اسعد الله مسائكم بكل خير ومسره
اليوم صحينا الساعه ٨ ونص الصباح افطرنا في بوفيه الفندق فطورهم ماعليه حليو افطرنا الحمد الله لقينا خليجي فالبوفيه سولفنا معه شوي وسلمنا الفندق واخذنا الشنط طلعنا من الفندق الساعه ١٠ وعلى شفشاون تبعد المسافه ١٩٠ كيلو الطريق الوطني خط سير واحد ضيق بس ممتع وماتمل منه مناظر تشرح الصدر مرينا ع قرى ومحافظات صغيره وهي كالتالي :
مولاي الادريس
عين كرمه
وزكته
وليلي الوادي
قصيبات
قرية با محمد
وادي ورغه
الوادي الميت
توالغيت
بحيرة بودروه
اوزان اخذنا جوله فيها وجلسنا في مقهى شعبي طلبنا قهوه مغربيه تقهوينا وروقنا ومشينا حبيت المنطقه هاذي مدري ليه
تميرت
عين بيضاء
منتزه بو هاشم
الزينات
قرية الحمراء
شفشاون وصلنا الساعه ٢ ونص وقفنا فيها جانا طفل عمره ممكن١١ سنه مع امه ارتحنا له قلنا يالله مشينا ع مدينتك الجميله قال ابشر عمي قالت امه انتهو له قلت ابد مثل اخونا ذرب مااشاء الله عليه قلت له وديني افضل مطعم في المدينه قال واخا مرينا مطعم باين عليه فخم قال هاذا غالي وموش حلو بوديكم واحد اكله احسن منه قلت اوك ودنا للمطعم اسمه الجبلي في المدينه القديمه طلبنا طاجن خظار ومشاوي ٣ انفار وعصير برتقال قلت لازم تغدى معنا قال لا بروح واذا خلصتم تلقوني عند باب المطعم قلت لا امش غصبته ومشى كانه مستحي وفيه عزة نفس تغدينا الحمد الله اكل المطعم حلو ومزدحم ب اهل المنطقه حاسبنا ب ١٣٠ درهم قلت نبغى نصلي في مسجد الظهر والعصر قاال طيب ودانا لمسجد اسمه الصبانين صلينا الحمد الله واخذبنا جوله في مدينته الجبليه الجميله جوها بارد اكثر مبانيها باللون الازرق سياحها الي شفتهم اوروبيين وصينيين مشانا الطفل على ..
الكنيسه
المدينه القديمه والجديده
حي الصبابين
ساحة وطاء حمام
نظرتي في شفشاون مدينه سياحيه وتستحق الزياره لو مشي هههههههه لبسهم الرجالي والنسائي غريب شكله لاكنه انيق عليهم واضح ع اهلها محتشمين وخلوقين الابتسامه ماتفارقهم ماشاء الله عليهم حاسبنا الطفل بالمقسوم وطلعنا من شفشاون الساعه ٦ مساءً على طنجه تبعد المسافه من شفشاون الى تطوان ٦٥ كيلو ومن تطوان الى طنجه ٦٠ كيلو مرينا تطوان مرور الكرام وصلنا طنجه الساعه ٨ ونص المساء كلمنا كذا سمسار في طنجه قالو كلها عامره دقيت ع نور الهدى صراحه اسلوبها محترم وتجاوبها سريع قالت عامره كان كلمتوني بدري قلت يالله مالنا نصيب وقفنا عند كنتاكي الي ع كورنيش طنجه كلمنا المسوول عن المواقف قاله خويي له تعرف شقه للايجار قال ايه اعرف دق ع مالك الشقه مغربي كبير فالسن تعبان الله يشفيه ركب معنا المسوول عن المواقف رحنا لمالك الشقه واخذنا المفتاح وطلع معنا شفناها اعجبتنا وسيعه غرفتين وصاله ودورة مياه ثنتين مطله ع البحر شحال ي عم السعر قال ٨٠٠ درهم اليوم قلت توكلنا ع الله عطيناه حق يومين موقعها ع نفس الكورنيش نزلنا اغراضنا وطلعنا مشي اخذنا لفه ع الكورنيش تعشينا في مطعم ومقهى اسمه لولوة الشام طلبت وجبة شاورما وكولا وصاحبي طلب كبسه وسلطه وعصير برتقال حاسبنا ب ١٥٤ درهم
طنجه احس ناسبتني وارتحت فيها مبداياً جوها الان بارد وهواء شديد الي بيزورها فالايام هذي يجيب معه شتوي خفيف
انتهت رحلتنا اليوم انبسطنا اللهم لك الحمد والشكر لناء لقاء باذن الله ..
مبدع مبدع ياماجد، وصراحة مستمتعين كثير بتقريرك والصور والمعلومات اللي تكتبها
مكناس مدينة تاريخية جميلة هضم حقها من التقارير والزيارات، وستكون محطة من محطات زيارتي في رحلتي القادمة..
شكراً لك على المعلومات، وياليت لو تعطينا رقم التاكسي لاجيت هناك يكون رفيق لي
والفندق هذا هو فندق الزاكي؟
هلا يا رايق حياك العفو ماسوينا شيء ..
ايه الزاكي اذا بتزور مكناس انصحك فيه واحجز من البوكينق افضل لانه اقل السعر
اابشر اذا تبي رقمه ارسلي خاص ..