#رحلة_الأحلام_الجماعية

المشاركة الأصلية كتبت بواسطة ولد الهواشم

نكمل معكم اعزائي المزاعيط و المزعوطات :

المهم خرجنا من المطعم مفللين ، و على الدبليو وانا انتظر الإتصال لأني ما سجلت رقم هديل الطنجاويه ، عاد ابو فالح يقول بكيفهم بس الڤيلا ما حنا راجعين لها الا اذا قفل الدبليو ، هذا والله
البلشه .

دخلنا والا الزحمه والناس والجو شي خورافي ونروح لطاولتنا عاد كل واحد جلس بمكانه ما شاء الله تقول عصابة مافيا الله يكفينا المهم يوم شافوا عددنا الكبير الكل يخدمنا ، و انا كل شوي اطلع جوالي و اتأكد إنه ما جاني اتصال وارجعه أكلم ابو فالح .

أنا : يا ولد كيف الحين
ابو فالح : شنو اللي كيف
أنا : ما جاك اتصال من حبايبنا ف ستاربكس
أبو فالح : لا والله ، كله منك يا المشفوح
أنا : خلك واثق انهم راحت عليهم فرصة العمر
أبو فالح : روح زين يا معود

المهم و الربع كل واحد منهم له جوه اللي يصفق واللي منطرب و اللي مفهي عزي لأبو نايف يوم إنه يتنهد ، المهم ويجيني اتصال و انا افز واقف بغيت اكسر الطاوله من الحماس ، يوم نظرت ف الشاشه الا هو الدي جيه عاد كنت بصفق الجوال ب جبهة واحد من الشباب من الغبنه و ارد عليه قلت له ما جاك شي تعال على ٥ ونص بسببك للحين اذني يصب ماء المهم كملنا السهره والشباب خلصوا امورهم و يبون يمشون و هذا انا طالع الا الجوال يرن ما تذكرت الا ابو سعد يوم يقول هلا هلا .

أنا : هلا والله
هديل : اهلين شو تأخرت عليك
أنا : لا حشا مثلي يعذر
هديل : وين ف الڤيلا
أنا : لا بس اذا وصلت ارسلك الموقع
هديل : صافي

عاد و انت طالع من الدبليو ذكروني ب سوق الخضار عندنا كلن يسحبك من جهه تحس نفسك توم كروز و انت مثل بشير غنيم عاد طير السعد كان عايش الدور لو معه قلم كان اعطاهم توقيعه .

ما عرف لهم الا رؤوف وهو طالع يقول اللي يبي يتصور بعشر دراهم يسعد لي جوه ، شارع الحب مسوي ثقيل وهو قلبه يرقص اعرفه ، ابو نايف كان عايش و داخل جو بصراحه لدرجة إنا ركبنا السياره وهو مثل ما يقول ابو نوره " صرت تايه ف الدروب من هوى الظبي الطروب " و باشتان طلع من بدري و راح للڤيلا قبلنا ومساعد اختفى فجأه .

المهم مدري كيف وصلنا الڤيلا ، و ارسل الموقع لـ هديل ، أبو فالح كان ناوي يسحب ع الكازاويه بس جاه الاتصال و روق مزاجه .

المهم تسلمت انا القياده ، وعلى الڤيلا طياره فالطريق اتصلت على محمد وكريم يضبطون الامور

وصلنا الڤيلا الى هم تو يجهزون الصاله وباشتان حاط رجل على رجل مع ضيفه المهم انا بوجهي على الغرفه و شور سريع وانزل للصاله اضبط التفاحتين و " امخمخ " للافتر بارتي .

الا الجوال يدق و اطلع استقبل هديل وناخذ لفه بالڤيلا و سواليف و نتوجه على الصاله و الشباب ينزلون و نبدا سهرتنا بصوت زينة الداودية" شدي ولدك عليا " و الجو مثل يقول رؤوف خليف " نار يا حبيبي نار " ، من هنا تضحك و من هنا تشد نظرك
و تحديات ف الرقص كلن يقول الزود عندي ، المهم يفصل علينا رؤوف يقول شغلوا لنا "انتي أجمل " يبن الناس اصبر طيب ما نفع فيه و نشغلها له ويضبط جوه ، على آخر السهره استاذنت و طلعت غرفتي كملت السهره و حطيت راسي و رقدت .


صحيت العصر ، غسلت وجهي و رحت اكلم مريم تزين الفطور ، عاد لا اخفيكم كانت تكرهني لأني اتشرط بالفطور ، المهم حولت على الصاله الا رؤوف جالس بالصاله يتقهوى و وجه يلاطم ملاطم ، يا ولد وش فيك وش صاير .

رؤوف : لك ولا للذيب
أنا : لا والله للذيب
رؤوف : ههههههه افا
أنا : وش العلم
رؤوف : نبي نتلها على اغادير يومين ولا ثلاث
أنا : ابشر بعزك قدام بس نعطي الربع خبر .
رؤوف : لا ارسلهم رساله اصلاً هم ناوين يغيرون الڤيلا الليله بعد ما راحوا ربعنا الكوايته
أنا : اوك خلاص متى تبينا نمشي
رؤوف : افطر و نتوكل على الله

إلى هنا اتوقف ..

