مراكش واغادير 15 يوم

مراكش اغلى من اكادير وبالنسبة ل ١٥ اشوفها ممتازه جدا سفراتي كلها وحداني من ١٥-٢٠ يوم على حسب جوك

رحلة موفقه.

يا شباب نبي اسماء فنادق زينه ونصايحكم في مراكش واغادير:morocco_5 (110):

بالنسبة للطيران من الدمام والبحرين مافي دايركت عندك المصرية تنزل ترانزيت 3 ساعات بالقاهرة والاماراتية ترانزيت دبي تقريبا ساعة ونص او انك تطلع طيران داخلي للرياض وبعدها تطلع على المغربية دايركت من الرياض
بالنسبة للسكن بمراكش انصحك بمنتجع النخيل
وفي اغادير اسكن بأطلس مارينا
وبما انك مسافر وحدك افضل ان المدة بأغادير تكون اطول من مراكش وبالاخير انت اذا وصلت شوف وين راحتك
وسفرة موفقة

يعطيكم العافيه الجميع ما قصرتو

بس اشوف النخيل يتكرر بخصوص مراكش في اكثر من النخيل في منتجع ابراج النخيل ومنتجع جولف النخيل اي واحد فيهم ياليت التحديد

اولا انا اشجعك تروح لوحدك ، متعة السفر لوحدك وحرية اتخاذ قراراتك لايعدلها متعه .... وهو بكل الحالات ماراح تكون لوحدك ..

بالنسبه للطيران انصحك تاخذ طيران داخلي للرياض وتطلع دايركت بالذهاب والاياب الرياض كازا كازا الرياض بدل مرمطة مطارات الترانزيت .

ابدأ باغادير وانزل مراكش عشان قربها من المطار وخذ سيارة من المعلنين بالمنتدى راسلهم واتس اب وشوف السعر الي يناسبك وتوكل على الله .
اذا انت متناشط ورحلتك وصلت بدري ( السعودية توصل الصباح ) ادفع حق كامل مدة اجار السيارة كاش مرة وحده ولاتحجز جوازك أو تتعامل بالفيزا ثمن سقها على اغادير .
تنويه : احتفظ بالايصال وصورة العقد معاك وتأكد ان السيارة بدون ملاحظات بالبودي وصورها اذا تبغى لان الجوالات تحتفظ بتاريخ ووقت التصوير .

نجي لموضوع السكن ومعاناته ....
المضمون وكونها اول مره تسافر كلم المؤيد واحجز عن طريقة باغادير برويال اطلس أو اماديل او صحارى او المارينا .
انا رتبتها لك حسب الأفضلية برأيي الشخصي.
واذا وصلت اغادير وروقت ابدأ بالتفكير بسكن مراكش وكلمهم بجوالك المغربي وقارن بالاسعار وخذ راحتك على الآخر الي يناسبك حول لهم العربون أو روح لمراكش بدري من الظهر وشوف سكنك بنفسك وادفع حق يومين واذا ناسبك نظامه مدد .

ورحله سعيدة ....

__________________

الحياة ليست عدو لنا بل صديق مشاكس

اهم شي يا اخي الكريم تختارلك طير يونسك في اغادير وماراح تحس بالوحدة أبدا..
اسكن بشقق المارينا قريبة من سكاي ..
خذلك سيارة من المطار او ممكن يوصلك التكسي اول يوم إلى المارينا وبعدين هناك في مكاتب تأجير سيارات إذا إحتجت..
روح ماراح تندم .. وتنفس هواها .. ياسلام

لاتطلع للمغرب من الرياض ,, لانك بتوصل بالليل ,, وانت وراك خط الى اغادير
لذالك انصحك على طيارة الاماراتية او المصرية ,, كلاهما تاصل الساعه 12 ظهرا

بعدها تروح الى اغادير مباشرة ,, وممكن اعطيك رقم مكتب انا شخصيا اتعامل معه يرتبلك سكن الي يناسبك ,, وارشح قصر الورود
ولا انصحك ترتبط في حجز سكن بمراكش ,, يعني اذا مليت من اغادير روح مباشرة لمراكش ,, واتجهه الى النخيل او الروز قاردن وبتحصل طلبك .
والمغرب جميل وبلد امن ,,

اطلع ع السعودية ل جدة لان فيه رحلة الفجر
ساعه 4 توصل ٨ الصبح و العوده دايركت افضل لك
وتاخذ يومك من اوله
اغادير ما انصح فيها
طنجه افضل لك و مراكش غاليه جداً
١٠ ايام كفايه

اذا انت لحالك خلك في روز قاردن اشرح
لان النخيل كئيب خاصة انك لحالك

يالربع اسافر لحالي كيف تقدرون عليها ؟؟

انا اذا جلست في القهوه يوم ولا يومين ولا جاني احد تجيني حاله نفسيه
ولكن كل واحد له طبيعته ومتعته ولكن للامانه ماني متقبل التفكير فيها
واحتمال اني اجبر نفسي واجربها في الفتره الجايه واشوف كيف الناس تعيش لحالها

__________________
كل ما جيت أبسلى عن غرامك وأتوب ... جددت جرح قلبي كل نسمة هبوب...