استفسار عن فتح حساب بنكي

المشاركة الأصلية كتبت بواسطة mak90

انا استفسرت في البنك الشعبي وفي وفا بنك اذا بتفتح حساب عادي بيكون عليه رسوم شهرية وانت ملزم بها لانك موقع عقد سنتين واذا جيت بتقفل الحساب لازم تعطيهم حق السنتين كاملة اللي هي الرسوم الشهرية لأنه يعتبر فسخ عقد وهذا شرط جزائي....لكن ليه تفتح حساب وفي عندك بوفا كاش بطاقة فلوسي من غير فتح حساب ولا وجع راس وشغالة معك لمدة سنتين واول ماتوصل مطار كازا بتلاقي وفا كاش هناك افتح الحساب وحط دراهمك فيه ويعطونك البطاقة بنفس الوقت واشتر راحة بالك والسحب من اي صراف وفا بنك مجاني وياكثرها بكل مكان ومن غير وفا بنك ب 6 درهم رسوم للعملية وعندك حد يومي للسحب 6 الاف درهم واذا بتدفع في نقاط البيع يعني شبكة مسموح بدون حد.....احيان بعض المكاين تقولك حد السحب 4 الاف درهم انت اسحب 4 الاف وارجع اعمل عملية ثانية ب 2000 درهم وراح تمشي معك....وطبعاً رسوم البطاقة 99 درهم تدفع مرة واحدة وبيكون هناك رسوم ايداع يمكن 20 درهم او 10 درهم ماني متذكر يعني السالفة كلها بتكلفك حول ال 120 درهم تقريباً وتشتري راحة بالك

المشاركة الأصلية كتبت بواسطة Almosafer123

فيه نقطه مهمه عن حساب فلوسي لو ضيعت البطاقه لازم ترجع لنفس الفرع اللي فتحت فيه الحساب عشان تطلع بدل فاقد افظل شي تطلعها من المكان اللي بتكون مستقر فيه