ياناس أحبه واحب اسمع سواليفه

حبه يشتت هموم عايش فيها تراااا رارارا

يا ناس احبه واحب اسمع سواليفه
صوته يشتت هموم عايش فيها
يامر وينهي وانا دايم على كيفه
أرجي ورود الهوى تنبت بأراضيها

لاغاب عني يعيش الفكر مع طيفه
وان صار عندي حياة الحب الاقيها
مسكين قلب ٍشكى غيبة مواليفه
عزي لعله تعذر من يداويها

ظل ظليل ٍعليّ وغصونه مريفه
شمعة زماني عسى الله ما يطفيها
أنسل من نظرته لأهل الهوى سيفه
ويطيح قلبي من غصون ٍنبت فيها

لامن ضحك لي خذت قلبي تواصيفه
ولامن زعل عفت انا الدنيا ومافيها
لجل ان احبه واحب اسمع سواليفه
صوته يشتت هموم عايش ٍفيها

صح لسانك

صح بدنك
الله على زمان الطيبين

صح لسانك