أول زيارة لك في المغرب .. شاركنا

alfaisal1990 · 2017-01-08T23:57:40+00:00

السلام عليكم ورحمة الله وبركاتة اولاً / أقدم شكري للمنتدى اللي استفدت منه قبل ما اسجل فيه ولغاية الآن أستفيد من معلوماته.. ثانياً / الكل منا يذكر أول زيارة له للمغرب والأحداث والأيام الجميلة والمواقف المضحكة اللي صعب تروح من الذاكرة.. ما حبيت يكون الموضوع بقسم تقارير الاعضاء لأنه تنشيط للذاكرة والذكريات بدون الطابع المعلوماتي ، مجرد (ذكريات حلوه) ولا ضير من كسب معلومات سطحية وشغلات تعلمناها من المواقف السيئة وبردود الأفعال اللي ماتخلى من العفوية. أبدا بنفسي: أول زيارة لي كانت من دبي إلى كازا قبل ٤ سنوات كانت دايركت والوجهة كانت اكادير بشهر فبراير اذا ماخاب ظني وكنت متفق مع بعض الاصدقاء اللي سبقوني على الديرة برحلة بالشهر اللي بعده على اساس يكون عندي اجازه لكن حدوني وخلوني اخذ اعذار واهية بالدوام :) وحصل اللي حصل وكنت مستعجل بحيث انهم سافروا قبلي بيوم من الكويت ورتبت اموري وطرت باليوم اللي بعده من دبي وماكان عندي أيّ معلومة تُذكر بس الكلام اللي انتوا عارفينة عن المغرب وعن "جمالها" المهم اني وصلت مطار كازا وكنت محول الدرهم من مطار دبي< اول غلطة وعدت كتابة ورقة الجمارك وصار نقاش حاد مع رجل الامن بحيث انه يبحث عن ازعاجي بأي طريقة "وماكنت عارف موضوع دهنة السير" < ثاني غلطة المهم اني عديت منها ونزلت وتأخرت الشنطة كالعادة، واخذتها والنفسية كانت صفر للامانه وطلعت وماخذت خط< ثالث غلطة كنت مشغل التجوال .. المهم اول ماطلعت من باب المطار وكان الهوى جميل ورذاذ خفيف ، تبدلت النفسية (وللعلم هذي اجمل لحظة لي بكل سفرة للمغرب اول ماطلع من باب المطار) طلعت وماكنت منسق مع اي احد انه يوصلني اكادير فـ سحبت الشنطه عن لاين التكاسي وصار في اختلاف بالسعر واخذت الطاكسي بسعر مبالغ فيه شوي لكن على قولتهم العين ميزان، اخترت رجل كبير بالسن حتى ماكانت الاولويه له بالدور، كان هدفي منها عدم السرعة وعشان يرتاح بالي لاني ماني من النوع اللي ينام بالطيارة ، ف كنت بغفي شوي وعند اول محطة وقفت وركبت ورا وغطيت وماقمت الا والبحيرة على يساري زانت النفسية اكثر واكثر ووصلت اكادير وضيّع طكسينا الفندق < صحارى وقمنا نسأل ووصلنا الوجهه والشباب ناطريني عند الباب وعملت شيك ان وكانت في نظرات استغراب ولهفة بنفس الوقت وناطر الليل يجي :) صعدت واخذت شاور ورتبت اغراضي ونزلت وطلعوني الشباب واول اكلة كانت برقر السلام.. وتمشينا على المرينا شوي ورحعنا ونزلنا الخيمه وكان وضعي مثل "الطفل في محل الألعاب اللي يبي كل شي" والشباب يضحكون علي ويقولون اصبر تو الناس [emoji23] وسهرنا بالعنبره وبعدها ديسكو صحارى ، وكان جمال السفرة مضاف علية صديقة واحد من الشباب بحيث كانت كل يوم مسويه لنا روتين مره نطلع بينت بول ومره نروح نلعب بولينق ومره نروح بول بارتي ومره نروح مطاعم او مقاهي شعبيه وإلخ.. المهم انها كانت احلى ١٢ يوم وطبعا كالمعتاد ماودك ترجع لكن يحدك الدوام على الضيق [emoji8] واول شغلة ضايقتني اللي هي ماكان عندي عناية باخيار وقت الطياره خصوصا العوده ، حيث انها لازم تكون بالليل عشان تكون مصحصح ومرتاح ويمديك تروح المطار من اي ديرة بالمغرب وهذي من الشغلا اللي اركز عليها بالوقت الحالي.. وبضيف امر او تساؤل ، مدري هو شي انا احسه او الكل يشاركني اول مره جيت مراكش بعد ٥ سفرات الى اكادير كأني اول مره اجي المغرب وشعور جميل جديد نفس الاول؟ تحس انها مغرب داخل المغرب [emoji8] أسف على الاطالة وشكراً لكل المزاعيط اللي ساهموا بكمية المعلومات..

فيتا

مزعوط خبير

المشاركات: 3,396

تاريخ التسجيل: Aug 2015

2017-01-21, 03:48 PM

المشاركه #1

اقتباس:

المشاركة الأصلية كتبت بواسطة أحمد الشمالي

كلام جميل

رجعتني لذكريات جميلة
النهايات تشبة البدايات في المغرب
تدخلها مشتاق وتطلع مشتاق
تحيتي لك

عجبتني تدخلها مشتاق وتطلع مشتاق

« الموضوع السابق | الموضوع التالي »

الذين يشاهدون محتوى الموضوع الآن : 1 ( الأعضاء 0 والزوار 1)

الانتقال السريع

المواضيع المتشابهه للموضوع: أول زيارة لك في المغرب .. شاركنا
الموضوع	آخر مشاركة
زيارة المغرب	2024-04-20 06:41 PM
في ربوع المغرب زيارة 11 مدينة في المغرب	2020-03-25 09:39 PM
هل سبق ان استأجرت سياره في المغرب؟؟ شاركنا تحربتك لتعم الفائده	2017-02-04 11:11 PM
شاركنا ذكرياتك عن المغرب	2015-11-19 03:50 PM

الساعة الآن 12:36 AM

عروض وحجز الفلل و الشقق

السيارات شركات تأجير السيارات

تقارير سياحية

الاستفسارات سؤال و جواب

أول زيارة لك في المغرب .. شاركنا

روابط سريعه