مسافر على طنجة وعندك استفسار تعال هنا

تجربه جميله لاتحرم نفسك منها بطنجه

جربها وردلي خبر في يوم تصحى من نومك متاخر شوي تاخذ شاور وتصحصح وتخلي شغالتك تجهزلك الغذاء او وتنزل تتغذى بأي مطعم وتروق وتحتار بعدها وين تروح؟؟
انا اقولك لاتفكر تاخذ تاكسي او تركب سيارتك لا غير هالمره واكسر روتين كسلك وخذها مشي واتجه نحول البولفار الشارع الرئيسي وقلب طنجه النابض بالحياه اللي فيه مجموعه مقاهي رجاليه نادرا تلاقي حرمه جالسه فيه ولو صادفت ولقيت بتكون اجنبيه لان عيب عند اهالي طنجه الجلوس في هاذي المقاهي بالذات اختر وحده من هاذي المقاهي انت وذوقك واطلب براد أتاي معشب او قهوتك حسب عاداتك اجلس برا على الشارع بعد الغذاء واستمتع بالماره راح تشوف وتعيش حكايات غريبه وتحس بمتعة تجربه جديده عليك اللي ماشي يتكلم بجواله ومعصب وناسي من حوله واللي ماشيه هي وصديقتها ويحشون في البنت اللي ماشيه قدامهم انها دبه ولبسها مو موناسبها وان لو شعرها ماهوب عالموضه او ان حجابها مو مناسب لبسها وممكن يمر من جنبك زوجين متهاوشين وصوتهم عالي في اللوم والعتاب وممكن يمر جنبك اثنين عشاق يتبادلون كلمات الاغاني ويحاول الولد يلمس يدها وهي تسحبها وعيونها كلها خجل ويمكن يمر جنبك انسان ملتحي وريحه البخور او العطور تفوح منه ووجهه كله نور وقبول والاكيد طبعا انه راح يمر جنبك شحاذ يدور رزقه وراح يشوف سكسوكتك المضبطه ولونك الحنطي المائل الا السمار الجميل وراح يعرف انك خليجي وراح ينشبلك بتقوله امش وبيشوفه النادل ويجي يمشيه وبعد شوي يجيك واحد يطلب منك انه يمسح جزمتك وانت بكرامه لاتفوت التجربه وتقوله ماابي
ساعده بكم من درهم طالما جالس يشتغل بعرق جبينه واستمتع بحكاياته المعقوله وللا معقوله عن طنجه وهو يمسح ولاتستغرب لو قالك انه هيرقل يصير ولد عمه ومتقهوي معه ترى عادي جدا
راح تمر الساعاات بك وانت ماحسيت فيها
اكيد راح تقول عني فاضيه او استهبل او خبله صح ؟؟

انت مسافر ولاعندك جدول ولو جربت ماانت خسران شي اذا نجحت التجربه معك قولي الله يسعدك يامزاجيه واذا ماجازتلك لاتكررها وانت راجع سكنك طبعا بتاكسي او سياره لانك راح تكون طفشان وحاسس انك ضيعت وقتك عالفاضي وتفكر تدعي علي صح ؟؟ طيب قول الله يزوجك يامزاجيه لاني اذا تزوجت ربك راح يفكك من افكاري الخنفشاريه امممم طيب ليه تبسمت وقلت الله يرجك ؟؟؟

عموما هذا المطلوب ان طنجه تخليك تبتسم حتى لو فخيالك بمابالك لو صارت واقع


اهلا وسهلا بيك بطنجه يالمزعوط نورتها وشرفتها

هههههههههه احلا كلام انكتب عنك يا طنجة

هههههه الله يزوجك الرجل الصالح
إن شاء الله بزور هالشارع البولفار

اتفق معاك

صار لي 18 سنة وما بسافر الا لحالي،
واذا شنطتي كبيرة صارت 8 كيلو و الكتف بعد ،، انزل المطار مو مخطط في أي فندق بنام، امشي وربك الحافظ ثم ادخل موقع Airbnb واذا انا تعبان حجزت الاقرب من موقعي وارتاح ومن اصبح افلح.

ثم من بدري انزل وسط البلد علشان انا مسافر للبلد هذا اشوف شعبه وثقافته وحياته الطبيعية..

وينتهي يومي متعرف على 4 او 5 اصدقاء جدد :)

اما الحياة الليلية واكون مغيّب عن الشعب نفسه والاصدقاء الصدقيين مو بتوع الليل ونقطني وبدي هيك ووو، معناته اجلس في بلدي واجيب كل شي بالشاليه وكافي تعب

انتا مسافر لبلد ـ معناته لازمك تعيش نفس عيشة اهل البلد..
بتروح لاس فيغاس, انصحك تلعب ههههههههه
بتروح المغرب لازمك تعيش عيشة اهل المغرب الاصليين وتجلس معهم في مجالسهم وتعيش معزز مكرم,,

كثير حكو لي عن النصب والاحتيال والمغاربة السيئين..!

صدقني هذول ما بتحصلهم الا في اوكار معينه, وقريب لأماكن انت اصلا لما تروح لها تحمل ما يجيك، سواء بالمغرب او لاس فيغاس.

لي اصدقاء وصديقات كثار هناك واقلهم مستوى خريج ماستر ونطلع نتمشى سواء ولا شفنا المشاكل ولا تعرض لنا لا درك ولا غيره,.. فقط الكل محترم نفسه,, البنت محتشمه واحنا ملتزمين بالقانون والذوق العام..



لك التحية

فيه ناس يكون قليل الكلام وغير مبادر بالتعارف
وضعه صعب مع الغرباء

يا سلام عليك يا بوضاري عز الله من تجي الديره نام مع الشعب وقوم معاهم وتعرف الديره واهلها عدل اما تعيش دور الخفاش بتاكل هوا وراسك يفتر