افضل المطاعم بمراكش ؟؟!!

كثير من المطاعم لديهم طرق احترافية للنصب وخاصة لاشافو ربعنا .
مطعم BO-ZIN مدحة لي صديق وقال جلستة زينه وشي VIP واسعارهم غالية بطريق وريكة المطعم يقدم اكل مغربي وتايلندي مالكه فرنسي وانا حقيقة تعجبني المطاعم الراقيه عندما احتاج الى استجمام وروقان اتصلت عليهم وقلت ابي احجز اخبرتهم باني لوحدي وقالو تعال مافي مشكلة يوم جيت قالو انت لوحدك قلت ايه قالو لا لازم كوبيل قلت انا اتصلت وريتهم وقت الاتصال ونخرشو وماعندي استعداد ارجع ابدا ولا اتصل بشرطة السياحه قالو اوكي استريح شوي واسترحت الا قالت اتفضل اجلس على البار قلت لها انا علمتكم اني ما اشرب وجاي علشان اتعشى قالت طيب استريح لحظه بس زي منت شايف عندنا زحمة وفيه حجوزات واسترحت ابو خمس دقائق واطير فيهم قلت انا جاي ادفع فلوس ماني جاي اطلب صدقه شوي وتوريني مكان حق واحد يجلس علشان يشرب قهوه ماهو ياكل واهب فيها قلت هذا مكان شرب قهوه ماهو مكان اكل الان ما اجلس الى في مكان يناسبني وانتم تدبرون حالكم وامشي واشوف ذيك الطاولة لشخصين واجلس فيها وانخرشو ومشت الامور بدأت الاعتذارات حقيقة اكلهم جدا ناسبني طلبت شربة خضار مع زجاجه ماء ايفان مع خمس حبات بريوات (( منتو يعني )) محشوة سي فود وطبق رئيسي سلمون مشوي اكل جدا لذيذ وكان حسابهم 750 درهم مناسب على مستوى المطعم .

__________________
توقيعك ملكك متى ماوضعته على الورق اصبح ملك غيرك