#رحلة_الأحلام_الجماعية

التقرير تحت المراجعة وبينزل قريباً

طيب بالانتظار
المشكله اخاف انام وينزلوا الجزئين

يمديك تشوفينه اذا صحيتي ... إعاده .

__________________
لاتسمع كل ما يقال ولا تقول كل ما تسمع.

مساء/صباح الخير

اعتذر لإنشغالي البارحه .. ونكمل يا مزاعيط ويا مزعوطات :

صحيت العصر ، غسلت وجهي و رحت اكلم مريم تزين الفطور ، عاد لا اخفيكم كانت تكرهني لأني اتشرط بالفطور ، المهم حولت على الصاله الا رؤوف جالس بالصاله يتقهوى و وجه يلاطم ملاطم ، يا ولد وش فيك وش صاير .

رؤوف : لك ولا للذيب
أنا : لا والله للذيب
رؤوف : ههههههه افا
أنا : وش العلم
رؤوف : نبي نتلها على اغادير يومين ولا ثلاث
أنا : ابشر بعزك قدام بس نعطي الربع خبر .
رؤوف : لا ارسلهم رساله اصلاً هم ناوين يغيرون الڤيلا الليله بعد ما راحوا ربعنا الكوايته
أنا : اوك خلاص متى تبينا نمشي
رؤوف : افطر و نتوكل على الله



المهم أفطرت و عينت من الله خير .. و اطلع للغرفه اجمع اغراضي و ازهب الشنطه و اصحي هديل ويدور الكلام بيني و بينها و تزعل مدري زعلت من جد ولا الدعوه افلام .

ومن هنا و من هناك قلت لها بجلس يوم و برجع بكره اذا مره بالكثير بعد بكره ، المهم و اجلس معها اسولف إلين ما تهدا الأمور و نطلع سوا الا رؤوف مجهز شنطته .

المهم هي طلعت من هنا ، أنا و رؤوف على أطرف تكسي و إلى محل تأجير سيارات ناخذ لنا سياره ونحاسبه على حق يومين و ندق سلف وعلى اغادير .

طلعنا من مراكش على اغادير ، فللنا بنزين و قضينا كم شغله للطريق و اتكلنا على الله طبعاً
انا اسوق و رؤوف ماسك خط ب السواليف ويغير
ف الاغاني و الاتصالات عنده ما توقف و انا يا غافل لك الله "اخر رساله جاتني قبل لا اوصل مطار الملك عبدالعزيز تم قيد مخالفه مروريه " المهم كنت مدري وش السالفه ف قلت اسأله .


أنا : الحين طالعين اغادير ولا ادري ليش رايحين
رؤوف : فيه شغله براسي ب اغادير
أنا : ما هي موجوده ب مراكش يعني
رؤوف : يا ولد فيه صديقه عزيزه بقابلها
أنا : اوك بس انشبتني انا وش وضعي
رؤوف : لا تسوي انك ما تعرف احد ب اغادير
أنا : خلاص ولا يهمك .

إلا اتصال من ابو فالح ..

أبو فالح : غريبه وينك عسى ما شر اليوم صحينا ولا لقيناك على غير العاده .
أنا : ضايق منكم ما لكم صاحب ، طشيتوني ب المسبح ولك وجه تسألني وينك .
ابو فالح : من صدقك انت ؟
أنا : ههههههههههه لا والله امزح بس صحيت من النوم لقيت رؤوف متربع قال تخاويني لـ أغادير عندي شغله وهذا انا معه.
أبو فالح : وش الشغله ؟
أنا : مدري المهم ترى تركت شنطتي الكبيره و شنطة رؤوف خذوها معكم للفله الجديده وضبطني اختار لي غرفه زينه
ابو فالح : ولا يهمك توصلون ب السلامه

خلصت المكالمه اناظر رفيقي ، الا صوت شخيره
يسمعونه اللي ف "الهرهوره " ، المهم كفخت ل الآيفوك وشدينا لأغادير يا زينها من ديره وصلنا و أكوع لرفيقي وهو يقوم يتبسم ، ما ألومه اغادير لها جو خاص .

كان الجوع مآخذ له حته بصراحه ..

أنا : يا ولد نبي عيشه
رؤوف : شواية النهضه ولا النيل الازرق ؟
أنا : خلاص خلاص .
تذكرت النيل الازرق و اول مره جيت فيها المغرب
رؤوف : مر على مرجان نقضي منه كم شغله قبل لا يقفل .

