حفظ البيانات؟ هل نسيت كلمة المرور؟ تسجيل عضوية جديدة

الاستفسارات سؤال و جواب

تجارب الاعضاء في المغرب اكتب تجربتك سواء سكن من فنادق , منتجعات , شقق ..ومواصلات كشركات تاجير سيارات..خطوط طيران

جييييييييتكم من مراكش واليكم التفاصيل

Secret 9 · 2017-04-17T10:09:35+00:00

توي جاي من شهر تقريبا بس مافضيت اكتب الموضوع الا الحين الزبدة الرحلة كانت لمراكش 10 ايام السكن في الروز قاردن وتوي قريت موضوع لشخص ماعجبه السكن واوفقه في بعض الاشياء طبعا هذي مو اول مرة اسكن فيه وكل مرة اتمقلب لكن هذي الحمدلله كل شي تمام سبب رجعتي لاني كلمت صاحب الحجز واشترطت عليه بعض الاشياء وجتني بالملي والحمدلله كانت رحلة موفقة اخذت راحتي ع الاخر نجي للسلبيات لا يخلو اي سكن من سلبيات في المغرب او غيره وتتخطاها في الرحلة القادمة اول شي وجود حشرات بشكل مقرف في الفلة طبعا الفلة 3 غرف من الفلل الجديدة وحلوة نوعا ما وهذا شي طبيعي انت تقريبا بموقع شبه مزرعة وشي طبيعي تواجد الحشرات اطلب منهم قبل الحجز يرشو الفيلا بمبيدات حشرية اللي على شكل مسحوق مافيها ريحة ولا شي وانا زيادة طقيت لي فليت لين بغيت اسهر برا سبحت الفلة وكتمتها لين رجعت افتح الشباك وصافي امورك هانية وشيك على الفيلا من اول يوم لاني شفت فيه حرق بالكنب ونسيت اخبرهم والحمدلله عدت بسلام بس الشي هذا لازم هم اللي يحرصو عليه مو المستاجر وهذا تقدر تقول انهاا منهم الشي الثاني يلازمهم كثرة اضاءات في الممرات لاني تعبت من الظلمة واضاءات قليلة واغلها عطلانة مدري كيف بتمشي لازم كشاف جوالك الشي الثالث ياخي ابي اعرف مين اللي يختار النباتات ؟؟ في احد يزرع اشوااك وين الجمال في الموضوع اشوااك ياناس لو طحت عليها وانت فاقد يمكن ترجع بتابوت الحل ازالتها وحط ياخي ازرع ورود اشكال جميلة مب اشواك وصبار وماصبار ما ادري وش اسمها بس الزبدة كلها اشواك مالها اي جمال ولا ريحة حلوة ولا اي شي بس قروشة ع الفاضي الشي الرابع ياخي الاغاني ع المسبح ترا مو لازم اعلى شي الواحد مايقدر يسولف مع اللي جنبه قصر الصوت الجو عليل وروقان مو كلشي ازعاج في ازعاج لو في الدسكو اقولك اوكي خذ راحتك بالصوت لانه دسكو بس ع المسبح جو رايق شوي بلاش ازعاج وعاد من زين ذا اللي يغني صوت يجيب الهم لاتغني ياخوي حط ديجي وصافي هههههههه نجي لاسعار الخدمات تطلب ثلج اليوم 30 بكرا 50 بعده 40 على حسب الزرفة وكلواحد يعطي من راسه على حسب ضمير اللي جاب لك الثلج نجي للايجابيات لزوم تتفق مع طباخه وتجيب انت الاغراض بنفس وهيا نفسها بتكون معها البطاقة اللي تفتح كل الفلل تخش الفلة وانتو نايمين وتطبخ وتطلع تصحى تلقى الاكل جاهز وفيه كاميرات على الفلل الحين يعني لاتخاف امورك هانية وفي طباخه اسمها جمعه طبخها واعر بزاف الشي الثاني الصوت والضيوف بالراحة و ع الاخر الشي الثالث التنظيف اطلبهم يجون صح يتاخرو بس يجون دقو على نزهة المديرة ديالهم هيا تزبطكم عاد خلك كريم شوي لاتصير جلف ما اقول كل مرة يعني مرة او مرتين ولاهنا خسارة اعتبرها هدية والحمدلله خرجت بدون اي ضريبة كسر وعنف كالعادة وان شالله دوم طبعا وانت طالع خلك حاسب كل شي كم دفعت وكم باقي لاني بغيت اتجحفل من واحد اسمه عبدالرحيم الله يهديه اقوله باقي كذا يقول لا ويقعد يجيب الحاسبة ويضرب ويقسم ويعطيني مبلغ خرافي انا حاسب الباقي درهم ينطح درهم يعني لاتسوي ذيب لين طفش وقال خلاص كم باقي ايوووه خلك رجال وعطيته الباقي وعطاني الجوازات مع اني ماحب يخلوها عندهم بس اجبروني يلا وش اسوي وخرجت بسلام بدون وجع راس اول مرة يصير كذا وان شالله دوم طبعا من جهة اخرى سهرت في كاش مرة وحدة وسهرت في الدسكو حقهم اللي فيه واحد مسوي نفسه خليجي وهو من جنبها بس سهرة كذا عن قولة تغيير جو وكانت رحلة واعرة السلام خير ختام وشلون اسوي cc للي اسمه روز قاردن هنا ابيه يقرا موضوع ضاروري

شموخ كازا

موقوف

المشاركات: 22,432

تاريخ التسجيل: Jan 2017

2017-07-18, 12:58 AM

المشاركه #11

اقتباس:

المشاركة الأصلية كتبت بواسطة ابو فالح

وبعدين شلون الاخوان يبون هالاماكن يطورون نفسهم وهم علي الخدمه السيئه وعدم النظافه تلقي الحجوزات فول عنده طبيعي يقول ليش اتخسر جاييني جاييني الزباين بس لو كل من جرب سحب عليهم والله ان تشوفهم يطورون عمرهم عشان جذب الزباين لكن لا حياة لمن تنادي
ربعنا وعارفينهم

الاخوان كمان ههههه

الكلمات الدلالية (Tags)

مراكش

« الموضوع السابق | الموضوع التالي »

الذين يشاهدون محتوى الموضوع الآن : 1 ( الأعضاء 0 والزوار 1)

الانتقال السريع

المواضيع المتشابهه للموضوع: جييييييييتكم من مراكش واليكم التفاصيل
الموضوع	آخر مشاركة
التفاصيل المملة...!!!!	2016-05-04 12:45 AM
ذكرى كل التفاصيل	2014-05-30 11:50 AM
ذكرى كل التفاصيل	2014-05-24 11:36 AM
وصلت امس من اقادير ( التفاصيل + الزبده ) 2011-12-8	2012-12-22 01:34 AM
في سرية تامة بنفل وحديدان اتعشو عند نادية واليكم الصورة	2011-12-09 12:26 AM

الساعة الآن 03:13 AM

جميع المواضيع و الردود لاتعبر بالضرورة عن رأي و توجهات الادارة و انما تعبر عن رأي كاتبها فقط

Ads Management Version 3.0.1 by Saeed Al-Atwi

عروض وحجز الفلل و الشقق

السيارات شركات تأجير السيارات

تقارير سياحية

الاستفسارات سؤال و جواب

جييييييييتكم من مراكش واليكم التفاصيل

روابط سريعه