تكاليف السفرة للمغرب أول مره أروح

لا يغرك الخليجي والله يد قدام ويد وراء المسكين مأخذ قرض وجاي يفلها عندكم
المفروض يتعامل الخليجي زي ما يتعامل الأوربي بالصرفيه والله انه لا ينتهي الاستغلال

اتفق معك بموضوع الأوربي
الاوروبي له قدسيته الخاصه ونادر احد يستغله لانه عارف القانون ومؤسس صح في بلده على القانون

اذا وقفه احد من الدرك ولا الشرطه مو مثل ربعنا يدفعون علشان يمشوون

الاوروبي ينشف ريقهم ويرفض يدفع إكراميات من دون خدمه علشان كذا يزهقو منه ويمشوه

بالنسبه للقروض
اللي يأخذ قرض ويحمل نفسه اقساط وبهذله هذا يستحق لقب غبي من الدرجه الاولى مع احترامي لجميع من يأخذ قروض ويسافر !!!

لا والله جد سلامات ؟ ما اعتقد اني بوصل لدرجة أخذ قرض وأسافر

الله لا يبارك فيها سفره بتحملني ديون سنه او سنتين علشان أسبوع او أسبوعين !!!

ياخي خطط صح واصبر جمع من راتبك والا يازين ديرتك

السفر امر ثانوي في الحياه ويعتبر من الكماليات مايستحق اني أخذ قروض وابهذل عمري ،، اذا ماقدرت تسافر بفلوسك ياخي بلاش السفر او في أماكن ممكن تسافر بناء على ميزانيتك

يا تعبت
اذا السفر موضوع ثانوي خلاص لا تسافر
حتى تشتري بيت و تتزوج و تدرس عيال و بعد ما تتقاعد سافر
90 بالميه من الشغب يسافر سلف او قرض. و انا اولهم
ما جمعت اول حياتي علشان اجمع الحين
اذا انت تاجر. وامورك الماديه عال العال و تستطيع السفر
و شراء ما تريده اي وقت احمد ربك على النعمه
ولا تقول عن الباقين اغبياء
ترى باقي الشعب طفران ما يلحق الراتب الراتب
و ديرتنا طفش ما اذا ما طلعنا زاد الهم الهم

تحياتي لك اول شي لك كل الاحترام والتقدير

عندك وعندي خير والله يرزقني وياك ان شاء الله
نعم بالنسبه لي السفر امر ثانوي وليس أساسي ولو عندي التزامات ماديه ومديون ومنهك ماديا كان ماسافرت الاولى لهالفلوس اخليها للاتزمات ناهيك عن اذا كنت متزوج واعيش عيالي في ضغط علشان اسافر زي بعض المهبل اللي نشوفهم هناك لا والله مابي السفر الا اذا كنت مرتاح ماديا او على الاقل عندي مساحه ماديه اقدر اتحرك فيها واخليها للسفر.


أموري الماديه مثلي مثل غالبيه الشعب والحمدلله متيسره أموري ولا عندي التزامات ولا ديون

وعلشان أزيدك من الشعر بيت عندي اجازه حاليا وكان ممكن اروح لأي بنك أخذ قرض وأسافر.. بس بمجرد التفكير اني مسافر بقرض احس اني تافه ..

ومن احد الأسباب اني ماراح اسافر الصيف هذا واجلت سفرتي الى شهر فبراير القادم علشان اضبط أموري الماديه .


تمنياتي لك برحلة سعيده