مرينا شرينا اغراضنا ونيشان على النيل الأزرق ، المهم نزلنا مشينا شوي طلقنا رجولنا و نجلس ذيك الجلسه اللي تشلع القلب والاجواء بارده لكن برد المغرب رهيّف المهم ويجينا القرسون يهربد علينا و حنا هات هات بعضها ما ندري عنها لو هي جراد مقلي .

جلست اطقطق ب جوالي ادور بعض الارقام الا
ألتفت و اشوف رفيقي رؤوف قام متجه يم ذاك الغزال وسلام كيف الحال بينهم عاد وقتها قدرت حق المشوار والعنوه وعذرته .

دقايق وتمتلي الطاوله بانواع السي فود والطواجن ، و المشروبات المهم عرفنا على الغزال و بسم الله بدينا الأكل اللي كان حكايه ثانيه و سواليف مع الأكل ، حسيت اني فللت غمزت له وقلت له بروح احاسب و ارجع قال لا يجي هو ياخذ الحساب .

المهم قمت اخذ لفه و ادخن ومنها اتفرج ع المكان
واتصل عليه .

أنا : يا ولد خذ راحتك انا بطلع اشوف لنا فندق نرتاح فيه
رؤوف : اوك لا تطول نبي نروح نسهر ف سكاي
أنا : تم نص ساعه و انا راجع

المهم وبيني و بين نفسي اقول اغادير لو تقضي وقتك فيها لوحدك ما هي خساره ، و اتصل ب طير السعد

أنا : سلام يا ولد
طير : هلا والله ب الخاين
أنا : لا خاين ولا شي مشواري لـ اغادير لا ناقه لي فيه ولا جمل ، الزبده وين تنصحني اسكن
طير : صحارى فيه شاليهات على كيفك
أنا : اماديل وش وضعه ؟
طير : ما هو شين بس خذوا اطلاله ع البحر
أنا : خلاص وصل .. سلم و اسلم


حركت لـ أماديل قبل لا اوصل الا الجوال يرن رقم غريب وأنا مدري ارد ولا لا قلت يا رجال خلني ارد


أنا : يا هلا والله
هي : أهلين عبادي "صوت لطيف جداً"
أنا : دام فيها عبادي شكلك غلطانه مع السلامه اللي يعرفوني ما يقولون الا اهلين يا وحش كيفك يا مريض شخبارك يا مجرم زي كذا
هي : هههههههه لا انا اعرفك ، موجود ف اكادير ؟
أنا : لا ف بوجدور .. ايه ف اغادير ليش انتي وين
هي : اكادير
أنا : يا محاسن الصدف .. لا تقولين رقمي نزل عليك من السماء المهم دقايق واتصل عليك.
هي : صافي


نزلت اقلب السالفه ف راسي ذي من وين جايبه رقمي دقايق الا الجوال يرن وطير السعد

طير : هاه كيف الامور الحين
أنا : ايه هذا انت ، يا ولد منهي ذي
طير : اذا قابلتها .. خلك ذوق معها و اترك الهبال
أنا : يا شينك و انت مسوي توجه لي نصايح
طير : هههههههه هيا تهلا فراسك ، ولا تطولون علينا.

انتهت المكالمه



نزلت حجزت غرفتين منفصله مع اطلاله ودفعت الحساب ومشيت المهم اتصلت ب رؤوف و قلت له حجزت بس باقي تعطيهم اوراقك وكذا قال ما عليك انت تعال الحين .



الحين جاني فضول اشوف البنت اللي كلمتني
وادخل على الوانس بعد ما سجلت رقمها عاد من اللقافه بشوف كيف شكلها الا صورة حديقه و ورود مدري ليش اكلني قلبي المهم و ادق عليها قلت لها اقابلك ف سكاي رحت لقيت رفيقي رؤوف طايح سواليف وضحك وباين عليه مبسوط و اخذ و اعطي معهم الا جوالي يدق تسألني وين جالس لأني لا شفتها ولا شافتني قبل المهم انتبهت لها ورحت استقبلتها وحياك وتفضلي البنت كانت مزيونه لذلك سويت نفسي ثقيل ونطلب لنا كم طلب شيشه و مشروبات .

