طلعت لغرفتي تمددت على السرير وافكر وين وين اروح ثاني يوم لي في طنجه فكرت مع اني مرهق نمت الساعه 2 تقريبا بالليل صحيت الساعه اربع العصريه فيه مطعم وكوفي قريب من الفندق تغديت ورجعت صعدت تمددت صج مثل ماقالو كثر النوم يجيب النوم بس مانمت متمدد لي صارت الساعه سبع المسا قلد ياولد انهض خذلك شاور وتنشط اخذت شاور ونزلت تحت قلت خلني اسير على بار الفندق اشوف وضعه كان بار لطيف فيه فنانه تغي اغاني اجنبيه رومنسيه واغلب الموجودين كبلز اجانب واهل البلد جلست شربت من عصيرهم المحترم لين صارت الساعه 12 قالو بيقفل البار قلت اوكي طلعت منهم رحت لموفنمبيك فيه ديوانيه حلوه يتجمعون فيها ربعنا وعلى فكره يالربع اكتشفت لكم شغله حلوه للي يستخدم وفا كاش اذا تبي تسحب عشرين ولا خمس وعشرين الف مره وحده روح لاي عطهم الكرت قلهم المبلغ اللي تبي يعطونك فيش للعب العب بمية درهم ولا لاتلعب انت اجلس شوي ارجع لهم اصرف الفيش يعطونك فلوس جربتها انا في طنجه
رحت لموفنبيك طلبو حواز سفري ومكان معاي جوازي بفندقي بالغرفه رجعت لفندقي اخذت جوازي ورجعت لهم دخلت الدوانيه كان فخم نوعا ما والعالم كلن لاهي بنفسه وانا لهيت بنفسي للساعه اربع ونص طبعا العصاير والعشى فري فابور رجعت للفندق شبكت لاب توبي اتصفح شوي وبعدين تمددت وحبتين بندول نايت وهات بانوم للساعه ثلاث العصر صحيت ومن صحيت وانا براسي كبسه لحم دجاج مو مهم المهم كبسه
قلت خلني اكل اي شي وبعدها امخمخ عدل ونزلت للوبي سالتهم قالولي في مطعم على حمام السباحه رحت طلبت وجبتي البديله عن الكبسه الاسباكيتي باللحم المفروم والصلصه الحمرا وكليت عبيت الخزانات عدل
الحين بدا المخ يشتغل رحت للوبي واشوف في وجيه الموظفين اللي على الباب والي يحملون الشنط وانيشن على واحد وانا اجيه وهات سوالف معاه قلت ماتعرف شي واحد سمسار ديال شقق قال كاين(موجود) قلت ليه عيط ليه(اتصل عليه)يجي
جاني السمسار وقلتله ابي شقه نظيفه قال موجوده اتصل على واحد وطلعنا شفنا الشقه اتفقت مع صاحب الشقه واخذتها قالي بس يوم واحد وانقلك لشقه ثانيه لانه اليوم لك وبكره بنسوي فيها فرح بنتي هذا كلام صاحب الشقه قلت اوكي رجعت للفندق قلتلهم بسوي جيك اوت باقي لي يوم عندكم قالو مو مشكله رجعو لي حساب يوم وشلت اغراضي ورحت للشقه كانت غرفتين عند الماكدو وقريبه من المول بعني تروح مشي للمول
وكان في واحد كل مانزلت رايح للمول يقول يااااحولي اسمع صوته ماشوفه ولما يقول ياحولي ارد عليه انا اقول ماااااااااااء
اخر شي سكت ماصار يقول شي
بصراحه طنجه حلوه وناسها محترمه لقيت كل احترام منهم
اخر مره اكتب تقرير تعبت
لنا عوده حفظكم الله
️4ALL
2017-08-11, 06:58 PM
المواضيع المتشابهه للموضوع: سفرتي للمغرب تاريخ 2/5/2017
العرض المتطور
الدرهم المغربي مقابل عملات الخليج