استفسار يا اهل المغرب .

السلام عليكم .
صباح الخير للجميع .
بمشيئة الله بزور المغرب وهذي الزياره الثالثه لي . عندي بعض الاسئله .
* كيف بيكون جو طنجة في منتصف مارس .
* هل تم اعتماد تشغيل خدمة اوبر . واذا كان نعم كم يكلفني المشوار من المطار الين طنجة .
* وهل تنصحوني افتح حساب في احد البنوك حفاظاً على المبلغ من السرقه .

بالنسبة لي اوبر اللي اعرفه في مراكش شغال اما عن التكلفة ماعندي خلفية و الحساب انا انصحك تفتح حساب و تحط فيه فلوسك

مشكور اخوي كنغ طلال على مرورك ومن جد تاخذ من اسمك نصيب .

واشكرك مره اخره على الاجابه على استفساراتي وحبيت اسئلك هل عندك تجربه مع البنوك المغربيه واي بنك تنصحني فيه .

وعليك السلام اخوي

وتوصل بالسلامه


اما اجواء طنجه والله مش عارف وان شاء الله يفيدونك المزاعيط


وايضا كذلك اوبرا لا اعلم


بخصوص التكلفه من المطار الى طنجه

انا انصحك تستاجر سياره وتكون في يدك وين ما تبغي تروح السياره عندك

ولكن ان ظروفك ما تسمح لك تستاجر .. انصحك بالقطار لانه اوفر وافخم واحلى وما فيه اي صدعه راس


اذا فلوسك كثيره .. انصحك تاخذ ربع وتصرفه من المطار .. وبعدين اذا بغيت فلوس رح ATM واسحب من بطاقتك اللي هي تبع دولتك لان الصرافه مرتبطه بالدولار وما اعتقد تفرق


تحياتي : واحد يتمنى قده ف المغرب

اختلف معاك اذا كان من السعودية تفرق كثير البنك بياخذ منه حاجتين على السحبه و التحويل الافضل انه يفتح حساب اول ما يوصل ماياخذ منه دقايق و يحط فيه الفلوس و سحب منه على راحته

اختلافك جميل مثلك ..

البنوك الاماراتيه اذا بتسحب خارج الامارات راح ياخذون 16 ريال سعودي تقريباً على كل سحبه

وانا اخلهم ياخذونها ابرك .. مشوار فتح الحساب وقد يكون على الفتح رسوم وشغله


سهل الامور ..

صدقني حبيبي فتح الحساب من اسهل ما يكون و رسومه ١٠٠ او ١٥٠ درهم والله نسيت و انت واقف تفتح و تسوي ايداع و تمشي و انت مرتاح البال

ياحبي لكم يا عيال زايد على راسي والله .
اخوي بخصوص القطار هل لديك تجربة سابقة تفيدني وتفيد الاخوان .. علما باننا 3 اشخاص وممكن ناخذ الدرجة الاولى لان القطار من خياراتنا .
بخصوص السحب من بطاقتي ترا البنوك عندنا مثل المنشار طالعين ماكلين ونازلين ماكلين .. عند السحب ياخذ عليك عمولة تحويل العلمه وايضا ياخذ عليك عمولة سحب من برا .

انصحك تستاجر سيارة افضل لك
بالنسبه للفلوس حول مبلغ بالمطار سبق وخصصته للسكن والمصاريف
واذا كنت تخشى عليه من السرقه , اصرف وقت الحاجه من الصراف وريح دماغك
بدون ما تحمل مبالغ كبيره معك وتشيل همها واصبر على عمولة السحب البسيطه

موفق

ليش يصبر على عموله الصرف و تنسحب منه و عنده خيار انه يفتح حساب في دقايق يقدر يحط فيها فلوس السفره و يسحب بدون لا عموله ولا اي شيء