هل أبقى في طنجة أم أتنقل بالشمال

مشكله الشمال هالايام بارد اذا انت جاي بدايه شهر 5 ميلادي حتنبسط
طبيعه وجو خيال
اما اذا الايام هذي عز الله البرد بيلعب فيك لعب

خلي يومين طنجه ويومين بتطوان كثر التنقل مايفيد

مرحبا وليد جدة
واذكر ان لم تخني الذاكرة أنك من رواد طنجة وخبرائها، وياليت إذا أنت كذلك تتحفنا ببعض النصائح
أنا زيارتي لها بنهاية شهر أربعة وبداية شهر خمسة
والجميل أن السنة أمطار كثيرة ماشاء الله، يعني اتوقع بنشوف ربيع خورافي

في مخربها ماشاء الله موسوعه بالشمال

وفي كم واحد افضل مني

الوقت الي انت رايح فيه ممتاز
والمطر جاء بدري هالسنه

عن نفسي طنجه ماناسبتني من الي تواجهه بالكورنيش خاصه عند ماك وكنتاكي

بس خذ لك يومين وادا تبي سكن اسكن بشقق موفن حلوه وحراسه ومحد يمك نظام كمباوند وابعد عن شقق ماك
لو مالك بالخمبقه ادلك علي شقق قدام البحر مابينك وبين البحر شي بس نظامها محافظ
وتحتها كلهاكافيهات

تطوان متعتها تطلع الصبح وتشيل معك معسلك وقدر الضغط والعزبه وتروح او تتغدى بالطريق بمنطقه قبل تطوان سبحان من سواها تتذكر الريف النمساوي وزيلامسي لا كنت فيها ومنطقه مو كثير الناس تجيها خاصه الخليجين افتكر طلبنا اكل لخمسه اشخاص وكثرنا ماكلفنا 160 درهم واحلى مافيه الذبيحه قدامك يقطع منها ويشوي

اذا قعدت يومين بتطوان اسكن بمرتيل البحر قدامك بينك وبينه شارع بس

الشمال للي يبي سياحه

وحط ببالك الي تصرفه بمراكش بيوم يكفيك بالشمال 3 اربعه ايام بالراحه

انا بالدوام الحين ان طلعت باذن الله ارسل لك اسامي الاماكن بشكل مفصل

مخربها أكرم وأنعم فيه ماقصر قبل ولا هوب مقصر تالي وإن كان يعطيك بس رؤوس عناوين من دون مايدخل بالتفاصيل الله يهديه :) ، على فكرة ترى هو الكومسير :)
وأنت ماشاء الله عليك تتكلم من تجربة ولابد أن نستفيد منها

كنتاكي وماك وش اللي حواليهم؟ قصدك الشحاذين ولا ايش؟ عموما انا احتمال أساكن في حي تقريباً خلفهم قريب من كذا دوار، ويبعد عن الشاطي 600 متر تقريباً ، خلف شارع محمد الثاني
بالنسبة لشقق موفن وين موقعها؟ وهل عندهم غرفة وصالة وبكم سعرها؟
انا ماعندي ضيوف كثير، لكن احياناً تعرف نكون كرماء ونكرم ضيفنا :morocco_5 (202): لكن اذا نهائي يمنعون الضيوف فبلاش بالنسبة للشقق اللي قدام البحر، رغم ان موقعها مغري صراحة

اغريتني بتطوان اكثر، وانا لابد أزورها، واحتمال اجلس بمارتيل يوم او يومين، وياليت تذكر اسم المطعم واسم المنطقة اللي رحتوا لها

مراكش والله افكر اقلل الايام فيها لأنها غلاء واستغلال ونظرة ربما تكون غير جيدة من قبل الاخرين.

اي اقصدهم هم
شقق موفن ياطويل العمر تخلي ماك علي يمينك وتسيد ثاني دواراو ثالث دوار خذ يمين بعدين سيد اخر الشارع يسار بعدين اول لفه يمين تلقاها علي اليمين ويسارك نادي رياضي

شقق موفن من 3 غرف وفوق وممكن تحصل غرفتين سعرها درهم1100 انحسب علي للثلاث غرف
مارتيل انا سكنت فيها مقابل البحر دايركت تحت الشقه كانت رصه كافيهات ومطاعم والمنطقه هاديه جده لدرجه اوقات 10 بالليل ماتسمع صوت احد بالشارع وانت بالبلكونه

مافي اي مطعم او كوفي مشهور بمارتيل كنت اروح واتكي باي محل واكلهم حلو اغلب اكلي كان بالبيت او مع اصدقاء مو بمطاعم

اما اذا انت تدور طبيعه عندك اصيله عندك طريق القصر الصغير

وعندك تطوان
لو في طريقه انزل مقاطع الفيديو كان نزلتها هنا شي سبحان الله خيالي

مرحبتين وائل
صراحة هي اول مرة اروح لطنجة، وتقريباً راح اسكن بشقة بجزم عليها وسعرها نصف اللي ذكرته
تطوان لابد منها ومن زيارتها، بالنسبة لمارتيل وماحوليها من مناطق يمكن اجلس فيها يومين
مرتاح لمارتيل والشارع الصغير اللي قبال البحر والشقق اللي عليه، شفتها بقوقل وبموقع بوكينق، واذا عندك عنوان الشقة والتواصل مع صاحبها ياليت تعطيني اياه.
أيضاً إذا تقدر ترسلي روابط أو أي شي يخص تطوان والمقاطع أكون شاكر لك

__________________

/ _ مـانـي بـطـفـلٍ تـمـسـك يـدي وانـسـاق لــك _ \

بالنسبه للاحداثيات ماعرفت لها اما الوصف كتبته بالرد الي قبل بالتفصيل لموقعها

لا ماحولها حركه ابد حتى بقالات مافي لانها بمنطقه منعزله اقرب شي اذا تبي كافيهات تروح عند ماك

ذكرت الاماكن بالرد الي قبل


اي هي يالغالي هذي 7 عماير او 6 اغلب سكانها اجانب بس مو متاكد من اسم القاعه. بس تخلي كنتاكي علي يسارك وتتجه للبحر اول ماتطلع الدرج تلقى مكتب التاجير تبعها علي يمينك

لا عادي تاجر لك مو شرط عوايل