محتار وين اطلع واخترت المغرب لأول مره وما نستغني عن نصائح الخبراء .

المشاركة الأصلية كتبت بواسطة mak90

المدة قصيرة جداً على المغرب ولو تطلع لندن بالمدة هذي افضل لك صراحة! والفيزا تبع بريطانيا ماتاخذ لها اسبوع من وقت تسليم الاوراق....لكن اذا انت مصمم على المغرب انصحك تروح طنجة صغيرة ورايقة وهادية وفيها كل اللي تبغاه وايضا سمعت ان اغادير صغيرة وحلوة وتنفع للوحداني واللي طالع استجمام بس مارحت لها....وخذ هذا نظام مبسط يمكن يفيدك...اذا وصلت بالسلامة ان شاء الله يا تاخذ القطار من مطار كازا الى محطة كازا المسافرون وتغير القطار من هناك وتاخذ القطار اللي رايح لطنجة ولاتنسى تاخذ تذكرة درجة اولى وتخلص قيمة التذكرة كاملة من المطار لطنجة او انك تأجر سيارة من المعلنين في المنتدى هنا وانا ماقد جربت التعامل معهم لكن الاخوان يمدحون البعض منهم وانا من وجهة نظري لو بتأجر سيارة خذ من الشركات المعروفة والعالمية بدجت والشركات ذي لان التأمين عندهم يكون شامل حسب ماسمعت و صح ان سعرهم زايد شوي بس راحة بال وتحجز عن طريق النت غير ان سياراتهم نظيفة.....وتمسك الطريق الى طنجة وانصحك سافر بالنهاااار يعني لو وصلت الليل لكازا خذ لك هوتيل جنب المطار بالنويصرة وريح وسافر الصباح تستمتع بالمناظر وامان بعد الله ولا اوصيك بالتقيد بالسرعة المحددة للطريق وتربط الحزام دايم وتتبع تعليمات القيادة هناك واذا مريت من تفتيش اول لوحة تجيك اربعين بعدها تجيك لوحة مكتوب قف لازم التوقف التام الين يأشر لك ويقولك عدي...واذا وصلت طنجة بالسلامة ان شاء الله روح جهة الكورنيش محمد السادس ودور لك شقة عالبحر عن طريق العساس (حارس العمارة) وبتلاقي كثيييير غرفة وحدة وصالة وعالبحر ب 400 درهم تقريباً لليوم ولا اسكن بالهلتون غرفة شامل الافطار ب 700 درهم وانبسط وتمشى وروح المولات وطبعا هي مولين مشهورة اللي هي طنجة مول ويكون جنب الهلتون على طول ملصق فيه وسوكو الطو اللي فيه كارفور....ولايفوتك مطاعم الشوي اللي بجزنايه اكتبها بقوقل ماب بالعربي تطلع لك... ومطاعم البحريات هناك روعة عالكورنيش وفي مطعم سمك خلف سكاي لونج من جهة مدخل الفندق رهيب واسعاره حلوه مطعم فرنسي مقابل مطعم اسطنبول....وروح تمشى في مرشان ومنطقة اشقار وفيها يقع منتزه الرميلات جميل ومطل على البحر والبوليفارد يصلح للتسوق فيه حاجات رخيصة ومنتجات محلية والمدينة القديمة بس وانت رايح لها خل يدك على مخابيك هههه هناك يسرقون الكحل من العين بدون ماتحس...وعندك مغارة هرقل جميلة جداً...والحمامات انصحك تروح حمام شعبي واسأل اي واحد هناك وراح يدلك 50 درهم للكسال و20 دخول الحمام تقريباً يعني الشغلة كاملة بالليفة والكسال بتكلفك من 80 درهم ل 100 درهم ويسلخون جلدك سلخ يطلعونك تلق هههههههه اما حمامات الفنادق وال 5 نجوم خذها مني مصخرررره وضحك على الدقون....هذا اللي يحضرني الأن واذا وصلت طنجة واحتجت اي معلومة عن طنجة او مراكش لايردك الا الخاص وابشر بالسعد....رحلة موفقة و سعيدة مقدماً

المشاركة الأصلية كتبت بواسطة hello again

المشاركة الأصلية كتبت بواسطة mak90

الله يسعدك اخوي على التعليق الرائع وهذه ايضاً قبلة على جبينك لأخلاقك العالية وطيب اصلك...دمت بود واي خدمة بطنجة انا حاضر وتحت امرك وامر الاعضاء جميعاً