اطلقها .. تسرح!

كيف وضع زمير بيتش

ياليت معلومات عن السكن واسعاره لو على الخاص ياغالي

زمير بيتش مجمع صغير، فيه عشرين شقة تقريبا في مباني متدرجة نزولا تبدأ من عند المدخل وتنتهي عند المسبح والواجهة البحرية، له استقبال وحراسات ويدار بنظام فندقي، الشقة عبارة عن غرفتين وصالة كبيرة تستوعب جلستين، بمطبخ نظام امريكي ودورة مياه واحدة، الشقق الأرضية لها حدائق خلفية صغيرة والشقق العلوية لها إطلالة تختلف أفضلها آخرها اللي تطل ع البحر مباشرة.
إيجارهم معدله ١١٠٠ درهم تنزل لـ ١٠٠٠ وتطلع لـ ١٧٠٠ حسب الموسم والشقة، الحقيقة الشقق الأرضية ما اعجبتني ولا عمري سكنت فيها وهي الأرخص.
اذا نزلت الى اخر المجمع في الأسفل المسبح والمطعم وجلسات حول المسبح وهو مكان يستحق الزيارة من بعد العصر حتى الإغلاق عند ١١ حتى لو ما سكنت، الجلسة فيه وقت الغروب بالنسبة لي من اللوحات الأسطورية اللي أكررها كلما كنت في كازا أو حول المحمدية، وغالبا يكون مزحوم فما تلقى جلسة في الجهة اللي ع المسبح، وأحيانا يكون برد وكل الناس داخل المطعم يدورون الدفا وما تلقى طاولة.
المطعم نظام مأكولات فرنسي، وأحيانا يكون عندهم استضافات لفرق غيتار او رقصات فالس أو رومبا والجو مغربي أوروبي عموما.