السحب من صرفات المغرب

سؤالين سريعين أيها الخبير المراكشي
عميل التميز كم ياخذ منه البنك عادة لو سحب من صراف مغربي؟
بالنسبة لحساب فلوسي هل الأفضل أني أودع فيه المبلغ بالريال السعودي أم أحوله من أفضل صرف من مصرف لدرهم مغربي ثم أودعه في حساب فلوسي؟

أشتقنا للسناباتك في شات المزاعيط يالغالي :maroc (967):

السوال الاول كم ياخذ البنك هذا على حسب نوع التميز لانه انواع فمثلا عميل البلاتيني في الاهلى لايأخذ اي مبلغ واعتقد كذلك الانماء ولاكن يجب ان تسأل بنكك عن ذلك اوتحدد بنكك ونوع التميز ويردون عليك الشباب اللي جربو السحب
السؤال الثاني
حساب فلوسي اول ماتوصل المطار تأخذ لك فرعه على الصرافين بعد ماتخرج من الجمارك واعتقد الافضل الشعبي اخر واحد على اليمين جنب الدرج ومكينة الصراف ولاتتقيد بالسعر على الشاشة فالمبلغ الذي معك اذا كان كبير حدد السعر معاه بان تقول له لا اعطني سعر صرف اعلى فمثلا لو كان على الشاشة 2.58 يمكن يعطيك 2.6 وانت قله لا اعطيني 2.7 وانت وشطارتك لين تصل الى حل مرضي .
وان ماناسبك شي تستطيع تفتح الحساب وتصرف حق الطريق وتصرف في المدينة اللي تتوجه لها بسعر افضل وتروح لوفاء كاش وتودع المبلغ مقابل عشرة دراهم
رغم اني لا احب التحرك بالمال من اجل فرق بسيط اودع مبلغك وخذ بدل البطاقة ثنتين وثلاث كل وحده 99 درهم وسلامتك وامشي وانت مرتاح البال.
بالنسبة للسناب الشباب فيهم الخير والبركة انا عدت يوم امس الى ارض الوطن وشكرا لك

__________________
توقيعك ملكك متى ماوضعته على الورق اصبح ملك غيرك

تسلم يالغالي، والحمدلله على سلامتك
أذكر مرة صرفت من آخر واحد على اليمين وكان أفضلهم
بالنسبة فيه بنك مرة شكله راقي فيه موضفات مشغولات بالقرق مع بعضهم، بس ماذكر أي بنك، كان الصرف عنده ضعيف جداً.
تفكيري هو أصرف من آخر واحد على اليمين وافتح حساب عند وفاء كاش واودع المبلغ عندهم

الله يسلمك انت والجميع
اخر واحد هو البنك الشعبي
اصلا اضرب لك مثال انا لدي حسابين جاريه واحد في الشعبي والاخر في التجاري وفاء واحيانا لما اجي ومعي مبلغ سعودي كما حصل في هذه المره كلمت مدير الفع حق التجاري كان سعر الصرف عندهم 2.58 وقال انا احاول اجيب لك 2.62 بس ارسل لهم واخذ الموافقة ومشيت والموافقة ماجات رحت للشعبي وراسا قالو لي نعطيك 2.62 واودعتها بحسابي مباشرة .
تفكيرك هو الصحيح بس وجهة نظر اذا كان المبلغ كبير افتح حسابين وكل حساب ببطاقتة ياخذون عليك على كل حساب 99درهم اللي حتى لو تعطلت بطاقة او الحساب لاي سبب تكون عند حساب وبطاقة اخرى

__________________
توقيعك ملكك متى ماوضعته على الورق اصبح ملك غيرك