راجع من الروز قاردن قبل كم يوم

ماحد له جميل عليك دراهمك هي راعية الجميل
عموما حمدالله ع السلامه

اي جمايل تتكلم عنها !

سكنك ببلاش ؟

ما ذبحنا الاطيبتنا الزايدة وليتها مع اللي يستاهلون .

انا قبل يومين جيت من المغرب وكنت ساكن بالروز قاردن ولما جيت اخرج اتهموني بكسر الرف الجبسي اللي تحت الشاشه وقالو انه فيه منشفه ناقصه مع العلم اني ما استعملت مناشفهم ابد وهاذي عاده لي بالسفر اجيب اغراضي الشخصيه معاي والرف والله انه كان مسكور من يوم اخذت الفله بس هم الله يكافيهم يسحبون جوازك ولما تجي تخرج يبتزونك علشان عارفين ما انت فاضي لهم وراك رحله وطلبو مني مبلغ ١٥٠٠ درهم لما اتصلت على ابو ادم نزلها لي الى ١٠٠٠ على اساس انه تجمل معي .... انصحكم اللي يبي يسكن عندهم لازم يشيك معاهم على كل حاجه عشان ما يتعرض لشي مقل هذا ويبعصون جوه ... والله يوفق الجميع

الله يسلمك اخوي...وانا استغربت الحركة لاني كنت عندهم قبل 8 شهور وماصار شي واللي كان مسوي لي تشك اوت عبد الرحيم لكن المره ذي خالد كان تعامله نوعاً ما شوي فيه استهتار واستفزاز وحتى يوم قلت له اكلم ابو ادم قال مايسوى تكلمه عشان كذا وخلاص كتبنا الفاتوره يعني حسيته ارتبك اما الهاوس كيبنق كما سبق وقلت كانوا يقولون كلمه براااحتك بتدفع...وانا والله من تعاملي مع الأخ ابو ادم حسيته شخص محترم ومايقصر بشي ابد لكن المصيبه في الموظفين اللي عنده مو كلهم بس اغلبهم وفي شي سمعته ان ابو ادم يوثق فيهم ويصدقهم بكل شي يقولونه ويعتبر العميل على غلط هذا واحد قايل لي الكلام ذا لكن ماقدر احكم عليه لاني ماكلمته بوقت المشكله والله اعلم!!! وحسب تعاملاتي معه ماجاني منه الا كل خير صراحة!!!!

مع احترامي لك احس انك بالغت شوي اخوي يعني على اي اساس اتهمتهم بأنهم نصابين كلهم لاتاخذ الناس في ذمتك انا ماجاني منهم الا كل خير بس السالفة ذي اللي حصلت وكان جزء من الغلط مني.. وعشان كذا ماقدرت اكلمهم لأني ماشيكت قبل استلم الفله ووقعت على الورقة من باب الثقة وهذا غلطي ولا لو اني مشيك كان وصلت الموضوع للسفارة وانا فاهم الانظمة والقوانين وكل شي بس مانقول الا معوضين خير والواحد يحرص دايمن ولا يخون

عليك نور اخوي وهذا المفروض والواجب على اي احد يستأجر...لأن زي ماتعرف الناس ماهم سوا وفي ناس تجي تكسر وتخرب والعينات ذي هي اللي عطت انطباع سيء عن السعوديين عندهم مع انه غلط واكبر غلط ان الواحد يعمم بسبب حالات فردية او خاصة على شعب كامل!!!

الله يسلمك....انا اتوقع الكلام هذا قبل كم شهر اخوي بس الحين في تحسن صراحة يعني الاثاث مجدد مو الاول طبعا اتكلم عن الفله اللي عطوني والحمامات الله يكرمكم صارت انظف ومجدده بعد.... وجهة المسبح صارت منظمة احسن من اول وكل يوم العصر قرابة المغرب كذا يكون فيه مطرب جهة المسبح واجواء حلوه الين الليل...كل شي فيهم زين بس لو ابو ادم يركز شوي على الناس اللي موظفهم ويوصيهم شوي على العملاء بيصير الروز ماله منافس!!

عادي مب انت لحالك انا سكنته اكثر من مرة ولازم وانا طالع يطلعون لك عذر وخذلك 1200

جعلها نار في بطونهم هذا غير التلاعب باسعار السائقين

الله يسلمك...اتفق معك اخي لأن اصلا وانت جاي من السفر وتعبان والفله اغلب الاثاث فيه حروق وعيوب يعني اتوقع ان مافي فكه راح يتهموك بأي شي....وبخصوص ابو ادم انا ادري ان عنده علم بالأمور ذي من مشاكل حصلت للأعضاءسابقاً وكنت مطلع عليها بالمنتدى.... وكل شي صار في المنتجع افضل بس سالفة الاتهام هذي هي المصيبه...وادري اني لو كلمته راح يعتذر عن اللي حصل وادري ان حجزي مسجل بالمنتدى ولو رفعت شكوى ماراح استفيد شي لاني انا كنت غلطان بالتوقيع على الورقة بدون ماشيك...انا احترم النظام واعرف اللي لي واللي علي وفاهم بالقانون ولو اني مشيك ومسجل كل شي مستحيل كان خليت شي زي كذا يعدي بالسهولة وكما سبق لو اوصلها للسفارة ماعندي مشكلة ولكن زي ماقلت الواحد يتعلم من اخطاءه...واذا وجدنا بأن مثل هذه الامور مستمره بدائل الروز كثير ولكن مايخجلك ويخليك تفكر الف مره هي اخلاق الأخ أبو ادم العالية وبعض من من يعملون هناك فقط!!!

الله يسلمك...وبخصوص الروز كل شي فيه زين وقاعد اشوفه يتطور بس زي ماقلنا من قبل لو ابو ادم يشد اللي موظفين عنده شوي بس بيصير الروز مالها منافس...اما بقية الامور اللي ذكرتها انا اشوف انها ماتعيب المكان وتبقى وجهة نظر لاتفسد للود قضية!!!