر يجلس في بيته احسن له.

بالنسبة للمؤيد فلا مجال للمقارنة هم شركة برأس مال كبير وعدد موظفين ضخم متفرغين للعمل لديهم بالسعودية والمغرب مو مثلنا

كلنا ما نزيد عن ال 10 اشخاص وغير متفرغين وعملنا تطوعي بحت ! حدث العاقل بما يعقل .

التعليمات الصادرة من وزارة الداخلية تحذر من رهن جميع الوثائق الصادرة منها سواء داخل أو خارج المملكة واللي أنت

قاعد تشجع عليه تعتبر مخالفة يعاقب عليها النظام بالسجن والمنع من السفر والغرامة المالية, ونقطة اخير عندك اضافة مفيدة

تفضل المنتدى كله تحت امرك اما تشجيع الاعضاء على مخالفة النظام وتشجيعهم على رهن الوثائق الرسيمة سوف يعرض معرفك للحساب.

__________________

دائماً وابداً سفري يكون في الأوقات التى لا يكون فيها إجازة مدرسيه بالمملكة مهما كنت الأسباب ولا أكسر هذه القاعدة إلا نادراً

والسبب هو غلاء الأسعار خلال الإجازات الرسمية بالسعودية لدرجة جنونية حتى مع الحجز والتخطيط المبكر ولو بشهور.

__________________

دوام الحال من المحال الحين الاحوال راح تتغير

__________________

ماشكور أخوي على النصائح التي لاتقدر بمال لكن عسى قومي يفهمووووووون

شكراً