#رحلة_الأحلام_الجماعية

خخخخخخخ ياخي انت منسم

هو كاتب انه انا اللي اخذ الجوال واذا جيت للصدق ما اذكر
وقتها كنت اضحك ومعي المشروب الهيدروليكي احتسي منه بعض الحسوات


يمكن فعلاً انا

شكراً يا انا على نباهتك وفطنتك وانت يا انا في الدور السابع

خشمك يالذيب

أقطع هدومي .... ههههههههه .

__________________
لاتسمع كل ما يقال ولا تقول كل ما تسمع.

ايهي ..... وتفضل من غير هدوم

حبيب قلبي .... الله يعينك على أسئلة بعض البشر .
فيني ضحكه مدويه ..هههههههه .

__________________
لاتسمع كل ما يقال ولا تقول كل ما تسمع.

ههههههههههههههه هو صح انا قلبي قلب طير ابسط شي يخوفني ولو صار فيني المقلب عز الله بيغمى علي بس ياشيخ مسبح والماء ثلج واجواء مراكش عاد اعوذ بالله ماترحم وربي قويه


بانتظار باقي التكملة وطبعا نبغى نعرف بعض مقتطفات اللي صارت بينكم

جوكم حلو الله يسعدكم

سلامة قلبك في تركي سعد ولا فيك هههههههه

ليش يابو فالح ... وش فيك على تركي سعد ... تراني ماأرضى عليه .

هلا هلا .

__________________
لاتسمع كل ما يقال ولا تقول كل ما تسمع.

نكمل معكم اعزائي المزاعيط و المزعوطات :

المهم خرجنا من المطعم مفللين ، و على الدبليو وانا انتظر الإتصال لأني ما سجلت رقم هديل الطنجاويه ، عاد ابو فالح يقول بكيفهم بس الڤيلا ما حنا راجعين لها الا اذا قفل الدبليو ، هذا والله
البلشه .

دخلنا والا الزحمه والناس والجو شي خورافي ونروح لطاولتنا عاد كل واحد جلس بمكانه ما شاء الله تقول عصابة مافيا الله يكفينا المهم يوم شافوا عددنا الكبير الكل يخدمنا ، و انا كل شوي اطلع جوالي و اتأكد إنه ما جاني اتصال وارجعه أكلم ابو فالح .

أنا : يا ولد كيف الحين
ابو فالح : شنو اللي كيف
أنا : ما جاك اتصال من حبايبنا ف ستاربكس
أبو فالح : لا والله ، كله منك يا المشفوح
أنا : خلك واثق انهم راحت عليهم فرصة العمر
أبو فالح : روح زين يا معود

المهم و الربع كل واحد منهم له جوه اللي يصفق واللي منطرب و اللي مفهي عزي لأبو نايف يوم إنه يتنهد ، المهم ويجيني اتصال و انا افز واقف بغيت اكسر الطاوله من الحماس ، يوم نظرت ف الشاشه الا هو الدي جيه عاد كنت بصفق الجوال ب جبهة واحد من الشباب من الغبنه و ارد عليه قلت له ما جاك شي تعال على ٥ ونص بسببك للحين اذني يصب ماء المهم كملنا السهره والشباب خلصوا امورهم و يبون يمشون و هذا انا طالع الا الجوال يرن ما تذكرت الا ابو سعد يوم يقول هلا هلا .

أنا : هلا والله
هديل : اهلين شو تأخرت عليك
أنا : لا حشا مثلي يعذر
هديل : وين ف الڤيلا
أنا : لا بس اذا وصلت ارسلك الموقع
هديل : صافي

عاد و انت طالع من الدبليو ذكروني ب سوق الخضار عندنا كلن يسحبك من جهه تحس نفسك توم كروز و انت مثل بشير غنيم عاد طير السعد كان عايش الدور لو معه قلم كان اعطاهم توقيعه .

ما عرف لهم الا رؤوف وهو طالع يقول اللي يبي يتصور بعشر دراهم يسعد لي جوه ، شارع الحب مسوي ثقيل وهو قلبه يرقص اعرفه ، ابو نايف كان عايش و داخل جو بصراحه لدرجة إنا ركبنا السياره وهو مثل ما يقول ابو نوره " صرت تايه ف الدروب من هوى الظبي الطروب " و باشتان طلع من بدري و راح للڤيلا قبلنا ومساعد اختفى فجأه .

المهم مدري كيف وصلنا الڤيلا ، و ارسل الموقع لـ هديل ، أبو فالح كان ناوي يسحب ع الكازاويه بس جاه الاتصال و روق مزاجه .

المهم تسلمت انا القياده ، وعلى الڤيلا طياره فالطريق اتصلت على محمد وكريم يضبطون الامور

وصلنا الڤيلا الى هم تو يجهزون الصاله وباشتان حاط رجل على رجل مع ضيفه المهم انا بوجهي على الغرفه و شور سريع وانزل للصاله اضبط التفاحتين و " امخمخ " للافتر بارتي .

الا الجوال يدق و اطلع استقبل هديل وناخذ لفه بالڤيلا و سواليف و نتوجه على الصاله و الشباب ينزلون و نبدا سهرتنا بصوت زينة الداودية" شدي ولدك عليا " و الجو مثل يقول رؤوف خليف " نار يا حبيبي نار " ، من هنا تضحك و من هنا تشد نظرك
و تحديات ف الرقص كلن يقول الزود عندي ، المهم يفصل علينا رؤوف يقول شغلوا لنا "انتي أجمل " يبن الناس اصبر طيب ما نفع فيه و نشغلها له ويضبط جوه ، على آخر السهره استاذنت و طلعت غرفتي كملت السهره و حطيت راسي و رقدت .


صحيت العصر ، غسلت وجهي و رحت اكلم مريم تزين الفطور ، عاد لا اخفيكم كانت تكرهني لأني اتشرط بالفطور ، المهم حولت على الصاله الا رؤوف جالس بالصاله يتقهوى و وجه يلاطم ملاطم ، يا ولد وش فيك وش صاير .

رؤوف : لك ولا للذيب
أنا : لا والله للذيب
رؤوف : ههههههه افا
أنا : وش العلم
رؤوف : نبي نتلها على اغادير يومين ولا ثلاث
أنا : ابشر بعزك قدام بس نعطي الربع خبر .
رؤوف : لا ارسلهم رساله اصلاً هم ناوين يغيرون الڤيلا الليله بعد ما راحوا ربعنا الكوايته
أنا : اوك خلاص متى تبينا نمشي
رؤوف : افطر و نتوكل على الله

إلى هنا اتوقف ..

خيانه لا تغتفر هروبكم الي اغادير اخذونا كلنا معكم يا نذاله خليتونا بروحنا بس عاد تصدقون احلوت السهرات خصوصا انه افتكينا من اغنية انتي اجمل بعز السهره والعالم تشطح ههههههه