مسافر على طنجة وعندك استفسار تعال هنا

الاعياد والمناسبات بطنجه

راح ابتدي برمضان الاجواء تكون فيه جميله الصباح هدوء بالمدينه وهي شبه خاليه الا من الموظفين والعاملين
تبتدي الحركه بعد اذان العصر تكثر بشكل ملحوظ بكل انحاء المدينه وخاصه بالاسواق الشعبيه وسوق السمك والميناء والمخابز
الكل يطلع يتسوق ويشتري كل مالذ وطاب لمائده الافطار ومعروف عن اهل طنجه الاكثار من الاسماك برمضان
وبعد اذان المغرب والافطار واخذ قسط من الراحه يبتدي الاغلب التوجه الا المساجد لصلاه العشاء والتراويح
ومن بعدها تبتدي الزحمه بالشوارع وتكثر الحركه بكل الاماكن وسط البلد والكورنيش ومنطقه مرقالا وملاباطا وتكون الاجواء جدا جميله
الاواخر من رمضان تكثر الزحمه بالاسواق وكذلك بالليل تكثر الزحمه عالمطاعم لان الاغلب يتاخر برا وتسحر بالمطعم وهكذا الا ليله العيد.
بالعيد اول يوم كل شي مقفل الا بعض المقاهي تفتح المساء ثاني يوم العيد كل شي فاتح الا الاسواق ماتبتدي نشاطها الا سابع العيد


عيد الاضحى

طنجه تفضى لان كل المقيمين يسافرو لاهاليهم يوم العيد كل شي مقفل وطنجه فاضيه جدا
ثاني يوم العيد تفتح بعض المقاهي
المطاعم اغلبها تقفل اسبوع الا العالميه منها ماك وبيتزا هوت وكنتاكي وماشابه
والمدينه يكون لها طعم مختلف جدا

رأس السنه
تكون فيها حركه زايده شوي من الاجانب والعرب الاسعار الاكيد تزيد بكل مايخص السكن والسهر والتسوق
مع انه المعلن غير ذلك تلاقي كل الناس حاطه تخفيضات لكنها مجرد حبر على ورق
اي مكان تفكر تروحه يقولك لازم حجز مسبق لانه فل وحتى لو مافيه احد وفاضي لكن لازم يسوو فيها وانا اكره هالحركات
الجو يكون برد وامطار ورغم ذلك المدينه تكون مليانه

يوم المولد النبوي

ماشاء الله اصوات المساجد تشرح الصدر كلها مزينه بالانوار وزحمه والناس تاخذ لها العشاء الكسكسي
وفي عوايل تسوي يومها تجمعات عشاء ومديح في خير الخلق
وهذا اليوم كل اماكن السهر تكون مغلقه واماكن بيع الخمر


يوم عاشوراء

المدينه تعرف حركه خاصه بالاسواق الشعبيه الكل يتجه لشراء الالعاب للاطفال وكذلك الفاكيه كما نسميها وهي (( القرقيعان )) ويقام عشاء ليلتها وتقريبا يكون موحد وهو الدجاج البلدي او الكسكسي بذيل الخروف(( لاحد يستغرب ))
ومن العادات كذلك قص الشعر ولبس شيئ جديد والتكحل

يوم الفالنتاين

الاغلب لابس احمر بشكل ملحوظ خاصه الحريم ههههه زحمه عجيبه بمحلات الشوكلاط وسوق الورود وغلاء ملحوظ
وزحمه بمحلات السهر ومبالغه بالاسعار ليلتها مع انه مافيه شي جديد غير بعض النفيخات والزينه



عطله الصيف

بكل اختصار زززززززززحمه وغلاء ملحوظ بكل شي والمشوار اللي تروح له في خمس دقايق ياخذ منك ساعه

الله الله ع هيك مود يااسلام ،
لها رونق ومود خاص طنجه حقيقه ،
موضوع وفكره جميله جداااا، والصراحه مجهوداااتك جداااا جميله مااقصرتي في اي شي وضحتي كل شي بتفصيل ،الف الف شكر ، ويستحق التثبيت بكل جداره ،
لاهنتي مزاجيه وتسلمين وانا اشهد انتس اجوديه بس يبغالتس من يعرفلتس، لاهبال ولاشين هههه،
جعلتس انتي ومن سكن طنجه للسعاده والفرح دوم ،،لاكن كلمة " مير " من علمتس اياها امانه هههه والله يالهجتس تقل احاكي وحده من ربعنا يازينها عليتس خص نص يوم قالت العوض ولاالقطيعه ههههه
مجرد مزح ياخوتس

لاهنت يابعدي ونورتني
وجعلك ووالديك الجنه ولاتستغرب من شي الدنيا كفيله انها تعلم كل شي

كفيتي و وفيتي
الله يزوجك

أبدآع يتبعه أبدآع ,,,, أستمري يالأميرهـ ,,,, ^_^

مزاجية الله يعطيك الصحه

__________________
كلآم الناس بالنسبة لي ،، مكآلمة لم يتم الرد عليهآ ..!!!

طنجة ️

جميل ماكتبتي ... تقريبا مرجع لطنجه بكل مافيها .. بنهارها وليلاها .. اسواقها وسهرهاا .. بمطاعمها .. بسكنهاا .. شكرا لك

شكرا لتواجد

اي و الله نعومه في نطقها و بحة صوت و اذبحني يا شيخ