مسافر على طنجة وعندك استفسار تعال هنا

المطاعم يمي يمي

هذا الشي الوحيد اللي ابصم بالعشره انك ماراح تحصل فيه اي مشكله بطنجه لان الاختيارات صارت كثيره جدا لدرجه الحيره
اذا تدور اكل خليجي كبسه مندي برياني الخ الخ عندك لؤلؤه الشمال مع انهم غاليين على ايش مدري 150 درهم صحن كبسه لحم اشوفه مبالغ فيه يعني لو انتم اثنين اكل ومشاريب وششيشه 300+200+100 اشوفها كثير لو تسويها بالبيت ماكلفتك النص او طلبت من بعض الطباخات اللي يوصلون للبيوت افضل بكثير
وبوه كبسه عند مطعم فيروز ومطعم ثاني جنبه نسيت اسمه صراحه تقريبا ب 59 درهم فرق كبير بالسعر وتقضي الغرض

نجي الحين للائحه بعض المطاعم
مطعم النجمه اللي كلكم لاجيتو تجربونه وتمدحونه مع اني اشوفه عادي وخدمتهم مو ذاك الزود لكن الناس اذواق
عندك مطعم دار الناجي اللي صرت انا شخصيا مستحيل اروح له لتدني مستوى طعم الاكل عندهم وتاخير في الطلب ، اللي جرب دار الناجي اول مافتح وجرب الحين راح يلمس الفرق الكبير اجمل مابالمطعم معاملتهم وابتسامتهم

مطعم الميرو اكلهم كويس وخدمتهم جيده والمكان موقعه حلو عيبه الكبير الشحاذين اللي جنبه يكرهونك بزيارته

مطعم روماينا . لويجي . طنجيرينو . الامنيه .الجوهره . العربيه . الجزيره . مطاعم موسى ابن نصير الشعبيه الكثيره المتلاصقه جنب بعض . مطعم العشاب اللي صاير موجود منه كثير بطنجه خمس او ست تقريبا .مطعم بلاص موزار الشعبي وقليل اللي يعرفه حتى من اهل الديره اكلهم لذيذ مره واسعارهم بسيطه عيب المكان انه صغير وخاصه يوم الجمعه ماتلاقي مكان اذا انت من عشاق الكسكسي
وفي مطعم مااتوقع خليجي طبه بطنجه واغلب طنجاوا نفسهم مايعرفونه بسبب موقعه البعيد ولغير السياحي لكن من جربه مستحيل مايرجع له احسن شربه سمك في طنجه عندهم والسمك شي خيااال بس ترى المطعم ماهوب رخيص مع ان موقع مايوحي بسعره لكن له زبنائه الخاصيين ودايم زحمه حتى برمضان المطعم اسمه لوبانا بطريق الرباط
واذا تبي طاجن وخبز تفرنوت عندك بالمنطقه الصناعيه اللي بمدخل طنجه على طريق الرباط محطه افريقيا
واذا انت من عشاق السردين المشوي والبصاره والمشاوي وطواجن السمك الطنجاويه جرب المطاعم الشعبيه اللي في اشقار انا شخصيا احبها
والخيارات كثيره جدا بطنجه الحقيقه

انا جاي لطنجة في ياناير ولي فترة كل يوم ادخل المنتدى اجمع معلومات بس زي هالاختصار بتوصيل المعلومة ماشفت. شكرًا مزاجية على هالموضوع الأكثر من رائع ‏وننتظر المزيد عن الأماكن اللي تستحق الزياة (بالنهار).
شكرًا من القلب اختي مزاجية.

طنجه بصفه عامه

لاتصلح لاصحاب الحياه الليليه لانها تفتقد لكل المؤهلات طنجه بسيطه واهلها غير معقدين نهارها جميل شوارعها تحسسك انك في حيره هل انت بالمغرب او باروبا محيطه بمدن قريبه منها تقدر تتنقل منها وعليها بكل اريحيه وتكتشفها طنجه لو انت كثير السفر لدول وفالها عالاخر وحسيت انك تبي تجلس مع نفسك تجيها وانت مطمن انك اخترت المكان الصحيح تقوم الصباح تفطر عاالبحر وتتمشى بين شوارعها وتروح المدينه القديمه والقصبه وتضيع هناك واذا حسيت بتعب تجلس على احد المقاهي هناك وتشرب أتاي واكيد راح يجمعك كلام مع احد الشيبان هناك وراح يسترسل ويحكيلك عن تاريخ وذكريات المكان وراح تستمتع وماتحس بالوقت وترجع بعدها لسكنك تاخذ شاور وانت مبسوط وينشغل بالك وين راح تتعشى وتقضي اوقاتك المسائيه الليليه وهكذا راح تكون سفرتك مختلفه وهادئه

