كيف انقل ميزانية الرحلة للمغرب دون حملها معي في الطائرة

السلام عليكم

العلم الوافي للموضوع طبعاً

فتحت حساب ببنك الاهلي حساب عادي وفعلت خدمة كويك باي وهذي خدمة الحوالات الدوليه تقدر تضيف اسمك من الفرع وتصير تحول عن طريق التطبيق حق الاهلي وتستلم الفلوس من فرع وفا كاش نفسه الي بتفتح حساب سائح عنده وتاخذ البطاقه الي كثير من الشباب ياخذها


الي سويته اني يوم وصلت المطار رحت للفرع الي في مطار اغادير قلت بحول و استلم عندك وتفتح حساب قال افا عليك بس وجلست على الكرسي وفتحت التطبيق وحولت المبلغ الي ابيه على اسمي الي انا اظفته من قبل عن طريق الفرع ورجعت لموظف الفرع عطيته الجواز عشان يطابق الاسم وقلت له افتح حساب وحط الحواله كلها فيه وفعلاً فتح حساب وحط المبلغ كامل فيه وسويت التوقيع وكل شي ومشيت .



هذي الفكره حلوه حتى للي ياخذ معه كاش تصلح وقت الزنقات لا سمح الله لان الحواله ما ياخذون عليها كثير كرسوم