رؤوف : ما عرفتنا على الأخت
أنا : هههههههه حتى انا والله ما اعرف وش اسمها
رؤوف : مريض أنت ؟ .. كيف ما تعرف اسمها
أنا : صدق والله .. عرفينا ب اسمك
هي : ليلى
أنا : تشرفنا

المهم سوالف وضحك وهيصه الى الساعه ثلاثه ، ورفيقي باقي جوه عالي .

رؤوف : يا ولد نبي نكمل السهره
أنا : قدام لا تخلي شي بخاطرك
رؤوف : شهرزاد ولا اتلانتك ؟
أنا : لو تبي ف الشارع ما عندك مشكله

المهم اعطيت رؤوف المفتاح عشاان يسوق لأني كنت
ميت تعب وصلنا هناك على الساعه اربع وناخذ لنا طاوله وهاتك احلى افتر بارتي ف اغادير.اتلانتك ب النسبه لي انظف مكان ممكن تدخله وتسهر فيه الجو كان واعر ب الزاف و خويي رؤوف يأشر لي يعني مشينا المهم طلعنا على الساعه 6 .

على ما وصلنا هناك استقعدوا لنا ف الدخول و شيل ابوك حط ابوك ، ضبطنا الشغل و كلن راح
لغرفته كانت جنب بعض .

الحين دخلنا الغرفه تبدأ قصه ثانيه لعبت ف دماغي
فتحت الجوال وألقى حدود العشرين مكالمه ورسايل ف الواتس من طير السعد ، أنا قلت الربع هناك صاير لهم شي واتصل و ألقى جواله مقفل اتصل
ب الشباب كلهم محد يرد .

فتحت الواتس و ألقى الرسايل من طير ورسايل ب القروب عاد اقرا وأنا اقول ذا يمزح ولا يستهبل ، الزبده ما استوعبت قلت يمكن أنا مضيع شوي قبل لا اطلع وتسألني ليلى فين رايح قلت لها بنزل السياره المهم ادق على رؤوف الباب ويطلع لي عين مقفله والثانيه مقفله بعد .

أنا : يا ولد لا تشره .. بس خذ اقرا ف الجوال
رؤوف : وش فيك انت .. خير وش مكتوب
أنا : يا ولد ذا من جده ولا يمزح
رؤوف : يا ولد وش ذا الورطه .. طيب صرفها
أنا : وش اصرف هذا لا يكون يبي يمقلبني
رؤوف : يبن الحلال اسمع الملاحظه هذا صوتها
أنا : خلاص روح نام انت و أنا اشوف لها حل

المهم رجعت الغرفه .. ونكمل لاحقاً

اترككم مع جزء أخوي باشتان

ابشري .. ما طلبتي .. هذا الجزء اللي وعدتكم فيه


المشكله انت اكثر واحد عارف اني مشغول


حياك اخوي .. الله يسعدك من ذوقك


هلا هلا .. ايه اعجبك .


لا بإذن الله ما تزعلين .. كان تقريباً جاهز أمس بس فرحة فوز برشلونه أخرت الامور شوي


اهلاً صوفي معك حق بس .. انا اعرفكم تعذروني دايم


مراقب الوضع شارع


ويكند و ما هو وقت نوم


على أي قناه ؟

لا لا لا لا ابغى اعرف سالفة الواتس اب والاتصالات
عرق الفضوووول ضرب عندي الألف
من اليوم متحاملة على نفسي ما ابغى اقيل قبل لا اقرا

ههههههههه خلاص دامك برشلوني معذوووووور
ويك اند عندكم حنا ويك أند سبت واحد

هههههههه ابدعت ولد الهواشم ولا زالت الاثاره متواصله ..

يا سيد حرام عليك
سويت فينا زي ما وصف نزار
… يأخذني لحدود الشمس و يرميني
كذلك كلماتك اخذتنا لابعد من حدود الشمس
متلهفين لمعرفة باقي الاحداث
تحياتي لك و لجميع اعضاء الرحلة

__________________
لا تأسـفن لغـدر الـزمان لـطالمـا
رقـصـت عـلـى جـثـث الأســود كـلاب
لا تحسبن الكلاب تعلو برقصها
تظل الأسود أسود و الكلاب كلاب

انت والله عن بلاد يابوفالح ، ولا به قصور ف الحاضرين