طنجه جميله واهلها طيبين ولاعندهم عنصريه ولازالت الفكره الجميله اللي تركوها خلجيين الثمانينات راسخه بذكرياتهم واتمنى الاجيال الجديده ماتغيرها

الحريه بطنجة

وصلني الحين رساله عالخاص مع اني افضل الردود تكون هنا عشان الفائده تعم عالكل يقول صاحبها اني ظلمت طنجه وان فيها الموفنبيك وسهرته الجميله وان فيها حريه ماهيب غيرها

طنجه ماظلمتها ماحد يظلم محبوبه انا اتكلم بحياديه صحيح موجود الموفنبيك وجوه كويس لكن لو جبت اي شخص متعود السهر بمراكش وسئلته راح يقول جوه بيض لان مافي اي مقااارنه ومكان واحد او مكانين او حتى خمس ماراح يقدرو ينافسو
بالنسبه للحريه صحيح تقدر تتمشى فيها مع صديقتك مو نفس مراكش وتركب سيارتك وممكن تطلع تطوان وغيرها من مدن قريبه وطالما ماانت مسبب مشاكل ماحد راح يكلمك لكن توقعاتي ماراح يطول الوضع كذا طالما الاقبال بدا يكثر زفي ظاهره مااحبها ابدا انا شخصيا والقي اللوم فيها عالبنات
انتي يابنت وانتي طالعه مع صديقك بعز النهار ماله داعي خمسه كيلو ميك اب وشعرك كنه عماره من خمس ادوار ولبسك كنك طالعه سهره لكل مقام مقال ياعزيزتي والشخص اللي معاك اكيد عارفك وقابلك بدون كل هالحفله تدور على جمهور خلك انيقه بحدود التهذيب والمحافظه على الشكل العام عشان لاتتفتح العيون عليك وعلى غيرك عشان تبقى طنجه محافظه على حريتها لازم احنا نحترمها

قبل اسبوع كنت في طنجه واليكم التالي :
* سكنت مع صديق لي مستقر فيها
* سهرت سهره من افشل سهرات حياتي كانت في بودي او البوادي شي زي كذا حسيت كني سهران مع نفسي وعامل الشيشه يرقص لي

__________________

.. يـآمن يرآعيني بعينـهـ .. وأرآعيــهـ

جميلات طنجه او زي ماتسمونهم هنا الطيور

دائما اقرى في ردود الشباب ان مابوه طيور والموجودين لك عليهم و و و و المعروف وبكل المدن ان طيورها مايكونو منها يعني بنت طنجه تحصلها باغادير وبنت اغادير تحصلها بكازا وبنت كازا تلاقيها في مراكش وهكذا لان كل وحده تحاول تبعد قدر المستطاع عن اهلها ومعارفها تجنبا للاحراج او خوفا على سمعتها الاسريه والاسباب تتعدد وتختلف لكن يبقى اننا صعب اننا نحكم على مدينه من طيورها او عصافيرها او حمامها او دجاجها الزين زين الافعال ماهوب كل وجه جميل يحمل قلب جميل والعكس صحيح ولاهيب كل سفره متوقفه على طير جربو مفهوم الصداقه راح تلقونها شي راقي ويدوم والله العظيم

انتبه لقلبك لاينسرق منك بالمغرب وخاصه بطنجه

مو لان المغربيات عموماو الطنجاويات حرميات قلوب لا ابد بس لان اللهجه الطنجاويه تطلع من البنت كنها سنفونيه مد بالاحرف ونعومه في نطقها ودلع تلقائي بين الكلمات الطنجاويه ورونق خاص في بعض الكلمات الاسبانيه المبعثره بين الحديث يمكن تسحرك وتجذبك وتاخذك عالم جميل فيه روح بسيطه بعذوبتها وجمالها وخجل نظراتها وثقافتها وامور كثيره قد توقع بك في بحور التعود ثم ثم التعود ثم ..........انت وحظك عاد

ماشاء الله موسوعة عن طنجه ومع ذالك بيجي واحد بكره يفتح موضوع يبغى سكن امن ويبغى اماكن يروح لها .
عجبني سالفة اللي يجون الخاص للترقيم ترى السؤال عن السكن والأماكن هو الوسيلة للوصول للغاية الرقم

دعاية للطنجاويات

تصدقين عجبني قولك لكل مقام مقال هههههههههههههه المفروض انو البنت تلبس حشمة وتخفف الماكياج وتنتقي الكلمات وتتصرف بعفوية وتنسى هياص الليل وماتلفت الانتباه وفعلا اللي جميل جميل حتى لو في دربالة والدربالة هو الثوب القديم للي مو عارف المصطلح باللهجة المغربية .....كذا ماحدا راح يعرف وضعهم والكل راح يحترمهم ومرورهم مع الشخص بيكون غير ملفت وعادي ....