راجع من الروز قاردن قبل كم يوم

موجود معلن بالمنتدى تلاقيه بقسم العروض السياحية...دمت بود

ابكفي ابو فهيد خدمة بعد اذنه

عندك طال عمرك المنتجعات وعندك الفيلل الخاصه سواء على طريق الدار البيضاء او فاس او اوريك او غيرها داخل المدينة او خارجها اللي اعتبرها أفضل الخيارات بالنسبة للسكن في مراكش وعندك الشقق في جليز بالهبل مثل قولة اخواننا المصريين على قفى من يشيل

بالنسبة للمنتجعات اللي تحضرني الان سجل عندك الدرقاوي وجنة الاطلس ومنوار النخيل وابراج النخيل والزيتون والمعدن وبرستيجيا وغيرها وكل منها يمتاز بجو معين بالنسبة لي اشوف ان أفضلها منوار النخيل بالدرجه الاولى وبعده جنة الاطلس وقد يتفق معي الكثير على ذلك ..


اما بالنسبة لطريقة الاستئجار في الغالب تكون عن طريق المالك مباشرة او عن طريق احدى وكالات السياحة والسفر التي توفر المنتج وكذلك عن طريق السماسرة الثقات المتواجدون في المنتدى وهم كثر

تحياتي

__________________

انا اشهد انك ما قصرت يا مزعوط
واغلب اللي ذكرته افضل وارخص من الروز ، وتعيش فيها بعزتك وكرامتك وراحتك ،

لكن ربعنا الله يهديهم مسحورين بالروز ومضحوك عليهم بسالفة الامان

المفروض الواحد اذا استأجر شي سواء بالروز او غيره يدخل ويشوف المكان ويدقق علي كل شي واذا شاف شي يبلغهم فيه ومو شخص واحد اكثر من شخص لانه هالامور تحصل بالروز واغلب اماكن السكن مثل النخيل وغيره

عليك نور اخوي وهذا المفروض والواجب على اي احد يستأجر...لأن زي ماتعرف الناس ماهم سوا وفي ناس تجي تكسر وتخرب والعينات ذي هي اللي عطت انطباع سيء عن السعوديين عندهم مع انه غلط واكبر غلط ان الواحد يعمم بسبب حالات فردية او خاصة على شعب كامل!!!

حمدلله على السلامة اولا...
ثانيا... انا أتذكر دخلت الروز عشان اشوفها وأخذ فيلا فيها لكن من دخلت جهة المسبح وقلت الروز شطب عليه. دخلت الفيلا لقيت الاثاث والأرضية متهالكة. تقدر تقول الروز راحت أيامه بسبب نقص الجودة وسوء خدمة العملاء.

__________________

الله يسلمك....انا اتوقع الكلام هذا قبل كم شهر اخوي بس الحين في تحسن صراحة يعني الاثاث مجدد مو الاول طبعا اتكلم عن الفله اللي عطوني والحمامات الله يكرمكم صارت انظف ومجدده بعد.... وجهة المسبح صارت منظمة احسن من اول وكل يوم العصر قرابة المغرب كذا يكون فيه مطرب جهة المسبح واجواء حلوه الين الليل...كل شي فيهم زين بس لو ابو ادم يركز شوي على الناس اللي موظفهم ويوصيهم شوي على العملاء بيصير الروز ماله منافس!!

الحمدلله على السلامة
و هذي والله مشكلة اذا انك قبل لا تاخذ الفلة لازم تشيك عليها لانك مهما كنت حريص ما راح تقدر تلاحظ كل شي شي يعني لو النية مبيته راح يلاقو لك مصيبة يلزقوها فيك يا الكنبة محروقة يا كاس مفقود يا صحن مكسور يعني بالنهاية زي ما قلت دافع دافع و من رأيي لو توصل الموضوع لابو ادم عشان ما يتكرر مثل هذا الموضوع

__________________
لا تأسـفن لغـدر الـزمان لـطالمـا
رقـصـت عـلـى جـثـث الأســود كـلاب
لا تحسبن الكلاب تعلو برقصها
تظل الأسود أسود و الكلاب كلاب

الله يسلمك...اتفق معك اخي لأن اصلا وانت جاي من السفر وتعبان والفله اغلب الاثاث فيه حروق وعيوب يعني اتوقع ان مافي فكه راح يتهموك بأي شي....وبخصوص ابو ادم انا ادري ان عنده علم بالأمور ذي من مشاكل حصلت للأعضاءسابقاً وكنت مطلع عليها بالمنتدى.... وكل شي صار في المنتجع افضل بس سالفة الاتهام هذي هي المصيبه...وادري اني لو كلمته راح يعتذر عن اللي حصل وادري ان حجزي مسجل بالمنتدى ولو رفعت شكوى ماراح استفيد شي لاني انا كنت غلطان بالتوقيع على الورقة بدون ماشيك...انا احترم النظام واعرف اللي لي واللي علي وفاهم بالقانون ولو اني مشيك ومسجل كل شي مستحيل كان خليت شي زي كذا يعدي بالسهولة وكما سبق لو اوصلها للسفارة ماعندي مشكلة ولكن زي ماقلت الواحد يتعلم من اخطاءه...واذا وجدنا بأن مثل هذه الامور مستمره بدائل الروز كثير ولكن مايخجلك ويخليك تفكر الف مره هي اخلاق الأخ أبو ادم العالية وبعض من من يعملون هناك فقط!!!

حمدلله ع السلامه ومعوض خير '' وبالنسبه للروز انا ما افضله ونظرا لسمعته وجودته من ناحية الأثاث. والعاملين عليها. وكذلك بعد المنتجع عن سنتر المدينة. وسلامتكم