الروز قاردن بكل اختصار

مرحبا شباب

الحقيقه انا سكنت الروز 3 مرات و كل مره اكتشف شي

راح اكتب لكم الشي اللي اعجبني و الشي اللي ما اعجبني ليكون انصاف للمنتجع و لكم

اللي ما اعجبني
1- بصراحه الحجوزات لا يوجد احترافيه في الحجز ابد يعني تحول عربون و تحجز مكان انت تبغه يعني رقم فله و يقولون لك متوفر في تورايخك و اخر شي تجي تتمرمط يسكنونك في أي فله و يقولون بكرا ننقلك فله ثانيه هذا غير الانتظار امام الاستقبال لكي يخلصون لك الفله.
2 - خدمه الغرف ضعيفه ضعيفه ولا يوجد نظافه
3- بعض الفلل التكييف فيها غبي و ضعيف في الصيف
4- الاسعار مبالغ فيها مقابل الخدمه والاثاث
5- الكزنو فااااشل ولا يوجد اهتمام فيه
6- الممرات بين الفلل في الليل ما تشوف طريقك
7- الطبخات شختك بختك تجبرك و تجبرك على مواعيدها (استثني منهم ثنتين او ثلاث فقط )
8- المغسله في الروز لا يهتمون في الملابس والغسيل وانا خربو على ملابس غاليه و قالو اخصمهم من راتب العامله و رفضت لان قيمه الملابس اكثر من راتب العامله ولا حبيت اضرها
9- النترنت ضعيييف في بعض الفلل
.....

اللي اعجبني فيه

1- المسبح و الاجواء فيه
2- الائمان و الحراسه فيه جيده
3-نظام البخشيش فيه انت و ضميرك ولا احد يطلب منك شي وهذا شي طيب
4- تاخذ راحتك في الصوت ولا احد يقولك اقصر او ارفع صوت السمعات
5- المشاوي عندهم جميله المعلم السوري
6- المواقف بعض الفلل تكون السياره عند الباب ووالدخول و الخروج مريح
7- صرافه داخل المنتجع

........

رسالتي لا اورد من وراها شي فقط نيرد تحسين الوضع السيى
و مراجعه الاسعار اللي كل فتره تزود 200 درهم

مرحبا اخوي
بصراحه كل اللي يجون الى مراكش يبحثون عن نفس ما ذكرت
ولاكن
اختلف معك في سالفه ان ما يهمهم النظافة و الاثاث مكان دافع فيه يوميه لا يقل عن 2500 ريال
ما يكون في المظهر هذا
تحياتي لك

مرحبا اخوي
انا لما كتبت الموضوع

على شان يستفيد منه الإدارة و صاحب المنتجع والاعضاء

ولا هو غلط ان الادارة تسمع ما يبحث عنه النزيل وتحسين و تطوير المنتجع الى الافضل

يعني كثير من الفنادق و المنتجعات بعد مغادره النزيل يضعون استفتاء لنزيل على الايميل
لتطويل العمل و المنافسة والخدمة المميزة

تحياتي لك اخوي

هلافيك يا فطومه

اسف بس كنت مركز في الكلام ولا انتبهت لنك نيك تبعك

يعطيك العافيه