المشاركة الأصلية كتبت بواسطة ابو فالح

ولد الهواشم لا تنسي رحلة اغادير

المشاركة الأصلية كتبت بواسطة #مجنونه كازا #

جوكم حلو وسهراتكم احلي الله يديم المحبة بيناتكم وتعزمونا عندكم المره الجايه

المشاركة الأصلية كتبت بواسطة tangwy

جوكم واعر بزاااف

المشاركة الأصلية كتبت بواسطة ابو عبدالله 1

الله يسامحك يا ابو هاشم
فريت مخنا فر
طيب احنا الان نروح معك اغادير
ولا نفضل مع ابو فالح في مراكش
هههههههه حيرة
سلمت يمينك و لا زلنا متابعين لكم

المشاركة الأصلية كتبت بواسطة سريع الذوبان

مارحت ادور عن مناظر ولا جو
او ارتجي زاد يقدم شرابه
امور رايدها من سنين والتو
ويوم تجلت احتفت بي الصبابة
في الديرة اللي فيها تبي سو
ونعوض سنين الملل والرتابة

المشاركة الأصلية كتبت بواسطة hab

لو كنت موجود والله بساعدك ياولد الهواشم ، لكن بالمقابل بسوي فيك نفس المقلب وانت بعز نومك ، لكن المسبح بالبرد شين ،
مستمتع معكم بالرحله

المشاركة الأصلية كتبت بواسطة طير السعد

صح لسانگ هذي من ابدع ماقال الشاعر سريع الذوبان في احدى جلسات العصاري على المهيله ومريوشة العين تسمع هههههههههههههه

المشاركة الأصلية كتبت بواسطة aSJooJI

واصل والله يسعدكم وفعلا رحلة الاحلام

المشاركة الأصلية كتبت بواسطة bnbade

الصدر كنه تشتعل داخله ضو
والعقل روح كل شيً سرابه
يوم اتذكر مافعلته انا وهو
بالروز يوم الله لفابه وجابه
لعبت انا وياه بالقيم ون تو
قيمً يرد العود لأول شبابه
هيضتني واقول ياليتني لو
خاويتك انت ومن معك من ذيابه

المشاركة الأصلية كتبت بواسطة bnbade

سرد للأحداث في قمه الروعه تسلم يمينك ولد الهواشم
بس عسى ماجحدتو اخوياكم ورحتو اغادير هههههههههه
ترى عليكم حق ( حولي مبخر ) كان رحتو

المشاركة الأصلية كتبت بواسطة ولد الهواشم

كله كاين يا صاحبي .. كون هاني خويا




اي والله ، الله يديم المحبه .. ولا يهمك مجنونه تشرفينا .








طلعتنا لأغادير ذي تحفه لحالها بصحبة الكنق رؤوف ..






ما رحت ادور لا مظاهر ولا شو
ولا رحت تكليف(ن) ولا ب انتدابه
اخذت شفي من قديم(ن) وانا تو
إن لم تكن ذئبا كلتك الذيابه
سافرت ادور خوة اللي تمنو
رفقة خوي(ن) ما يعذرب جنابه
كنا بها اصحاب و اخوان كنتو
الطيب معدنكم ولا به غرابه







ههههههههههههه كلش يهون عند المسبح ، اخوك ما يعرف يسبح




سريع الذوبان .. شاعر الرحله العصريات معه جو ثاني .




ويسعدك .. شرفنا مرورك .




صح لسانك يا مبدع .




تجيك العلوم .. لا تستعجل هههههههههههه

المشاركة الأصلية كتبت بواسطة ابو فالح

روائي وشاعر ومبدع انت يا ابن الهواشم ثكلتك امك ما اطيبك ايه الفتي الهاشمي

المشاركة الأصلية كتبت بواسطة عزيز السالم

واصل ابداعك لكن ماني مصدق العدد بالرحله ههههههه ..

المشاركة الأصلية كتبت بواسطة Oldtimer

الله عليك ياولد الهواشم

يومكم مرره حلووو بس الفركه لاغادير مالها داعي
احد يخلي الشباب ويهج لاغادير ( لاحد يزعل مني يامزاعيط اغادير تراها احلى من مراكش عندي ) بس الجمعه طيبه وصعب تتكرر

المشاركة الأصلية كتبت بواسطة ابو فالح

كلام كبير من شخص كبير علمهم ما يستحون خلونا وراحوا ههههههه

المشاركة الأصلية كتبت بواسطة شارع الحب

شكراً ولد الهواشم على التقرير

بس ماله داعي تروح اغادير

انا عارف ليش رحت عشان رموك في المسبح

المشاركة الأصلية كتبت بواسطة سريع الذوبان

مشرف وشاعر وروائي وصاحب قلم ظريف ... وش خليت يابن الهواشم