العفش عالخطوط المغربيه

ي شباب انا حاجز ع السعوديه بس الخطوط الناقله المغربيه هل معنى ذالك طيارات المغربيه ولا شلون لاني سافرت ع الغربيه ضيقه كراسيها ولافيه شاشات غريبه احجز ع السعوديه ويكبرني مع الخطوط المغربيه

طبيعي مثل حجزي

بخصوص الخطوط المغربيه سافرت عليها كثييييييير
مثل ماتفضل اول رد
لك قطعتين ٢٣ كيلو
وتقدر تشيل معك داخل الطياره ٧ كيلو..

واذا عندك رحله داخليه لمدينه مغربيه بعد الرحله الدوليه
مثلا الرياض -كازا -اغادير

اطلب من موظف المطار بالرياض انك تستلم شناطك فاغادير
لانه لو استلمتها في كازا وتبي تشحنها داخلي بنفسك ماراح يقبلون منك الا قطعه وحده وراح تتورط بالشنطه الثانيه..

جربت أحجز في الحج الجاي على السعودية ولقيت نفس الحركة، الطيران المغربي رايح جاي، والنكتة زيادة في التذكرة عن موقع الطيران المغربي ب150 ريال!
بالتالي الفائدة الوحيدة فقط اذا حجزت على السعودية هو احتساب أميال فرسان اذا كان عندك عضوية.
اذا ما عندك عضوية احجز من المغربية مباشر.

عندك مده طويله تقدر تاخذ الرحله اللي تبي

انا يوم احجز قبل مافيه غيرها انا الذهاب عالمغربيه والعوده السعوديه مباشره للرياض وسعرها ب 5000 الاقتصاديه ثاني العيد

شكلك.معي بالطيارة اذا من الرياض طالع

الخطوط السعوديه والمغربيه بينهم تعاون فبعض الرحلات تكون مشتركه وهذا من مصلحة المسافرين..
لانه صار عندك خيارات اكثر بالوقت..

لانه مثلآ الخطوط المغربيه ماعندها عوده من كازا الا الساعه ٢:٤٥ الظهر
كان المسافرين يعانون لأنه وقت سيء للي جاي من مدينه بعيده عن كازا..
فصار الحين تقدر تحجز على رحلة المساء على الخطوط السعوديه وكأنه حجز واحد..

ونفس الشي في الذهاب مثلآ من الرياض يوم الجمعه الساعه ١ صباحا هاذي رحله وقتها حلو وكانت خاصه فقط للخطوط المغربيه ولكن الان تقدر تحجز عليها من الخطوط السعوديه ...

فصار بإمكانك تضبط لك رحله وقتها مناسب بالذهاب والعوده

وترى مافيه فرق بينهم حاليا من ناحية الطيارات
صحيح انه اول الخطوط المغربيه كانت معاناة ومافيها شاشات ولا اي شي كأنك فباص..
ولكن الوضع تغير من فتره وصارت طيارتهم افضل بكثير ..

هذا المختصر المفيد للي متلخبطين بالرحلات

انا حاجز على السعودية ولكن طلع الذهاب على المغربية والعودة على السعودية


وبصراحه انا جربت المغربية عام 2014 كانت جداً سيئه


هل تغير الوضع والأن فيه شاشات وترفيه ؟