#رحلة_الأحلام_الجماعية

انا بطلب من الاداره تقفل الموضوع هذول نذاله كله مقالب علي وانا مسالم

مبدع باشتان ..
الاولى مسبح والثانيه ثلج وابو فالح ههههههههه ..

ههههههههههه ابو فالح والله كسرت خاطري ثلج مرة وحدة

لا يبو فالح خلي بالك وسيع الدنيا سعة صدر ، اما انا لو بمكانك وقته كان طبيت المسبح بعده دايركت يمكن ادفى ههههههه..

انسى اني افكك الا بكفيل غارم

ترا التطبيق حق الجوال حذف كلام موجه

اضافة روعه مو اقل من الجزء اللي قبله


ابو فالح حبيب عيني تعجبني حركات العلك المنشط

ولازالت غير مؤيد اي شي ضده ومسموح له يسوي اللي يبي << كيفي

اما سالفه العلك تري لي سوالف واجد مع العيادي تبادل خبرات ومصالح مشتركه هههههههه

ههههههههههههه
حلو منكم شباب مقلب ابو فالح وانا اقول ليش عندك كحه هههههه

تصدقي ما راحت للحين خصني ارجع للمغرب اعالج

مساء الخير جميعاً :


فتحت الواتس و ألقى الرسايل من طير ورسايل ب القروب عاد اقرا وأنا اقول ذا يمزح ولا يستهبل ، الزبده ما استوعبت قلت يمكن أنا مضيع .

شوي قبل لا اطلع وتسألني ليلى فين رايح قلت لها بنزل السياره المهم ادق على رؤوف الباب ويطلع لي عين مقفله والثانيه مقفله بعد .

أنا : يا ولد لا تشره .. بس خذ اقرا ف الجوال
رؤوف : وش فيك انت .. خير وش مكتوب
أنا : يا ولد ذا من جده ولا يمزح
رؤوف : يا ولد وش ذا الورطه .. طيب صرفها
أنا : وش اصرف هذا لا يكون يبي يمقلبني
رؤوف : يبن الحلال اسمع الملاحظه هذا صوتها
أنا : خلاص روح نام انت و أنا اشوف لها حل

رجعت الغرفه .. افكر وش الورطه ذي اللي جاتني ، المهم بيني وبين نفسي اقول طير السعد شكله يمزح ولا ليش يورطني فيها من الاول ، اخذت لي
سيجاره ونزلت جبت كم شغله و رجعت الغرفه لقيتها مجهزه الغرفه وبراسها سهر .


ليلى : اش فيك تأخرت
أنا : ولا شي بس طلعت ادخن وجبت ذا الاغراض
ليلى : تعال صاير شي معاك
أنا : لا لا الموضوع بسيط مو مستاهل

المهم جلسنا نسولف و اخذ واعطي معها ، البنت من النوع "الفرفوش" وصغيره وصاحبة ضحك ولا واضح عليها شي من اللي قاله طير ، المهم سألتها تعرفين فلان وقلت لها اسم صديق طير السعد ، جلست تناظر فيني.

ليلى : اش عرفك فيه .
أنا : اعطيك الموضوع من الآخر
ليلى : قول بسرعه
أنا : شوفي الجوال اقري وش مكتوب

المهم اعطيتها الجوال كانت المحادثه ف الجوال من طير السعد " يا ولد حاول تصرفها بسرعه تو واحد من الشباب هو اللي عرفني عليها يعلمني بسالفته معها صار خلاف بينهم و قالت له و حق الله راح اسحرك واخليك ما تعرف ابوك من امك طبعاً الكلام مسجل بمحادثه صوتيه وكتابه " ، عطيتها الجوال ومثل ما يقولون يدي ع الزناد .


الحين أنا انتظر ردة فعلها ، سكتت ما تكلمت تأكدت كذا ان الموضوع صحيح وجلست اخطط كيف افتك من هالمصيبه ، جات ف بالي فكره بما إنه وقت فطور والفندق فيه بوفيه مفتوح قلت ننزل نفطر.

أنا : نازل افطر تحت .. امشي معي
ليلى : نغير الملابس ونجي دابا
أنا : اوك انتظرك

نزلنا كان الجو بارد ، والجلسات غالبية اللي فيها اجانب " ما يحسون ب البرد مثلنا" ، المهم اخذنا الفطور و أنا ما كان لي نفس بصراحه بس جلست اتمقل ف الرايح و الجاي ، المهم جاء ف بالي اني اسوي انسحاب تكتيكي و انحاش للغرفه احط لها اغراضها برا واقفل الباب استاذنت منها ، قلت ب اخذ لفه ف المكان و ارجع لك .

