اليوم الثاني
صحينا الساعه 9 صباحاً حاسبت الشغالة
وعطيتها جدولنا بالنسبه للاكل
فطور اذا صحينا .. وعشاء الساعه 8 واحيانا اذا سهرنا الى فجر نفطر وننام
يوم طاجن لحم - يوم كبسه - يوم طاجن سمك
هذا الترتيب مطاعم مافيه قالت صافي الله يعين
قلت وهاذي 1000 درهم اكراميتك
توجهنا الى مطعم يا صاحبي في شارع فرنسا مكان معروف ومشهور جدااا في الافطار واحلى خليع واتاي
وشئ ثاني طلبناه نسيت اسمه
وشغلنا الموتر ووقفنا تكسي قلت اريد سوق الغنم نسيت اسمه .. وصلنا السوق وهنا انصح باختيار
خروف الصردي افضل واجود انواع اللحم
شكله ابيض وفيه سواد حول العينين وفي مقدمه الفم
واسفل الرجلين وله قرون ولو كتبت خروف الصردي بقوقل طلع لك شكله اخترنا جذع صغير بعد نقاش ومفاصله 900 درهم لكن يستاهل والجزار اخذ 50 درهم وقسمناه وتصدقنا منه الله يقبلها
ورجعنا عطيناه الشغاله ورحنا المرجان حي الرياض
واخذنا اغراض الشقه كامله وودينها السياره ولفينا المرجان ورجعنا الشقه
نمنا وصحينا صلينا العصر بجامع البدر
ورحنا السوق المركزي للسمك وهذا السوق مختص ببيع الاسماك الطازحة صراحه مكان رائع جداً واخذنا سمك
هذا السوق حصلت له مقطع في اليوتيوب
هذا الرابط
وقريب من اكدال
توجنها بعدها الى اشهر كفي في شارع فال ولد عمير
هذا الكفي قبل تقاطع شارع فرنسا مع شارع فال ولدعمير اسمه La Fournee وفيه فيه معجنات وكيك وزحمه
وعامر بالناس وانا اشوفه افضل كفي بصراحه تشوف عالم وتعامل بالفواتير واسعار حلوه
وفيه مقهى جنبه اسمه Oliveri Agdal Oliveri
هذولا الاثنين توب ونعزم اللى نشوف وسواليف الى الساعه 7 والرجوع للشقه وحي الله من جانا وعشى وسهره الى الصبح
انتهى اليوم الثاني
2017-03-17, 06:15 PM
المواضيع المتشابهه للموضوع: تقرير احلى عشر ليالي في الرباط
العرض المتطور
الدرهم المغربي مقابل عملات الخليج