اليوم رايح اغادير وابي مساعدتكم

مشكورين يا اخون..
توني مسوي جك ان برويال اطلس الصراحه الفندق 2 ستار كثير عليه مستحيل هذا 5 نجوم.. جدا كئيب
ودي اطلع منه واروح للسوفيتيل.. في 2 ماني عارف احجز بأي واحد ولا عارف اذا يدخل طيور ولا لا
ساعدوني لاهنتو

يعطيك العاافيه

السوفتيل راقي وأكثر فخامة بس وضعه مع الدخول والخروج غير واضح

الافضل قبل لا تحجز تروح وتكلمهم وتاخذ منهم المعلومات كامله

مر وقت كان ممنوع فيه الدخول وبعدها صار بفتح غرفه وبعدها رجعو منعوه ثاني ،،

علشان كذا اقولك غير واضح رح واستفسر منهم شخصيا



وياليت تقولنا الاشياء االي ماعجبتك برويال أطلس علشان المزاعيط يستفيدون من تجربتك



ولا تستعجل راح تزين الامور


اقامه سعيدة

الله يعافيك اخوي
بالنسبه للي ماعجبني في الفندق بشكل عام قديم والممرات مظلمه والغرفه قديمه اثاثها مهترء بينكسر والفراش مو نظيف خاصتا المخده والحمام أجلكم الله مو نظيف ولا فيه ماي (شطاف) سمعت في غرف فيها وبروح اغير الغرفه الحين.. وايضا لا يوجد مناديل ولا سليبر(نعل تكرمون) وكلمتهم عشان السليبر يقول ماعندنا بالفندق
الروم سيرفس الاكل بالغرف محدود جدا القائمه صغيره كم طبق بس وممنوع تجيب اكل من بره هذي نقطه سلبيه
اليوم طلبت فطور الاكل جيد والمخبوزات حلوه والشاي لذيذ بس جايبينه بدون كوب :maroc (1094):

في نقطه مهمه.. انا شخص متعود على فنادق 5 نجوم وممكن هذا شي مخليني استاء من هالفندق.. فخلوها بالحسبان هذي وجهه نظر شخصيه وممكن الفندق يكون ممتار بالنسبه للغير
ومشكورين جميعا

حبيبي والله ملاحظات مهمه


في نقطه دايم خلها في بألك ولا راح تتعب معيار فنادق ٥ نجوم في الخليج واروبا يختلف عن معيار ٥ نجوم في المغرب هذا اللي لاحظته. لذلك حاول تتعايش مع الوضع وتمشي حالك وتبسط عمرك وخل السكن ترجعه اخر اليوم للنوم ترى التمشيه في اكادير حلوه والجلسه في المقاهي ع البحر روعه .

بالنسبه للفراش بعد اول سفره لي للمغرب صرت دايم اجيب مفرشي معي وغطاء للسرير وإذا وصلت امر مرجان اخذلي مخدات واريح عمري




سفره سعيدة

كلامك صحيح اخوي 5 نجوم عندهم لا يقارن بفندق 5 نجوم مثلا بدبي
ومثل ماقلت بمر مرجان واشتري مفارش ومخده
بارك الله فيك وشاكرلك المشاركه