ليلى : شكلك ناوي تصرفني
أنا : لا ههههههه بس بشوف المكان من زمان عنه
ليلى : ممكن تجلس افهمك الموضوع
أنا : اش تفهميني .
ليلى : انته ما نصبت عليا ليش أذيك .
أنا : مدري يمكن يجيك شي مني ب الغلط و اروح فيها .

" حسيت نفسي وقتها مثل ما قال عادل امام دنا غلبان "

ذي والله النشبه ، قلت اسمعي يا بنت الناس كم تبين من الآخر ، ما لي خلق لوجع الراس ترى واطلع من المحفظه ألف وخمس مية درهم واحطها على الطاوله قلت خذيها وحلي عن وجهي وتعالي
معي خذي اغراضك وشنطتك و فارقي وهي تكمل اكلها ولا على بالها المهم تنرفزت نويت على الفكره الي جات ف بالي .

و اطلع للغرفه وهي تلحقني الا اتصال من طير السعد من اللخمه اعطيته مشغول مرتين الا هو يتصل مره ثالثه .

طير : صبحك الله ب الخير
أنا : أي خير الله يقلعك و يقلع الاشكال اللي تعرفها انا قايل ما يجي خير من وراك
طير : اش صار معك يا ولد
أنا : نكبتني مع ذا النكبه ، انغريت ب شكلها صراحه فالاخير طلعت كاهنه
طير : هي معك ولا راحت
أنا : حاولت اصرفها نشبت لي يا ولد
طير : ايه انا قايل لها كذا هههههههههههههه هيا اشرب المقلب بصحتك
أنا : لعنتين ********* من جدك انت ؟
طير : اي والله مزحه كلها ، متى جايين انتم؟
أنا : خلاص حل عن وجهي سديت نفسي وباقي ناشب لي

انتهت المكالمه

الا اناظرها هي فاقعه ضحك بنت اللذينا وتحط شاشة جوالها عند وجهي تقول شوف كنا نخطط عليك من اول ، جلست اضحك على نفسي ، إلا
هي تقول راح اعوضك ب السهره اخذت لي شور وطلعت منتعش ، كملنا السهره لين الساعه ١١ الصباح و احط راسي وانام .


صحيت تقريباً الساعه سبعه المساء ميت جوع وعطشان تقول طالع من حرب ، ألقى كم مكالمه
من الشباب و من رؤوف ومن هديل ، وقصيده من
ابو نايف يعاتبنا على روحتنا .

غسلت وجهي و طلعت اطق الباب على رؤوف ما كان موجود واتصل به .

رؤوف : هلا والله صح النوم
انا : صح بدنك وين رحت
رؤوف : طلعت من العصر
أنا : يا ولد ميت جوع شف لي أطرف مطعم واحسب حساب نفرين
رؤوف : لا تقول الساحره باقي موجوده ؟
أنا : ايه واحتمال بعد شوي تجي تلقاني فار
رؤوف : اوك هههههههه الله يرحمك

قفلت من عنده غيرت ملابسي ونزلت اتمشى شوي
على المغيب ، والا العلوم اللي تسر الخاطر ، الجو
الجميل و الوجه الحسن ، المهم و اطلع الجوال و احط لي اغنيه استمخمخ بها مع ذا الاجواء واتذكر اغنيه لفيروز ، "سألتك حبيبي لوين رايحين خلينا خلينا وتسبقنا سنين" واقبس سيقارتي.

إلا اشوف رجال جاي صوبي ، قلت يا الله انك من النكبات تآمنا ، المهم وقف عندي الا هو من ربعنا
السواعده .

هو : كيف حالك اخوي
أنا : حياك الله بخير الحمدلله
هو : انقطعت دخان ، ابي منك باكيت وبحقه
أنا : خذه تحرقه ب الهنا

جلسنا نسولف انا وياه شوي الا هو يعزمني ف مقهى و اعتذر منه ب أني راجع مراكش الليله المهم
سلمت عليه و استأذنت الا رؤوف يتصل بي وينك
قلت راجع الفندق .

رجعت صحيت ليلى الا رؤوف يدق الباب المهم دخل
و نحط العشاء نتعشا مدري نتغدا و نجهز اغراضنا ويعطيني خبر رؤوف إن صديقته تبي ترجع معنا .

المهم نزلنا تحت سوينا تشيك اوت ، و أنا رايح للسياره الا ليلى تكلمني على انها تبي تجي معي
لمراكش انحرجت صراحه قلبتها ف راسي شوي
وقلت اوك مرحبا الساع .

و انطلقنا لمراكش ..