تجارب الاعضاء في المغرب اكتب تجربتك سواء سكن من فنادق , منتجعات , شقق ..ومواصلات كشركات تاجير سيارات..خطوط طيران

تحذير من السمسار عبد السلام في طنجه

ROME · 2016-12-14T08:09:33+00:00

السلام عليكم اخواني المزاعيط امس وصلت من المغرب الى وطني الحبيب واااااااااااه يالمغرب ماني مصدق اني رجعت كانت رحله 15 يوم من اجمل الرحلات في حياتي طبعا مو معقوله تروح المغرب وماتزور طنجه الحبيبه الجو روعه والناس حلوه وكلشي يحممممممممق حبيت انوه كان السكن في فندق سيزار وكانت امورنا حلوه وجميله لاكن اصر احد زملاء الرحله اننا نسكن في فله بسراحه كنا مرتاحين في الفندق امان ومافيه وجع راس لاكن صاحبنا اصر يجرب فلل طنجه توكلنا على الله وكلمنا سمسار واخذنا وشفنا الفله كانت روعه دفعنا العربون وهو اجار يوم واحد قال من بكرا الظهر تسكنون فيها. المهم جاء بكره ودقينا عليه ووصل عند الفندق ومشينا وراه بدت نظرات الاستغراب من الزملاء لان الفله كانت قريبه من الفندق والمكان الي اخذنا السمسار كان بعيد من جهة اشقار ؟؟؟ قلنا الحق الكذاب الى باب الدار. وصلنا فله ثانه مالها دخل في الاولى ؟؟؟؟ فله قديمه مايسكن فيها المجنون دخلنا نشوف حصلنا شباب من الامارات سالناهم عن الفله قالو جلسنا 3 ايام ما ارتحنا بنطلع اماكن ثانيه. كلمت السمسار قلت امس شفنا فله ثانيه واليوم جايبنا هنا تسهبل انت قال هذيك الفله الشباب الي فيها مددو 4 ايام زياده طبعنا كذاب كالعاده. قال هذي الفله لكم سوو فيها الى تبون بعيده عن الناس والانظار صاحبنا اصر ياخذها لو يومين انا ما ارتحت للشغالات اشكالهم تروع جدا. توكلنا على الله واخذناها 3 ايام. انا على طول رحت للبنك الشعبي واخذت ماستر كارد وحطيت كل الكاش الي معي في الماستر كارد لاني حسيت بخيانه .اصحابي مارضوا يسوون مثل ماسويت. المهم كانت 3 ايام حلوه اخر يوم كلمتنا الشغاله قالت متى تطلعون قلنا بكرا الصباح قالت صافي. طلعنا نتمشى ورجعنا للفله المغرب كانت الفله فيها ريحه خايبه مره سالناها ايش الريحه هذي قالت بخور معطر عشان المطر دخل جوا ويسبب ريحه خايبه ؟؟؟ المهم كنا تعبانين تعشينا وجلسنا نشرب اتاي ونسولف فجاءه حسينا بخمول غريب قلنا نطلع ننام شوي. كل واحد على غرفته طلع نام ماصحينا الا من بكرا الصباح ماندري عن انفسنا. جمعنا اغراضنا وركبنا السياره ماشين الى الناظور وشفشاون والرباط. كلمت الشباب يشيكون على اغراضهم قالو كل شي تمام طلعنا على الناظور وشفشاون وفي طريقنا الى الرباط فتح واحد من الشباب محفظته قال ياشباب انا مسروق منى حدود الف ريال سعودي والثاني خاف وفتح محفظته قال انا بعد الف وخمسمية ريال هههههههههههه قلت لهم ماقلتلكم شيكو على اغراضكم قالو والله ماقدرنا نفتح المحفظه في البيت كل ماجينا نفتها يردنا شي ماندري وشو وحاولنا نفتحها اول ماطلعنا منهم بالسياره ماقدرنا في شي غريب يردنا ومعمي على ابصارنا هههههههههه انا مامعي كاش ابد وكانت الشغاله تناظرني وتحتاول تاخذ انا مني اكراميه اكثر من اصحابي وقفنا ورجعت افتش اغراضي لقيتها سارقه الكونكت حق الانترنت حقي هههههههههههه لاحول لله كلمناها مقفل جوالها كلمنا السمسار الخايب قال انا مالي شغل تحذير كل التحذير من (السمسار عبد السلام) الفله قريبه من كارفور والخادمات اساميهم امينه ورشيده. رشيده كانت جاسه على الدرج قبل نمشي وتتكلم مع نفسها ووجها احمر استغربت منها. بس يالله كل دقه بتعليمه والحمد لله ان فلوسي كانت في بطاقه البنك الشعبي الحبيب كانت حاس والله حبيت احذر كل المزاعيط من التعامل مع السمسار عبد السلام والخادمتين امينه ورشيده حسبي الله عليهم

abomhnad

مزعوط مميز

المشاركات: 284

تاريخ التسجيل: Sep 2015

2017-07-30, 10:01 PM

المشاركه #1

اقتباس:

المشاركة الأصلية كتبت بواسطة sbahman

وين هذا بنك ميم اول مره اسمع فيه ؟

بنك له فروع في جده والرياض
وهو بنك جديد في عمله لايوجد بها صرافين التعامل يكون اكتروني
البنك مفتوح الى الساعه الثانيه عشر ليلا البنك لايتعامل بالاوراق كل شيء يتم اكتروني

https://www.linkedin.com/pulse/خمسة-...med-almodhayan

مزعوطNEW

مزعوط جديد

المشاركات: 22

تاريخ التسجيل: Mar 2016

2017-10-13, 10:52 PM

المشاركه #2

اقتباس:

المشاركة الأصلية كتبت بواسطة abomhnad

ياكثر اوراقهم خصوصا لافتحت الحساب ولاجيت تحدث أجبروني على العنوان الوطني

الكلمات الدلالية (Tags)

طنجه

« الموضوع السابق | الموضوع التالي »

الذين يشاهدون محتوى الموضوع الآن : 1 ( الأعضاء 0 والزوار 1)

الانتقال السريع

المواضيع المتشابهه للموضوع: تحذير من السمسار عبد السلام في طنجه
الموضوع	آخر مشاركة
تحذير من السمسار امين ضروري	2022-06-08 08:30 AM
تحذير من السمسار عزالدين حي في اكادير	2016-09-26 09:12 PM
تحذير من سمسار في طنجه يدعى (ابو ادم)	2015-03-05 06:26 PM
تحذير من السمسار هاشم بكازا!	2012-05-02 03:26 PM

الساعة الآن 03:29 PM

عروض وحجز الفلل و الشقق

السيارات شركات تأجير السيارات

تقارير سياحية

الاستفسارات سؤال و جواب

تحذير من السمسار عبد السلام في طنجه

روابط سريعه